iryyasn arsslkamn awalnsn s kraygat tadlsa

1 mr7ba bik gh l7iSa tamaynot n towsnna n rbbi. ghsizwwor ransaqsa ngratengh mamnk an nga. mafa tchkart sidi rbbi gh aylli kollo ijran mn tiklit liyGran isnmaqr?

2 mak ichtn gh imalas ad izrin? d mak ikhasan bach adggint tghawsiwin 3la khir.

3 madggant limorat lkhasanin midn gh lmujtama3 nk, d mamnk snzDar anm3iwin d inGratengh bach adasnt naf afssay.

4 matga lqiSSt linskr tklit liyGran isnmaqar? d ma nt3lm f rbbi d ufgan?

5 gh olmo9ar li izrin,tqrirt atskrt s aylli t3lmt. ma tskrt? d mamnk sizri mayan?

6 mad tsharkt kran tghawsa gh lqiSSt liyGran? mamnk ayga ljowab nsn?

7 gh tiklt liyGran ligh nmaqarr. ntafq bach anaf afsay ay limorat likhasanin midn ghlmujtama3 ngh, mamnk s izri mayan?

8 ghilad, ransfld ay lqiSSt ljdid nwawal rbbi

16 lligh a srsn itt9l bolos gh atina,ikhsr bahra lkhaTr ns lligh iZra tamdint ann t3mmr s laSnam. 17 inkr ar isawal d wodayn d willi tt3badnin rbbi gh ograw,d willi d nn ittlmo9or gh sso9 kraygatt ass. 18 nkrn kra n ayt lfalsafa n ayt *abi9or d ayt *rriwa9 ngabaln dids,nnan as kra gitsn:«ma s ira bo ta9ort ad a t yini?»nnan as wiyyaD:«irwas is a isawal f kra n id rbbi lli or nssin»,achko ar asn isawal f yaso3 d wass lli gh ra d inkrn imttitn. 19 awin t id s ojmo3 n aryos baghos nnan as:«is imkn ad akh tmlt ma iga olmod ad n ljdid lli f a tsawalt? 20 achko ar dark nssflid i kra n tghawsiwin lli darnkh ganin l3jb,niri ghilad a nissan mad gant.» 21 achko ayt atina kollotn d ibrraniyn lli gis zdghnin ar zzrayn lo9t nsn kollott gh tjmma3t,ar gis sawaln ngh a ssflidn i iswingimn n ljdid. 22 ifto bolos ibdd gh toZZomt n ojmo3 n aryos baghos inna ysn:«Zrikh kwn a ayt atina tomZm bahra gh ddin nnon gh kraygatt tasga. 23 achko ar zzigizkh gh tmdint nnon ar smo9olkh gh id lhaykal lli gh a tt3badm afkh nn yan omghris ittyora fllas:«win rbbi lli or nssin.»rbb ad lli tt3badm or t tssinm nttan a f ra yawn sawlkh. 24 rbbi lli ikhl9n ddonit wala ma gis,ig bab n ignwan d wakal,or a ittzdagh gh tgwmma lli skrn ifassn, 25 or a t sniDifn ifassn n mddn zond igh ilkm f kra,achko nttan nit a yakkan i kraygatt yan todrt ig gis rro7 ifk as kraygatt taghawsa. 26 idammn n yan orgaz a gh kollo ikhl9 timttiwin lli kollo zdghnin gh iggi n wakal,iskr izmaz i todrt nsn iskr iwtta i tmizar nsn, 27 f ad siggiln rbbi igh ittyaf a nn dids lmo9orn afn t,m9ar nn nit or yaggog f 7tta yan gitnkh. 28 achko nttan a gh nddr ar gis nzzigiz nili gis.ghmklli s inna yan gh inDDamn nnon:ola nkkwni nga tarwa ns. 29 igh nga tarwa n rbbi,ikhSSa ykh ad or nghal is iga rbbi gh SSifat ns zond laSnam lli ttskrnin gh worgh nghd nn9rt nghd aZro lli isngadda bnadm iskr tn s ghmklli s as inna l39l ns. 30 ghad izrin or i7asb rbbi mddn f izmaz lli gh jhln or t ssnn,ghilad hann ar ya9ra i kraygatt yan gh innagh illa a d yiwrri s ogharas. 31 achko iskr yan wass lli gh ra kollo i7km f mddn s l7a9,f ofos n yan orgaz lli isti,ifk fllas tamatart i mddn kollotn s ghmklli t id issnkr gh gr imttitn.» 32 lligh as ssfldn willi nn monnin ibdr tankra n imttitn ar iDssa kra gitsn,wiyyaD nnan as:«nra gik ad akh tsawlt f mayad ddor yaDnin!» 33 iffgh d bolos ifl nn ajmo3 nsn. 34 walaynni kra gitsn Dforn bolos amnn,ig gisn diyonisiyos lli igan yan gh ojmo3 n aryos baghos,d yat tmghart ism ns damaris d wiyyaD yaDnin lli didsn llanin.

1 ghilad, adagh i3awd kran yan lqiSt ad s iwaliwn ns, zond ighat it3awd ikran yan yaDn. d iKhaSayagh atn3awn, ighitto kra nghd ighn izoyd kra i l9iSt ad atnsa9Sa ma nigh iyla mayan gh l9iSt ad?

2 madagh t3lam l9iSt ad f rbbi d ayli iskar?

3 ma nt3lam f ufgan gh l9iStad?

4 ma nlmd gh l9iStad f ang l9ada?

5 mamnk sra tskrt s l7a9 nrbi linzra gh l9iSt ad gh imalas ad? matga tghawsa lira tskrt?

6 ma rad tcharkt l9iSt ad qbl anmo9or tiklit yadn? is tsnt midn yaDn li ranin ad sen f wawal n rbbi gh tatbi9 ad?

7 lijtma3 ngh iqrb ay kml. ghilad ranZr manag aradagh nmo9or d manwa araygowd almo9ar lidiyochkan

8 nzri d inggrangh lo9t ifolkin, arkntchja3 fad atqiyT ayli stnit rat tskrt. d tsflt il9iStad tiklit yaDn. wali igowdn lijtma3 nghasad radidon ichrk l9iSt ad ittyoran nghd tsjil ns ighdaron or ila. ghilad ranDalb rbbi fadagh i3awn.