Lkanisa ṯexḏam akd maȓa min ḥḏajen iwḏan

Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

⁶ Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas. ⁷ Kuȓ ijjen itxeṣṣa-yas aḏ iṣeddeq s min inwa ḏeg wuȓ nnes maci s uxeyyaq niɣ s bessif, minzi Arebbi itexs wenni itṣeddaqen s ȓefraḥeṯ. ⁸ Arebbi netta izemmar akenniw isfeyyeḍ s lbaraka bac ataf ȓebda aɣarwem yiȓi min teḥḏajam marra ṯumma aḏ tarnim aṭṭas ḏi marra ȓxeḏmeṯ ṯaṣebḥant. ⁹ Mammec iqqar Lkitab: <Netta iferreq aṭṭas uca yuca-asen i ipubriṯen, ȓḥaqq ig itegg netta itduma i ȓebda.> ¹⁰ Wenni ig iferrqen zzarriƹeṯ i ufeǧaḥ nni ig izerrƹen iticc-as ƹaweḏ uȓa ḏ aɣrum iy ɣa icc, ataf netta ƹaweḏ aḏawem yarni ḏi zzarriƹeṯ nni iy ṯzerrƹem aḏ isemɣar min ṯmejjarem zi ṣṣaḏaqa-ya nwem. ¹¹ Aɣarwem yiȓi ȓxir aṭṭas ḏi marra bac ataf aḏ tiȓim ṣaxiyin. U xmi ɣa nessiweḍ ṣṣaḏaqa-ya nwem aḏ teḏweȓ ḏ ijjen n ccuker i Arebbi. ¹² Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi. ¹³ Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan. ¹⁴ Rezzun xawem tẓaǧan xawem ƹlaḥsab arḍa nni ameqqran iy ḏawem yuca Arebbi. ¹⁵ A neḥmeḏ Arebbi x lhadiya nni nnes, war nzemmar at newṣef.

Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

Min nremmeḏ x iwḏan, zagsen ixf nneɣ, zgi ṯɣuri-ya?

Min nremmeḏ zgi ṯɣuri-ya necnin ka kanisa?

Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.