Amsenjem nneɣ iyzi ḏaneɣ iwƹeḏ Arebbi

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

1 Innama, yinni tuɣa itwazeyyaren war ḏaysen tɣimi ca ṯubercant-a ƹaḏ. Ḏeg wussan n iƹḏun Arebbi iseḥqar ṯamurṯ n Ayṯ-Zafulun ḏ Ayṯ-Naftali, ḏeg wussan ineggura aḏ isemɣar ṯamurṯ n Jalil mani ǧan ȓegnus x ubriḏ nni n ȓebḥar ḏi ccarq n yiɣzar n Lʼurdun. 2 Qa ccaƹb nni ig igguren ḏi ṯaǧesṯ, ẓrin ijjen n ṯfawṯ ḏ ṯameqqrant; Yinni ig izeddɣen ḏeg yijjen n ṯmurṯ n ṯubercant, ijjen n nnur imeḍhar-asen-d. 3 Cek ṯarniḏ x ccaƹb-a ṯzayḏeḏ-asen ȓefraḥeṯ; Tfajan zzaṯec mamc farrḥen s lɣilla n ṯfeǧaḥṯ; farrḥen mamc farrqen ȓƹaskar ṯaḥewwasṯ. 4 Aqa ṯzayȓut nni iy xasen iḏeqȓen, ḏ ukeccuḍ nni iy ɣarsen x iƹruren, ḏ uƹmuḏ nni n wenni iy ṯen iḍeǧmen, cek ṯarziḏ-ṯen am nhar nni n Ayṯ-Midyan. 5 Aqa marra iharkusen nni n iƹaskariyen ig iteggen ssdaƹ ƹejjnen zzaysen, u ḏ marra arruḍ nsen itwanfes s iḏammen, aḏ iȓin ḏ ikeccuḍen ḏi ṯmessi aḏ twaḥerrqen. 6 Minzi aḏaneɣ d itwaxȓeq ijjen n useymi, aḏaneɣ d immuc mmiṯneɣ i neccin, x ṯeɣruṭ nnes ȓmulk axas yiȓi. S yisem nnes aḏas inin: Lmustacar istuƹejjuben ḏ Arebbiṯneɣ ijehḏen, ḏ Babaṯneɣ itduman ḏ Lʼamir n ssalam. 7 Ȓmulk nnes ḏ ssalam mecḥaȓ ɣa mɣaren! Niṯni ƹemmarṣ aḏ fnan. X ȓƹarc n Dawed axas iḥkem, x lmemlaka nnes axas iteḥkam. At igg at isbedd s ȓḥaqq ḏ min iǧan nican, zi ssenni aȓ ṯsawent i ȓebda ḏ daʼiman. Ḏ lwajib n Siḏi Arebbi n iƹaskariyen iy ɣa iggen ammen.

²⁶ Ilizabet wami ṯeǧa ḏi char wis setta, issekk-d Arebbi ijjen n lmalak qqaren-as Jibril ɣar yijjen n ubilaj ḏi ṯmurṯ n Ljalil qqaren-as Naṣira. ²⁷ Iruḥ ɣar yijjen n ṯeƹzriṯ qqaren-as Maryam ṯenni iy keḏ igga zzujiya ijjen n uryaz zi ddurriṯ n Dawed netta qqaren-as Yusef. ²⁸ Yuḏef ɣares lmalak nni inna-as: "Azul ya ṯenni iy xef irḍa Arebbi, aqa Siḏi Arebbi aqaṯ akiḏem." ²⁹ Ḏinni Maryam ṯnexȓeƹ wami ṯesȓa i wawaȓen nnes, ṯrezzu aḏ tmeyyez min iƹna sȓam nni. ³⁰ Inna-as lmalak nni: "War teggweḏ ca a Maryam, aqa cem yarḍa xam Arebbi! ³¹ Aḏ teysiḏ aƹeddis, aḏ d tejjeḏ ijjen n uḥenjir aṯ tsemmiḏ Ƹisa. ³² Aḏ yiȓi imɣar, ataf tȓaɣan-as a Mmis n Wenni Yuƹȓan. Aḏas yuc Siḏi Arebbi nnes lƹarc n jeddis ameqqran Dawed. ³³ Aḏ iḥkem x ȓqum n Yaƹqub i ȓebda, ȓmulk nnes ƹemmarṣ aḏ ifna." ³⁴ Ṯenna-as Maryam i lmalak nni: "Mammec iy ɣa yiȓi manaya? Aqa nec ƹaḏ ḏ ṯaƹzriṯ." ³⁵ Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi. ³⁶ Ilizabet ṯenni iǧan zi ȓeḥbab nnem, waxxa nettaṯ ṯemɣar aqat s uƹeddis. Aqat ḏi char wis setta waxxa tȓaɣan-as yiwḏan a ṯenni war itirwen ca. ³⁷ War ṯeǧi bu can ȓḥajeṯ ṯeqseḥ ɣar Arebbi." ³⁸ Ṯenna-as Maryam: "Nec aqayi ḏ ṯaxeddant ɣar Siḏi Arebbi, arḍiɣ x wawaȓ nnec aḏayi iwqeƹ." Ssenni iruḥ xas lmalak nni.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.