Muḵ ḏaneɣ itƹawan Siḏi Arebbi?

1 Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

2 Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

3 Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

4 Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

5 Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

6 Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

7 Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

8 Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

¹⁵ Meȓa tḥibbim-ayi kenniw, ggeṯ zi ȓuṣiyaṯ inu. ¹⁶ Nec aḏ ttareɣ i Baba ḥima aḏawem yuc Lmuƹawin nneɣni ḥima akiḏwem itiȓi i ȓebda. ¹⁷ Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem. ¹⁸ War kenniw tijjiɣ ca ḏ iyuwjiȓen, aɣarwem d ƹeqbeɣ. ¹⁹ Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem. ²⁰ Ḏi nhar nni aḏ tessnem belli nec aqayi ḏi Baba, kenniw ḏayi, nec ḏaywem. ²¹ Wenni ɣar ǧant ȓuṣiyaṯ inu ixeddem zzaysent, ataf itḥibba-ayi. Wenni ḏayi itḥibban, ataf aṯ iḥibb uȓa ḏ Baba. Aṯ ḥibbeɣ uȓa ḏ nec, aḏas d smeḍhareɣ ixef inu." ²² Inna-as Yahuḏa (maci Yahuḏa Isxaryuṭi): "A Siḏi, mayemmi ɣa d ṯseḍhareḏ ixef nnec i neccin, ddunect lla?" ²³ Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ. ²⁴ Wenni war ḏayi itḥibbin, ataf war ixeddem ca zeg wawaȓ inu. Awaȓen-a iy tesȓam war ǧin ca inu lla, n Baba iy ḏayi d issekken. ²⁵ Ṯimesȓayin-a nniɣ-awem-ṯent u nec ƹaḏ aqayi akiḏwem. ²⁶ Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ. ²⁷ Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

1 Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

2 Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

3 Min nremmeḏ x iwḏan, zagsen ixf nneɣ, zgi ṯɣuri-ya?

4 Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

5 Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

6 Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

7 Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.