عْصَانْ مِيدّْنْ ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 إݣْ أُلْݣْمَاضْ وَلِّي كُلُّو إعْمّْرْنْ سْ لْغْضْرْ غْ ݣْرْ لَوْحَاشْ كُلُّو نْ لْخْلاَ لِّي إسْكْرْ سِيدِي رْبِّي بَابْنْخْ،إسْقّْسَا تَمْغَرْتْ إنَّايْسْ:«إسْ إصْحَا إسْ أَوْنْ إنَّا رْبِّي أَدْ أُورْ تْشْتَّامْ غْ أُصْغَارْ نْ لْجْنْتْ كُلُّوتْ؟» ‏2 تْنَّايْسْ تْمْغَرْتْ إوْلْݣْمَاضْ:«لْغْلّْتْ نْ أُصْغَارْ لِّي إلاَّنْ غْ لْجْنْتْ إنَّايْخْ رْبِّي شْتَّايْتْ ݣِيسْ، ‏3 وَلاَيْنِّي لْغْلّْتْ نْ شّْجْرْتْ لِّي إلاَّنْ غْ تُژُّومْتْ نْ لْجْنْتْ إنَّايْخْ رْبِّي:أَݣِّيسْ أُورْ تْشّْمْ أُلاَ تْݣّْرْمْ أَسْ أَدْ أُورْ تْمّْتْمْ». ‏4 إنَّايْسْ أُلْݣْمَاضْ إتْمْغَرْتْ:«أُهُويْ أُورَّا تْمّْتْمْ! ‏5 إسْ كَا إسّْنْ رْبِّي إزْدْ أَسّْ نَّا ݣِيسْ تْشَّامْ إسْ رَادْ رْژْمْنْتْ وَالّْنْ نُّونْ تْݣْمْ زُونْدْ نْتَّانْ تِسَّانْمْ مَا إعْدْلْنْ دْ مَا إهْرْشْنْ». ‏6 لِّيغْ إلْمَّا تْژْرَا تْمْغَرْتْ شّْجْرْتْ أَنّْ تْفُولْكِي إمَتْشَا،تَوِي إژْرِي.تِرِي لْغْلّْتْ نْ شّْجْرْتْ أَنّْ أَشْكُو تْژْضَارْ أَدَاسْ تْفْكْ تُسّْنَا.تْكِّيسْدْ غْ لْغْلّْتْ نْسْ تْشّْتّْ،تْفْكْ ݣِيسْ إوْرْݣَازْ نْسْ أُلاَ نْتَّانْ لِّي دِيدْسْ إلاَّنْ إشّْ ݣِيسْ. ‏7 نُّورْژْمْنْتْ نِيتْ وَالّْنْ نْسْنْ إسَّانّْ إلْمَّا إسْ أُورْ لْسِينْ يَاتْ.ݣْنُونْ إفْرَاوْنْ نْ تَزَارْتْ سْكْرْنْ إيْخْفَاوْنْ نْسْنْ مَاسْ سّْنْتَالْنْ. ‏8 إمِيكّْ سْ أَسّْفْلِيدْنْ إلْحْسّْ نْ سِيدِي رْبِّي بَابْنْخْ أَرْ إزِّݣِيزْ غْ لْجْنْتْ لِّيغْدْ إلاَّ أُزُزْوُو نْ تَدْݣّْوَاتْ،إحْضُو آدَمْ دْ تْمْغَرْتْ نْسْ غْ ݣْرْ أُصْغَارْ نْ لْجْنْتْ إوْدْمْ نْ سِيدِي رْبِّي بَابْنْخْ. ‏9 إغْرْ إلْمَّا سِيدِي رْبِّي بَابْنْخْ إآدَمْ إنَّايْسْ:«مَنِيغْ تْلِّيتْ؟» ‏10 إنَّايْسْ:«سّْفْلْدْخْ إلْحْسّْ نْكْ غْ لْجْنْتْ إكْصَاضْخْ، حْضُوخْ أَشْكُو أُورْ لْسِيخْ يَاتْ». ‏11 إنَّايْسْ:«مَدَاكْ إمْلاَنْ إسْ أُورْ تْلْسِيتْ يَاتْ؟إسْ تْشِّيتْ غْ شّْجْرْتْ لِّي فْكْ أُصِّيخْ أَݣِّيسْ أُورْ تْشّتْ؟» ‏12 إوَاجْبْدْ آدَمْ إنَّايْسْ:«تَمْغَرْتْ لِّيِّيدْ تْسْمُونْتْ أَيِّ إفْكَانْ لْغْلّْتْ نْ شّْجْرْتْ شّْخْتّْ». ‏13 إسْقّْسَا سِيدِي رْبِّي لِّي إݣَانْ بَابْنْخْ تَمْغَرْتْ إنَّايْسْ:«مَيْݣَا غَيَادْ تْسْكْرْتْ؟»