إهْلْكْ ربي أفْڭَان إسْكَارْنْ ݣَارْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏5 يَنِّي رْبِّي ݣَارْ لِّي إسْكَارْ أُفْݣَانْ إݣُّوتْ غْ وَكَالْ،يَنِّي أَيْلِّي سْ سْمْلْنْ إسْوِنْݣِيمْنْ نْسْ دْ وُولْ نْسْ إݣَا كُلُّو ݣَارْ غْ كْرَيْݣَاتّْ أَسّْ. ‏6 إحْزْنْ رْبِّي أَشْكُو إسْكْرْ أَفْݣَانْ غْ وَكَالْ،تَاغْتْ تّْݣُوضِي غْ وُولْ نْسْ.

‏9 لْقِيصّْتْ نْ نُوحْ تْݣَا غْمْكَادْ:«إكَّتِّينْ نُوحْ إݣَا يَانْ أُرْݣَازْ إصْلْحْنْ إݣْ وَادْ إنْمْنْ غْ ݣْرْ مْدّْنْ نْ أُزْمْزْ نْسْ.إمُونْ نُوحْ دْ أُغَرَاسْ نْ رْبِّي. ‏10 يَرُو نُوحْ كْرَاضْ تَّرْوَا:سَامْ،دْ حَامْ،دْ يَافَثْ. ‏11 فْسْدْنْ مْدّْنْ غْ وَكَالْ غْ أُمْنِيدْ نْ رْبِّي،إعْمّْرْ سْ تَّعَدِّيْتْ. ‏12 أَرْ إسْمُقُّولْ رْبِّي أَكَالْ إفْسْدْ،أَشْكُو بْنَادْمْ كُلُّوتْ غْ إݣِّي نْ وَكَالْ إكَّا ݣَارْ أَغَرَاسْ. ‏13 إنَّايْسْ رْبِّي إنُوحْ:«هَيِّ رَادْ ݣْخْ تّْمِي إكْرَيْݣَاتّْ بْنَادْمْ،أَشْكُو إعْمّْرْ وَكَالْ سْ تَّعَدِّيْتْ نْسْنْ.هَيِّ رَاتّْنْ مْحُوخْ غْ وَكَالْ. ‏14 سْكْرْ إيْخْفْ نْكْ يَاتْ تَنَاوْتْ غْ أُصْغَارْ نْ أَمْرْوْلْ.تْسْكْرْتْ ݣِيسْ لْبْيُوتْ،تْزّرِيتْ فْلاَّسْ زّْفْتْ غْ وَاݣْنْسْ أُلاَ بْرَّا. ‏15 غْمْكَادْ أَرَادْ أَسْ تْسْكْرْتْ:كْرَاطّْ إدْ مْيَّا نْ إغِيلْ غْ تْغْزِي نْ تَنَاوْتْ،سِينْ إدَ عْشْرِينْ دْ مْرَاوْ نْ إغِيلْ غْ تُرُّوتْ نْسْ، عْشْرِينْ دْ مْرَاوْ نْ إغِيلْ غْ تِيدِّي نْسْ. ‏16 تْسْكْرْتْ يَانْ شّْرْجْمْ إتَنَاوْتْ،أَيْݣْ إغِيلْ دْ إسِلِيتْنْ غْ أُفْلاَّ.تْسْكْرْتْ إمِي إتَنَاوْتْ غْ فُوسْݣَا نْسْ.تْسْكْرْتْ ݣِيسْ إزْدَارْ دْ تُژُّومْتْ دْ أُفْلاَّ. ‏17 هَيِّ رَانّْ أَزْنْخْ أَمَانْ نْ طُّوفَانْ فْ وَكَالْ أَكُّلُّو ݣِيسْ مْحُوخْ كُولْ مَاغْ إلاَّ رُّوحْ غْ دُّو إيْݣْنْوَانْ.