arfofn n ismg n rbbi

1 mr7ba bik gh l7iSa tamaynot n towsnna n rbbi. ghsizwwor ransaqsa ngratengh mamnk an nga. mafa tchkart sidi rbbi gh aylli kollo ijran mn tiklit liyGran isnmaqr?

2 mak ichtn gh imalas ad izrin? d mak ikhasan bach adggint tghawsiwin 3la khir.

3 madggant limorat lkhasanin midn gh lmujtama3 nk, d mamnk snzDar anm3iwin d inGratengh bach adasnt naf afssay.

4 matga lqiSSt linskr tklit liyGran isnmaqar? d ma nt3lm f rbbi d ufgan?

5 gh olmo9ar li izrin,tqrirt atskrt s aylli t3lmt. ma tskrt? d mamnk sizri mayan?

6 mad tsharkt kran tghawsa gh lqiSSt liyGran? mamnk ayga ljowab nsn?

7 gh tiklt liyGran ligh nmaqarr. ntafq bach anaf afsay ay limorat likhasanin midn ghlmujtama3 ngh, mamnk s izri mayan?

8 ghilad, ransfld ay lqiSSt ljdid nwawal rbbi

13 ha ismg ino rad nj7n,rad imghorn attoyn yigot asn chan. 14 togtt n mddn ar ka sol gis tt3jjabn,achko odm ns inno3ja or sol rwasn win mddn,timola ns aggognt nn f tin tarwa n ofgan. 15 achko ghmkann as rad iroch togtt n lgnos s idammn,9nn togtt n igldan imawn nsn gh omnid ns,achko Zran aylli f asn or isawl yan,fhmn aylli mi jjon or ssfldn. 1 manwa yomnn lakhbar lli mi nssfld,manwa mi d ibayn odwas n sidi rbbi? 2 ismg ns im9or gh omnid ns mklli n wayyaw,d zond aZghr illan gh wakal i9orn,or iTTf aklalo wala afolki lli ra yawi tiTT,ola kra n tmola lli rad akh gis issosm. 3 ittyaw7gar ig amssonf dar mddn,izzri ingaZn zzrin togtt n onkkid,iga zond walli f kollo n7Da odmawn nkh,ittyaw7gar or tt gisn yiwi yan. 4 walaynni inkkidn nkh ntta a tn yosin,asin ola kollo timoDan nkh,nkkwni nghal izd rbbi a t yotn isdollo tn, 5 walaynni a f ittyagas d lm3Siyat nkh,ittot f ssibbt n ddnob lli kollo nskr,iggwz fllas l3i9ab nkh nili srs gh lhna,aggasn ns kollotn a gh akh illa osafar. 6 nga ghmklli n wolli njla kollo yakh,kon yan gitnkh okan yamZ tagharast ns,walaynni rbbi srsn kollo fllas ddnob nkh. 7 srfofnn t sdollon t or irZm imi ns,zond al9agh igh asn zworn s tghrsi,d zond tahroyt ifssan gh omnid n omalas,or irZm imi ns. 8 tanokmot d la7kam n lbaDl as t omZn awin t,or illi ma issi7l gh tasot ns f mklli nnghrin gh wakal n willi ddrnin,m9ar nit ittot f ddnob n mddn ino. 9 gan inn l9br ns gh gr willi ganin gar mddn,yili nn d willi ghnanin tizi lli gh immot,m9ar jjon or iskr gar ola illa gh imi ns. 10 walaynni hann rbbi a iran a t isrfofn s tnokmot,tizi nna nn iga todrt ns ikffr f ddnob,rad ittannay amod nsn yighzif l3mr nsn,aylli ira rbbi afos ns as ra t id ikmml. 11 lligh izzri togtt n trfofnt ra iZr todrt ifr7 srs,ismg ino iSl7n tossna ns lli t ssnn mddn,as ra ig togtt n mddn d wid Sl7nin,achko nttan a ra yasi ddnob nsn. 12 ghann a f rad asn fkkh tasghart gh gr inmghorn,ibDo tts3iyt nttan d imdwas,achko ifka ikhf ns i lmot,7asbn tn nttni gh gr im3Siyn,nttan yosi d ddnob n ghadd mddn,ichaf3a gh willi kollo skrnin ddnob.

1 ghilad, adagh i3awd kran yan lqiSt ad s iwaliwn ns, zond ighat it3awd ikran yan yaDn. d iKhaSayagh atn3awn, ighitto kra nghd ighn izoyd kra i l9iSt ad atnsa9Sa ma nigh iyla mayan gh l9iSt ad?

2 madagh t3lam l9iSt ad f rbbi d ayli iskar?

3 ma nt3lam f ufgan gh l9iStad?

4 mamnk sra tskrt s l7a9 nrbi linzra gh l9iSt ad gh imalas ad? matga tghawsa lira tskrt?

5 ma rad tcharkt l9iSt ad qbl anmo9or tiklit yadn? is tsnt midn yaDn li ranin ad sen f wawal n rbbi gh tatbi9 ad?

6 lijtma3 ngh iqrb ay kml. ghilad ranZr manag aradagh nmo9or d manwa araygowd almo9ar lidiyochkan

7 nzri d inggrangh lo9t ifolkin, arkntchja3 fad atqiyT ayli stnit rat tskrt. d tsflt il9iStad tiklit yaDn. wali igowdn lijtma3 nghasad radidon ichrk l9iSt ad ittyoran nghd tsjil ns ighdaron or ila. ghilad ranDalb rbbi fadagh i3awn.