تْنَّايْسْ تْمْغَرْتْ:«أَلْݣْمَاضْ أَيِّ إغْرَّانْ شّْخْ». ‏14 إنَّايْسْ سِيدِي رْبِّي بَابْنْخْ إوْلْݣْمَاضْ:«لِّيغْ تْسْكْرْتْ غْمْكَادْ،تّْيَوْلْعَانْتْ غْ ݣْرْ لْبْهَايْمْ كُلُّوتْنْتْ دْ ݣْرْ لَوْحَاشْ نْ لْخْلاَ كُلُّوتْنْ.أَحْلِيݣْ نْكْ أَفْ رَا تْزِّݣِيزْتْ أَرْ تْشْتَّاتْ أَكَالْ كْرَا تْكِّيتْ غْ تُودْرْتْ نْكْ. ‏15 رَادْ سْكْرْخْ لْعْدَاوْتْ غْ ݣْرَاكْ دْ تْمْغَرْتْ.دْ ݣْرْ وَرَّاوْ نْكْ دْ وَرَّاوْ نْسْ.نْتَّا رَايْمْزِّي أَݣَايُّو نْكْ، كْيِّ رَادْ أَسْ تْقّْسْتْ غْ أُوْرْزْ نْسْ». ‏16 إنَّايْسْ إتْمْغَرْتْ:«رَادْ سُّوݣْتْخْ تَمَّرَا نْمْ إغْ تُوسِيتْ أَحْلِيݣْ،إنْݣَاژْنْ أَسْ رَادْ تَّرُوتْ تَرْوَا.لَعْقّْلْ نْمْ إرَانّْ يِلِي غْ أُرْݣَازْ نْمْ دْ نْتَّانْ أَرَا فْلاَّمْ إحْكْمْ». ‏17 إنَّايْسْ إآدَمْ:«أَشْكُو تْسّْفْلْتّْ سْ وَوَالْ نْ تْمْغَرْتْ نْكْ،تْشّْتْ غْ شّْجْرْتْ لِّي فْكْ أُصِّيخْ إنِيخْ أَكْ:أَݣِّيسْ أُورْ تْشّْتْ،إتّْيَوْلْعَانْ وَكَالْ فْ سِّبّْتْ نْكْ.تَمَّرَا أَسْ رَا ݣِّيسْ تْشْتَّاتْ غْ أُسَّانْ نْ تُودْرْتْ نْكْ كُلُّوتْنْ. ‏18 إسْنَّانّْ دْ تْسْكْرَا أَرَايْكْ إسْمْغَايْ،أَرْ تْشْتَّاتْ تَزْݣْزُوتْ نْ إݣْرْ. ‏19 لْعْرْݣْ نْ إݣْنْزِي نْكْ أَسْ رَا تْشْتَّاتْ أَغْرُومْ أَرْكِيغْ تُضِيتْ سْ وَكَالْ لِّيغْدْ تْيَتَّايْتْ.أَشْكُو أَكَالْ أَتّْݣِيتْ،أَكَالْ أَسْ رَا تَّضُوتْ». ‏20 إݣْ آدَمْ إتْمْغَرْتْ نْسْ سْ إسْمْ «حَوَّا» أَشْكُو تْݣَا مَاسْ نْ وِلِّي كُلُّو دّْرْنِينْ. ‏21 إسْكْرْ سِيدِي رْبِّي بَابْنْخْ إآدَمْ دْ تْمْغَرْتْ نْسْ تِمْلْسَا غْ إلْمْ إسّْلْسْتْنْ. ‏22 إنَّا سِيدِي رْبِّي:«هَا أَفْݣَانْ غِلاَدْ إݣَا زُونْدْ يَانْ ݣِيتْنْخْ إسّْنْ مَا إعْدْلْنْ دْ مَا إهْرْشْنْ.أَنّْ كَا أُورْ إݣْ أَفُوسْ نْسْ سْ شّْجْرْتْ نْ تُودْرْتْ إكّْسْدْ لْغْلّْتْ نْسْ أُلاَ نْتَّاتْ إشّْتّْ يِسَالْ بْدَّا». ‏23 إسُّفْغْتِيدْ إلْمَّا سِيدِي رْبِّي غْ لْجْنْتْ نْ عَدْنْ أَيْكّْرْزْ أَكَالْ لِّيغْدْ إتّْيَتَّايْ. ‏24 إطَّايْدْ أَفْݣَانْ،إسْرْسْ إدْ لْمَلاَكْ نْ إدْ لْكَرُوبْ غْ شّْرْقْ نْ لْجْنْتْ نْ عَدْنْ،دْ يَانْ سِّيفْ نْ لَعْفِيْتْ إتْݣْلاَّبْنْ أَيْضُوفْ أَغَرَاسْ سْ شّْجْرْتْ نْ تُودْرْتْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.