إغْرادْ ربي إِ مُوسَى

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏23 زْرِينْ إسْݣَّاسْنْ إمّْتْ أُݣْلِّيدْ نْ مِصْرْ.وَلاَيْنِّي أَيْتْ إسْرَائِيلْ ݣَانْ أُكَانْ سُولْ إسْمْݣَانْ أَرْ تّْرْفُوفُونّْ ݣْنْ تَغُيِّيتْ.تْلْكْمْ تْغُيِّيتْ نْسْنْ رْبِّي أَشْكُو لاَّنْ غْ تْرْفُوفْنْتْ. ‏24 إسّْفْلْدْ رْبِّي إتْغُويِّيتْ نْسْنْ أُورْ إتُّو لْعَهْدْ لِّي إفْكَا إيّْبْرَاهِيمْ دْ إسْحَاقْ دْ يَعْقُوبْ. ‏25 إسْمُوقّْلْدْ رْبِّي غْ أَيْتْ إسْرَائِيلْ يَوِيتّْ ݣِيسْنْ. 1 مُوسَى نْتَّانْ أَرْ إكْسَّا أُولِّي نْ أُضْݣَّالْ نْسْ يَثْرُونْ لِّي إݣَانْ أَنْبْدَادْ نْ مَدْيَانْ.يَانْ ضُّورْ يِوِي أُولِّي سْ تْسْݣَا أَنّْ نْ لْخْلاَ إدُّو سْ سِينَا لِّي إݣَانْ أَدْرَارْ لِّي إژْلِينْ سْ رْبِّي. ‏2 إبَايّْنْ أَسْدْ لْمَلاَكْ نْ سِيدِي رْبِّي غْ يَانْ أُفْدَدُّو نْ لَعْفِيْتْ غْ تُژُّومْتْ نْ يَاتْ تْزْݣَّارْتْ.إسْمُوقّلْ أَرْ إتَّنَّايْ تَزْݣَّارْتْ لِّي تِيوْنْ ݣِيسْ لَعْفِيْتْ مَشّْ أُورْ أَتْجْدّْرْ. ‏3 إنَّا مُوسَى دْ إخْفْ نْسْ:«أَنّْ مَّاتِّيخْ أَدْ ژْرْخْ لْعْجْبْ أَدْ.مَاخّْ أَيْلِّيغْ أَوْرْ تْجْدّْرْ تْزْݣَّارْتْ أَدْ؟» ‏4 لِّيغْ إژْرَا سِيدِي رْبِّي مُوسَى إمَّتِّينّْ أَيْسْمُوقّْلْ إغْرَاسْدْ غْ تُژُّومْتْ نْ تْزْݣَّارْتْ لِّي إنَّايْسْ:«مُوسَى،مُوسَى».إنَّايْسْ مُوسَى:«هَيِّ». ‏5 إنَّايْسْ:«أَدّْ أُورْ تْقْرّْبْتْ غِيدْ.كّْسْ تُورْژِيِّينْ نّْكْ،أَشْكُو غِيدْ لِّيغْ تْبِيدّْتْ إݣَا أَكَالْ لِّي سْرِي إژْلِينْ». ‏6 إنَّايْسْ إلْمَّا:«نْكِّينْ أَيْݣَانْ رْبِّي لِّي تّْعْبَادْنْ لَجْدُودْ نْكْ،رْبِّي لِّي إتّْعْبَادْ إبْرَاهِيمْ دْ إسْحَاقْ دْ يَعْقُوبْ».إدْلْ مُوسَى أُودْمْ نْسْ أَشْكُو إكْصُوضْ أَيْسْمُوقّْلْ غْ رْبِّي. ‏7 إنَّايْسْ سِيدِي رْبِّي:«هَانّْ ژْرِيخْ تَمَّرَا لِّيغْ لاَّنْ مْدّْنْ إنُو غْ مِصْرْ،سّْفْلْدْخْ إتْغُيِّيتْ نْسْنْ لِّي ݣَانْ فْ أَدْ فُكُّونْ غْ ݣْرْ إفَاسّْنْ نْ إدْ كَبْرَانْ لِّيتْنْ ݣَنِينْ دْ إسْمْݣَانْ.