Imeḥḍaren azun x Siḏi Arebbi

Zeg wami nemserqa ṯwarat ṯangarut, min teƹna rḥajeṯ icijjin atcekkaḏ?

Min teƹna rḥajeṯ icisxeyqan simanaya, i min ṯeḥḏajiḏ ḥuma aḏitwaḥesen rḥar?

Min tƹnant ṯimsrayin i tḥḏajan iwḏan gi lmujtamaƹ ineḵ? Muxas ɣa negg anƹawn ayawya gi min itxessan mixef nmhawaḍ?

Min teƹna ṯiɣuri ṯangarut zeg wami nemserqa? Min nermeḏ x Siḏi Arebbi ḏ iwḏan?

Gu mserqi aneggaru, cek ṯqerreḏ atebqeḏ min ṯremḏeḏ. Min ṯeggiḏ i mux iƹḏa?

Ugmi ṯcarkeḏ cin ḥajeṯ zgi ṯɣuri ṯangarut? Mux istajben?

Necnin nḥeded attas n l'iḥtiyajat gu mserqi aneggaru. Nxetet ḥuma anlebba l'iḥtiyajat. Mux iƹḏa?

Ruxa, awaḥiṯ anseǧ i ijjen ṯɣuri ḏ jḏiḏ zgi Arebbi...

³⁵ Ṯiwecca nnes zic wami ƹaḏ war iṣbiḥ ca ȓḥaȓ, ikkar iffeɣ iruḥ ɣar yijjen n umcan ixȓa, itẓaǧa ḏinni.

¹⁶ Netta tuɣa itraḥ ɣar imucan ig ixȓan ḥima aḏ iẓẓaǧ ḏinni.

¹² Ḏeg wussan nni, igaƹƹeḏ Ƹisa ɣar uḏrar aḏ iẓẓaǧ iqqim ḏinni ǧiȓeṯ ṯekmaȓ itẓaǧa i Arebbi.

³⁸ Ƹisa ḏ imeḥḍaren nnes gguren x ubriḏ. Yuḏef ɣar yijjen n dcar, ṯreḥḥeb zzayes ijjen n ṯemɣarṯ qqaren-as Marṯa ɣar ṯeddarṯ nnes. ³⁹ Akiḏes ijjen n učmas nettaṯ qqaren-as Maryam ṯruḥ ṯeqqim ɣar iḍaren n Siḏiṯneɣ ṯebḏa tsennaṭ i wawaȓ nnes. ⁴⁰ Marṯa ṯennuɣ aṭṭas ḏi ccɣeȓ n ṯeddarṯ. Ṯusa-d ṯenna-as i Ƹisa: "A Siḏi, ma war ḏac ṯecqi ca učma ṯeqqim waha ṯejja-ayi waḥḏi xeddmeɣ ccɣeȓ? Ini-yas aḏayi ṯƹawen baƹḏa!" ⁴¹⁻⁴² Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Ruxa, cin ḥed axdiƹaweḏ lmeqteƹa s wawaren ines, ameḵnaw itƹawaḏit i cin umdukkar iƹamas isiseǧen. Janaɣ aṯnƹawen mara ittu cin ḥajeṯ niɣ yanu ci slxata'. Mara yuqaƹ manaynni mumkin anseqsa "mani ṯufiḏ manaynni gi ṯiɣuri?"

Min ḏanaɣ ṯsermeḏ ṯiɣuri-ya x Siḏi Arebbi, x tbiƹaṯ ines, ḏ min itegg?

Min nremmeḏ x iwḏan, zagsen ixf nneɣ, zgi ṯɣuri-ya?

Min nremmeḏ zgi ṯɣuri-ya necnin ka imeḥḏan?

Muxas atebqeḏ lḥaqiqa n Siḏi Arebbi zgi ṯɣuri-ya gi ṯuḏarṯ ineḵ simana-ya? Man rxeḏmeṯ ḏ rḥajeṯ itxeṣṣaḵ ateggeḏ?

Min iƹna wa migi atcarkeḏ lḥaqiqa zgi ṯɣuri qber ma anemserqa ṯwarat nedden? Ma ṯesneḏ cin iwḏan nedden i yazun aḏektacfen awar n Siḏi Arebbi gi application-na maṯalan amux necnin?

Mixef ididqarab ankemmer amserqi-ya, janex anqarer mermi anemserqa ṯwarat nedden ḏ min iƹna wa axan isehren amserqi idigguran.

Ntcajaƹ'ic atsejleḏ nuqat x min tenniḏ ateggeḏ ḏ atƹawḏeḏ atesriḏ i ṯiɣuri-ya gi riyam qber amserqi idigguran. Wenni igisgguran izemma aḏicarek ṯiɣuri ḏ tira nix ḏ awar mara cin ḥed waɣasci. Mixef naggur, awaḥiṯ anseqsa Siḏi Arebbi aḏaniƹawen.