لْبْرْجْ ن بابِل

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 كّْنْتِّينْ مْدّْنْ لِّي لاَّنِينْ غْ إݣِّي نْ وَكَالْ أَرْسَوَالْنْ سْ يَانْ إلْسْ دْ يَاتْ تُتْلاَيْتْ. ‏2 لِّيغْ رْحْلْنْ سْ شّْرْقْ أَفْنْ يَانْ رّْݣْ غْ وَكَالْ نْ شِنْعَارْ زْدْغْنْ ݣِيسْ. ‏3 إنَّا كْرَا ݣِيتْسْنْ إكْرَا:«أَرَايْتْ أَنْسْكْرْ لْيَجُورْ نْسّْنُوتْ غْ لَعْفِيْتْ».سّْخْدْمْنْ إلْمَّا لْيَجُورْ غْ إدِيسْ نْ إژْرَانْ،دْ زّْفْتْ غْ إدِيسْ نْ تَلاَّغْتْ. ‏4 نَّانْ دَاخْ:«أَرَايْتْ أَنْبْنُو إيْخْفَاوْنْ نْخْ يَاتْ تْمْدِينْتْ دْ يَانْ لْبْرْجْ أَيْلْكْمْ إخْفْ نْسْ إݣْنْوَانْ.فْ أَدْ إتّْيَوْسَّانْ إسْمْ نْخْ أَدْ أُورْ نْمّْزْرْ غْ إݣِّي نْ وَكَالْ». ‏5 إݣّْزْدْ رْبِّي أَيْژْرْ تَمْدِينْتْ دْ لْبْرْجْ لِّي بْنَانْ تَرْوَا نْ آدَمْ. ‏6 إنَّا:«هَتِي غِيكّْ غْ كُلُّو ݣَانْ يَانْ لْݣْنْسْ أَرْسَوَالْنْ يَانْ وَوَالْ،حْرَا بْدَانْ سْكْرْنْ يَادْ مَيَادْ. غِلاَدْ أَيْنَّاغْ سْوَنْݣْمْنْ أُورَّا فْلاَّسْنْ إشْقُّو أَتّْ سْكْرْنْ. ‏7 أَشْكَادّْ أَسّْرْسْنْ نْݣِّيزْ نْخْلْضْ أَوَالْ نْسْنْ،أَسُّولْ أُورْ فْهْمْنْ أَوَالْ نْ إنْݣْرَاتْسْنْ». ‏8 إزْمْزْرْتْنْ رْبِّي غْمْنْ غِينّْ غْ إݣِّي نْ وَكَالْ كُلُّوتْ،بْدّْنْ أُورْ سُولْ أَبْنَّانْ تَمْدِينْتْ أَنّْ، ‏9 غَانّْ أَفْ تْݣَا تْمْدِينْتْ أَنّْ سْ إسْمْ «بَابِلْ» أَشْكُو غِينّْ أَغْ إخْلْضْ رْبِّي أَوَالْ نْ أَيْتْ وَكَالْ كُلُّوتْنْ.غْمْنْ غِينّْ إزْمْزْرْتْنْ رْبِّي غْ إݣِّي نْ وَكَالْ كُلُّوتْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.