Min iƹna ljawab ineḵ?

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

³⁶ Iwa kenniw itxeṣṣa aḏ tessnem marra Ayṯ-Israʼil mebȓa ccekk, qa Ƹisa-ya wanita iy ṯṣellbem iggi-ṯ Arebbi ḏ Siḏiṯneɣ ḏ Lmasiḥ." ³⁷ Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?" ³⁸ Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya. ³⁹ Liʼanna yuca-awem ȓƹaheḏ i kenniw ḏ ṯarwa nwem ḏ marra yinni iggwjen, iƹni i marra yinni iy xef d ɣa iȓaɣa Siḏi Arebbi." ⁴⁰ Iƹȓem-asen Buṭrus aṭṭas iweṣṣa-aṯen inna-asen: "Snejmeṯ ixef nwem zeg yiwḏan n ȓqewṯ-a ḏi ǧan ixarwiḍen." ⁴¹ Ssenni yinni iqebȓen awaȓ nnes ruḥen twaṭehharen s waman. Nhar nni marnin can ṯeȓtaȓaf iḏsen ɣar ȓmuminin.

1 Ssƹaḏ n wenni umi twaɣfarent ȓmuƹṣiyaṯ, ḏ wenni umi ɣeṭṭan ddunub ines s arraḥmeṯ. 2 Ssƹaḏ n bnaḏem nni war ṯ itḥisib ci Siḏi Arebbi x ȓeqbaḥeṯ, wenni mi ɣar iǧa arruḥ ines bȓa acemmaṯ. 3 Nec wami iȓa seɣḏeɣ degdigen-ayi ixsan, iȓa nhar ikmaȓ sɣuyyiweɣ s inehhaḵen. 4 Aqa tmeḥḥaneḏ-ayi s ufus ineḵ am ǧiyaȓi am wussan; Amuḵ ssazaɣent smayem, ammen iy ḏayi uzɣen iḏammen. 5 Ȓuxenniṯ nniɣ-aḵ ddunub inu dirikket, war xaḵ snuffareɣ ci ȓeqbaḥeṯ; Nec nniɣ: "Aḏ ƹtarfeɣ i Siḏi Arebbi s ȓmuƹṣiyeṯ." Cek ṯeɣfareḏ-ayi, ccarr inu ṯmesḥeḏ-ṯ.

⁹ Qa meȓa ṯcehḏeḏ s uqemmum nnec illa Ƹisa ḏ Siḏic, meȓa ṯumneḏ s wuȓ nnec illa Arebbi isekkar-iṯ-iḏ zi ȓmewṯ, ataf aḏ tnejmeḏ. ¹⁰ Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.