إبراهيم إسْكْرْ سْ وَاوَالْ ن ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 لِّيغْ إزْرِي مَيَادْ يَارْمْ رْبِّي إبْرَاهِيمْ إغْرْ أَسْ:«وَا إبْرَاهِيمْ!»إنَّايْسْدْ:«هَيِّ». ‏2 إنَّايْسْ:«أَوِيدْ يِوْكْ إسْحَاقْ لِّي دَارْكْ إݣَانْ يَانْ إعْزُّو دَارْكْ،تْدُّوتْ سْ وَكَالْ نْ لْمُرِيَّا،تْفْكْتِّينْ سْ أُسَكْمُورْ نْ تْمْجْدّْرْتْ فْ أُدْرَارْ لِّي رَدَاكْنّْ مْلْخْ». ‏3 زِيكّْ صْبَاحْ نْ لِّيدّْ أَزْكَّا،إنْكْرْ إبْرَاهِيمْ إحْلْسْ أَغْيُولْ نْسْ،إمُونْ دْ سِينْ إسْمْݣَانْ نّْسْ،دْ يِوْسْ إسْحَاقْ،إبِّيدْ إكْشُّوضْنْ إوْسَكْمُورْ نْ تْمْجْدّْرْتْ أَنّْ،إنْكْرْ إدُّو سْ غِلِّي سَاسْ إنَّا رْبِّي. ‏4 وِيسّْ كْرَاضْ أُسَّانْ يُولّْ إبْرَاهِيمْ أَلّْنْ نّْسْ يَنِّينّْ لْمَقَامْ أَنّْ غْ تُݣُّوݣْتْ، ‏5 إنَّايْسْنْ إبْرَاهِيمْ إيْسْمْݣَانْ لِّي نْسْ:«ݣَّوْرَاتْ كْنِّي غِّيدْ غْ دَارْ أُغْيُولْ،نْكِّي دْ يِوِي رَانْدُّو سْ غِينّْ أَنّْ ݣِيسْ نْسْجْدْ إرْبِّي،نَضُودْ إلْمَّا دَرُونْ». ‏6 يَالّْ إبْرَاهِيمْ إكْشُّوضْنْ نْ أُسَكْمُورْ نْ تْمْجْدّْرْتْ أَنّْ إݣْتْنْ إيِوْسْ إسْحَاقْ،يَسِي دِيدْسْ لْعْفِيْتْ دْ أُجْنْوِيْ غْ أُفُوسْ نْسْ،مُونّ سِّينْ إتْسْنْ. ‏7 إسَاوْلْدْ إسْحَاقْ سْ بَابَاسْ إبْرَاهِيمْ إنَّايْسْ:«وَا بَابَا!»إنَّايْسْدْ:«نْعَامْ أَيِوِي».إنَّايْسْ إسْحَاقْ:«هَا لْعْفِيْتْ دْ إكْشُّوضْنْ،وَلاَيْنِّي مَاغْ زَا إلاَّ أُلْقَّاغْ نْ أُسَكْمُورْ نْ تْمْجْدّْرْتْ؟». ‏8 إنَّايْسْدْ إبْرَاهِيمْ:«رْبِّي أَيِوِي أَرَادّْ إسَاهْلْ غْ أُلْقَّاغْ إتْغْرْصِي نْسْ لِّي رَانْجْدْرْ».دُّونْ مُونّْ سِّينْ إتْسْنْ. ‏9 لِّيغْنّْ لْكْمْنْ لْمَقَامْ لِّي سَاسْ إنَّا رْبِّي،إبْنُو إبْرَاهِيمْ غِّينّْ يَانْ أُمْغْرِيصْ،إسَسّْتْوَا فْلاَّسْ إكْشُّوضْنْ إكْرْفْ يِوْسْ إسْحَاقْ إسْرْسْتِينْ فْ أُمْغْرِيصْ غْ إݣِّي نْ إكْشُّوضْنْ. ‏10 إݣْنّْ إلْمَّا إبْرَاهِيمْ أَفُوسْ نْسْ يَسِيدْ أَجْنْوِيْ أَيْغْرْصْ إيِّوْسْ، ‏11 إمِيكّْ سْ أَسْ إغْرَا لْمَلاَكْ نْ رْبِّي غْ إݣْنْوَانْ إنَّايْسْ:«إبْرَاهِيمْ!إبْرَاهِيمْ!»إنَّايْسْ:«هَيِّ». ‏12 إنَّايْسْ:«أَنّْ أُورْ تْݣْتْ أَفُوسْ نْكْ سْ أُفْرُوخْ نَّا أُلاَ تْسْكْرْتْ أَسْ يَاتْ،أَشْكُو غِلاَدْ سّْنْخْ إسْ تْكْصُوطّْ رْبِّي،أُورْنّْ فْلِّي تُومْژْتْ يِوْكْ لِّي دَارْكْ إݣَانْ يَانْ». ‏13 يَالّْ إبْرَاهِيمْ أَلّْنْ نْسْ سَانّ إتَّنَّايْ غْ تْغْرْضِينْ نْسْ يَانْ إزِمّْرْ إتّْغِي سْ وَسْكِيوْنْ نْسْ غْ ݣْرْ إشْدْرَانْ،إدُّو إبْرَاهِيمْ يَامْژْدْ إزِمّْرْ لِّي إفْكْتِينْ سْ أُسَكْمُورْ نْ تْمْجْدّْرْتْ غْ إدِيسْ نْ يِوْسْ. ‏14 إݣْ إبْرَاهِيمْ إلْمَكَانْ أَنّْ سْ إسْمْ:«سِيدِي رْبِّي رَادّْ إسَاهْلْ» أَيْلِّيغْ أَتِّنِينْ غَسَّادْ:«غْ أُدْرَارْ نْسْ،سِيدِي رْبِّي رَادّْ إسَاهْلْ». ‏15 إغْرْدْ لْمَلاَكْ نْ رْبِّي غْ إݣْنْوَانْ إيْبْرَاهِيمْ تِيسّْ سْنَاتْ تّْوَالْ، ‏16 إنَّايْسْ:«إنَّا رْبِّي:لِّيغْ تْسْكْرْتْ مَيَادْ،أُورْ فْلِّي تْحْضِيتْ يِوْكْ لِّي دَارْكْ إݣَانْ يَانْ إخْفْ إنُو أَسْ ݣُّولّخْ ‏17 أَبْلاَ إغْ ݣِيكْ ݣِيخْ لْبَرَكَا،سُّوݣْتْخْ أَمُودْ نْكْ أَرْدْ إݣْ زُونْدْ إتْرَانْ نْ إݣْنْوَانْ دْ زُونْدْ أَمْلاَلْ نْ تَغَارْتْ نْ إيلّْ،إكُّوسُو وَمُودْ نْكْ إمَاوّْنْ نْ لْمْدَايْنْ نْ لْعْدُو نْسْ، ‏18 إݣْ وَمُودْ نْكْ لْبَرَكَا إتْمْتّوِينْ نْ وَكَالْ كُلُّوتْنْتْ،أَشْكُو تْسّْفْلْتّْ سْ وَوَالْ إنُو». ‏19 يَضُودْ إبْرَاهِيمْ سْ دَارْ سِينْ إسْمْݣَانْ لِّي نْسْ،نْكْرْنْ مُونّ دُّونْ سْ بِيرْ سَبْعْ.إزْدْغْ إلْمَّا إبْرَاهِيمْ غِّينّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.