إبْراهِيم يُومْنْ سْ ربِّي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 إسَاوْلْدْ رْبِّي سْ أَبْرَامْ إنَّايْسْ:«نِكْرْ تْفْلْتْ تَمَزِيرْتْ لِّيغْدْ تْلُولْتْ دْ تْݣْمِّي نْ بَابَاكْ تْفْتُوتْ سْ وَكَالْ لِّي رَدَاكْنّْ مْلْخْ. ‏2 هَتِي رَاكّْ ݣْخْ دْ يَاتْ تْمْتِّي مْقُّورْنْ ݣْخْ ݣِيكْ لْبَرَكَا سِّمْغُورْخْ إسْمْ نْكْ،تْݣْتْ لْبَرَكَا إوِيَّاضْ. ‏3 ݣْخْ لْبَرَكَا غْ وِلِّي يَاكْ سْرْسْ تّْدْعُنِينْ،نْعْلْخْ وِلِّيكْ تّْنَعَّلْنِينْ.ݣْخْكْ دْ لْبَرَكَا إتْقْبِلِينْ نْ وَكَالْ كُلُّوتْنْتْ». ‏4 إنْكْرْ أَبْرَامْ إفْلْنّْ أَكَالْ نْ حَارَانْ غْمْكْلِّي سَاسْ إنَّا رْبِّي إمُونْ دِيدْسْ لُوطْ.إلِينْ دَارْ أَبْرَامْ غَكُدَانّْ كْرَاضْ إدَ عْشْرِينْ دْ سْمُّوسْ دْ مْرَاوْ نْ أُسْݣَّاسْ. ‏5 إمُونْ أَبْرَامْ دْ تْمْغَرْتْ نْسْ سَارَايْ،دْ لُوطْ يِوْسْ نْ ݣْمَاسْ دْ أَيْلِّي كُلُّو طَّافْنْ،دْ إسْمْݣَانْ غْ حَارَانْ.فّْغْنْدْ أَمْژْنْ أَغَرَاسْ سْ وَكَالْ نْ كَنْعَانْ أَيْلِّيغْتْ لْكْمْنْ. ‏6 أَرْ إلْمَّا إتّْرْحَالْ أَبْرَامْ غْ وَكَالْ أَنّْ أَيْلِّيغْ إلْكْمْ شَكِيمْ دَارْ تَدَّاݣْتْ نْ تَسَافْتْ نْ مُورَة.تِزِي أَنّْ زْدْغْنْ نِيتْ سُولْ أَيْتْ كَنْعَانْ غْ وَكَالْ أَنّْ. ‏7 إبَايّْنْدْ رْبِّي إأَبْرَامْ إنَّايْسْ:«أَمُودْ نْكْ أَمِ رَادْ فْكْخْ أَكَالْ أَدْ».إبْنُو أَبْرَامْ غِّينّْ يَاتْ تِسِي نْ أُمْغْرِيصْ أَݣِّيسْ إتّْعْبَادْ رْبِّي لِّيدْ سْرْسْ إبَايّْنّْ.

1 لِّيغْ إزْرِي مَيَادْ إمْلْدْ رْبِّي أَوَالْ نْسْ إأَبْرَامْ غْ تْوَّژْرِيتْ نْسْ إنَّايْسْ:«أَدْ أُورْ تِكْصَاطّْ أَأَبْرَامْ.نْكِّي أَيْݣَانْ أَمْسِّينْفْ نْكْ.تِغْرَادْ نْكْ ݣُّوتْنْتْ بَهْرَا». ‏2 إنَّايْسْ أَبْرَامْ:«مَامِيِّ إݣَا أَيْلِّي رَايِّ تْفْكْتْ أَرْبِّي سِدِيتْنْخْ،نْكِّي أُورَاكّْ تِّلِيخْ تَرْوَا،إغْ مُّوتْخْ أَلِيعَازَرْ أُدِمَشْقْ أَرَا إكُّسُو تِݣْمِّي نُو؟» ‏3 إنَّايْسْ دَاخْ أَبْرَامْ:«أُرِيِّ تْفْكِيتْ حْتَّا يَانْ وَرَّاوْ،إسْمْݣْ لِّيدْ إلُولاَنْ غْ تْݣْمِّي نُو أَرَادِيِّ يْكُّسُو». ‏4 إسَاوْلْدْ سْرْسْ سِيدِي رْبِّي إنَّايْسْ:«غْوَنَّا أُورَّاكّْ إكُّسُو،وَلاَيْنِّي أَرَّاوْ لِّي رَاتَّرُوتْ أَرَاكّْ إكُّسُو». ‏5 إسُّوفْغْتِيدْ سْ بْرَّا إنَّايْسْ:«سْمُوقّْلْ غْ إݣْنَّا تْحَاسْبْتْ إتْرَانْ إغْ تْژْضَارْتْ أَتّْنْ تْحَاسْبْتْ».إنَّايْسْ:«غْمْكَادْ أَرَادْ إݣْ وَمُودْ نْكْ». ‏6 يَامْنْ سْ سِيدِي رْبِّي غَانّْ أَفْتْ إزْكَّا.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.