كْرَا إلاَّنْ غْ وَكَالْ إرَايْمّْتْ. ‏18 وَلاَيْنِّي رَادْ أَكْ فْكْخْ لْعَهْدْ إنُو،رَا تّْكْشْمْتْ سْ تَنَاوْتْ كْيِّ دْ تَرْوَا نْكْ تّْمْغَرْتْ نْكْ تّْمْغَرِينْ نْ تَرْوَا نْكْ لِّي دِيدْكْ لاَّنِينْ. ‏19 رَادِّيدْكْ تَسّْكْشْمْتْ سْ تَنَاوْتْ تَيُّوݣَا غْ كْرَيْݣَاتّْ لْخْلِيقّْتْ إدّْرْنْ،أَدِّيدْكْ غَمَانْتْ.أَدْ ݣْنْتْ أَوْتْمْ تُّوّْتْمْتْ. ‏20 تَيُّوݣَا غْ كْرَيْݣَاتّْ أَنَاوْ نْ وَيْلاَلْنْ،كْرَيْݣَاتّْ أَنَاوْ نْ لْبْهَايْمْ دْ كْرَيْݣَاتّْ أَنَاوْ نْ إمْرَرَادْنْ نْ وَكَالْ، أَرَانّْ دَارْكْ يَاشْكْ فْ أَدْ غَمَانْ دّْرْنْ. ‏21 كْيِّ أَسِي دِيدْكْ كْرَا إݣَانْ إمَتْشَا تْسْمُونْتّْ غْ دَارْكْ،أَدَاكْ إݣْ مَتْشَا إݣَاسْنْتْ». ‏22 غْمْكَانّْ أَيْسْكْرْ نُوحْ،إسْكْرْ غْمْكْلِّي فْتْ كُلُّو يُصَّا رْبِّي.

‏17 يِلِيدْ طُّوفَانْ فْ إݣِّي نْ وَكَالْ سِينْ إدَ عْشْرِينْ نْ وَاسّْ.إݣُوتْنْ وَمَانْ أَلّْنْ تَنَاوْتْ،تّْيَلاَلْ فْ وَكَالْ، ‏18 أَرْ تِّݣُوتْنْ وَمَانْ أَرْدْ بَهْرَا تّْزَيَّادْنْ فْ إݣِّي نْ وَكَالْ،أَرْ تْزِّݣِيزْ تَنَاوْتْ فْ إݣِّي نْ وَمَانْ. ‏19 زَايْدْنْدْ بَهْرَا وَمَانْ إݣُوتْنْ بَهْرَا فْ إݣِّي نْ وَكَالْ،دْلْنْ كُلُّو إدْرَارْنْ لِّي إَتُّويْنِينْ إلِينْ غْ دُّو إݣْنْوَانْ كُلُّوتْنْ. ‏20 إݣُوتْنْ وَمَانْ دْلْنْ إدْرَارْنْ أَتُّويْنْ فْلاَّسْنْ سْ سْمُّوسْ دْ مْرَاوْ نْ إغِيلْ. ‏21 إمّْتْ إلْمَّا كْرَا إلاَنْ دَّاتْ أَرْ إتْمُوسُّو غْ إݣِّي نْ وَكَالْ غْ وَيْلاَلْنْ دْ لْبْهَايْمْ دْ لَوْحَاشْ،دْ إمْرَرَادْنْ لِّي كُلُّو تّْمْرُورُودْنِينْ غْ إݣِّي نْ وَكَالْ،دْ مْدّْنْ كُلُّوتْنْ. ‏22 كُولْ مَاغْ إلاَّ رُّوحْ إلِينْ غْ تَغَارْتْ إمُّوتْ. ‏23 إصّْفْضْ رْبِّي كْرَا إلاَّنْ غْ إݣِّي نْ وَكَالْ:غْ مْدّْنْ،دْ لْبْهَايْمْ،دْ إمْرَرَادْنْ،دْ وَيْلاَلْنْ نْ إݣْنْوَانْ.أَفُوضْنْ غْ إݣِّي نْ وَكَالْ.أُورْدْ إغَمَا أَبْلاَ نُوحْ دْ وِلِّي دِيدْسْ لاَّنِينْ غْ تَنَاوْتْ. ‏24 تْغَمَا تُوݣْتّْ نْ وَمَانْ فْ إݣِّي نْ وَكَالْ مْيَّا دْ سِينْ إدَ عْشْرِينْ دْ مْرَاوْ نْ وَاسّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.