Ȓƹabḏ n Arebbi itƹeddaben

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

13 Aqa ȓƹabḏ inu s ȓefhameṯ aḏ ixḏem, netta yuƹȓa aḏ itwasbedd aṯ semɣaren. 14 Mecḥaȓ ḏ yiwḏan iy ḏayec itƹejjben! Sexsaren uḏem nnes war d iḍehhar am wuḏem n bnaḏem; Ṣṣifeṯ nnes meḥḥnen-teṯ war d tbin am ṣṣifeṯ n yiwḏan. 15 Ammu netta aḏ isseḏhec aṭṭas n ȓegnus n midden. Ƹlaḥsab netta aḏ bellƹen izeǧiḏen iqemmumen nsen, min war ḏasen nnin ca niṯni aṯ ẓaren, min war tesȓin ca niṯni aṯ fehmen. 1 Wi yumnen s wawaȓ nneɣ, ƹaweḏ wi ḏas d iḍharen jjehḏ n ufus n Siḏi Arebbi? 2 Netta imɣar zzaṯ i Arebbi amecnaw ij n arbiƹ, amecnaw azwar ḏi ṯmurṯ ṯuzeɣ. War ḏayes la zzin niɣ ȓehimmeṯ ḥima aḏayes nexzar, war d iḍhar bu ḏ aṣebḥan ḥima aṯ netcehha. 3 Iwḏan ḥagaren-ṯ, ƹiffen-ṯ. Iḥzen aṭṭas, innum akeḏ ȓeḥriq. Nḥaggar-iṯ war ḏas nuci bu lqima, nesḍar ṯiṭṭawin nneɣ ḥima war ṯ ntwiȓi. 4 Maca iysi xaneɣ ȓheracaṯ nneɣ, iysi xaneɣ ȓḥeznaṯ nneɣ, neccin tɣiȓ-aneɣ Siḏi Arebbi iƹaqeb-iṯ, yuwṯ-iṯ, iƹeddeb-iṯ. 5 Itwajareḥ ḏi ssbab n ȓmuƹṣiyaṯ nneɣ, itwarbez ḏi ssbab n ddnub nneɣ. Netta itwaƹaqeb ḥima neccin a niȓi ḏi ȓehna, uca ngenfa ḏi ssbab n ijariḥen nnes. 6 Neccin marra nweddar amecnaw iḥuȓiyen, kuȓ ijjen iḍfar abriḏ nnes. Siḏi Arebbi igga xas ddnub nneɣ neccin marra. 7 Itwaḍȓem, itwaƹeddeb, war irzim aqemmum nnes. Amecnaw izmar wami tawin-ṯ aḏas ɣarṣen, amecnaw ṯixsi wami ṯseqqar zzaṯ i yinni itȓisen ṯaḏuft, ammu war irzim aqemmum nnes. 8 Ḍeȓmen-ṯ, ḥekmen xas, uwin-ṯ. Mani ǧan ddurriṯ nnes? Ṯuḏarṯ nnes twakkes x ṯmurṯ. Icca ƹamuḏ ḏi ssbab n ȓmuƹṣiyaṯ n ȓqum inu. 9 Ggin-ṯ ḏeg unḍer akeḏ yinni ḏi iǧa ccerr, immuṯ akeḏ twajar, waxxa war iḍȓim ḥadd, waxxa war ḏayes bu ixarwiḍen qaƹ. 10 Siḏi Arebbi irbez-iṯ akeḏ ȓexȓiq s ȓxaḍar nnes. Wami iqeddem ṯuḏarṯ nnes ḏ teḍḥiyaṯ, aḏ iẓar ddurriṯ nnes, aḏ iƹic aṭṭas n ussan, zzayes aḏ itwakemmer ȓxaḍar n Siḏi Arebbi. 11 Menbƹad i ȓƹḏeb nnes, aḏ itwaȓa nnur n ṯuḏarṯ, uca aḏ ifarḥ. S ȓefhameṯ nnes, ȓƹabeḏ inu iǧan nican aḏ yarr aṭṭas n iwḏan nican, minzi axasen iysi ddnub nsen. 12 X manaya aḏas uceɣ amcan jar yinni imɣaren, aḏ ifaȓq agȓa jar yinni ijehḏen, minzi iḍehha s ṯuḏarṯ nnes s ȓmewṯ, itwaḥesab akeḏ yinni iƹṣan, iysi ȓmuƹṣiyaṯ n inneɣnit, itarr i Arebbi x yinni iƹṣan.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.