سّْنْخْ إنْݣَاژْنْ لِّيغْ لاَّنْ، ‏8 ݣُّوزْخْدْ أَتّْنْ فُكُّوخْ غْ ݣْرْ إفَاسّْنْ نْ أَيْتْ مِصْرْ،سّْغْلِيختْنْدْ غْ وَكَالْ نَّا سْ يَانْ وَكَالْ إجِّينْ يُصْعُو،سْ يَانْ وَكَالْ لِّيغْ إݣُّوتْ أُكْفَايْ دْ تَمّْنْتْ.غِلِّيغْ زْدْغْنْ أَيْتْ كَنْعَانْ دْ أَيْتْ حِتّْ دْ أَيْتْ أَمُورْ دْ أَيْتْ فِرِيزْ دْ أَيْتْ حِوِي دْ أَيْتْ يَبُوسْ. ‏9 هَانّْ تْلْكْمِيدْ تَغُيِّيتْ نْ أَيْتْ إسْرَائِيلْ ژْرْخْ تَسَّاسْتْ لِّيغْتْنْ ݣَانْ أَيْتْ مِصْرْ. ‏10 غِلاَدْ أَشْكِيدْ أَكّْ أَزْنْخْ سْ فِرْعَوْنْ،أَدّْ تْسُّوفْغْتْ مْدّْنْ إنُو أَيْتْ إسْرَائِيلْ غْ مِصْرْ». ‏11 وَلاَيْنِّي مُوسَى إنَّايْسْ إرْبِّي:«مَاخّْ مَا كُّلُّو ݣِيخْ أَدْ دُّوخْ سْ فِرْعَوْنْ أَدّْ سُّوفْغْخْ أَيْتْ إسْرَائِيلْ غْ مِصْرْ؟» ‏12 إنَّايْسْ رْبِّي:«هَيِّ رَادِّيدْكْ إلِيخْ.خْتَّادْ أَرَادْ أَكْ إݣْ تَمَتَارْتْ إزْدْ نْكِّينْ أَكّْ يُوزْنّْ:إغْدْ تْسُّوفْغْتْ مْدّْنْ إنُو غْ مِصْرْ،أَرِيِّ تّْعْبَادْمْ غْ إݣِّي نْ أُدْرَارْ أَدْ». ‏13 إنَّايْسْ مُوسَى إرْبِّي:«إغْ دِّيخْ سْ دَارْ أَيْتْ إسْرَائِيلْ إنِيخْ أَسْنْ:رْبِّي لِّي تّْعْبَادْنْ لَجْدُودْ نُّونْ يُوزْنِيدْ سْرُونْ،مَيْݣَا سْ إسْمْ؟مَاسْ رَادْ أَسْنْ إنِيخْ؟» ‏14 إنَّايْسْ رْبِّي إمُوسَى:«نْكِّينْ أَيْݣَانْ وَلِّي بْدَّا إلاَّنْ.إنَاسْنْ كَا إيَايْتْ إسْرَائِيلْ:وَلِّي إلاَّنْ يُوزْنِيدْ سْرُونْ».

1 إنَّايْسْ رْبِّي إمُوسَى:«سْمُوقّلْ،هَانّْ نْكِّي ݣِيخْكْ دْ زُونْدْ رْبِّي نْ فِرْعَوْنْ،ݣْمَاكْ هَارُونْ رَايْݣْ زُونْدْ نّْبِي نْكْ. ‏2 كْيِّينْ رَادْ تِّنِيتْ إݣْمَاكْ هَارُونْ كُولْ مَافْكْ أُصَّاخْ،نْتَّانْ أَرَا إسَاوْلْ سْ فِرْعَوْنْ أَيْرْژْمْ إيَايْتْ إسْرَائِيلْ أَدْ فّغْنْ تَمَزِيرْتْ نْسْ. ‏3 وَلاَيْنِّي رَادْ سِّيغَرْخْ إخْفْ نْ فِرْعَوْنْ،دْ مْقَّارْ رَادْ سْكْرْخْ تُوݣْتّْ نْ لْعَجَايْبْ دْ تْمِتَارْ إنُو غْ مِصْرْ. ‏4 أُورَّا سّْرُونْ إسّْفْلْدْ.رَانّْ ݣْخْ أَفُوسْ إنُو سْ مِصْرْ أَمْژْخْ ݣِيسْ لْحَقّْ،سُّوفْغّدْ مْدّْنْ إنُو أَيْتْ إسْرَائِيلْ غْ مِصْرْ،تَوْجَا سْ تُوّجَا، ‏5 أَدْ إسَّانْ أَيْتْ مِصْرْ إزْدْ نْكِّينْ أَيْݣَانْ رْبِّي سِيدِيتْسْنْ كُدْنَّانّ ݣِيخْ أَفُوسْ إنُو سْ مِصْرْ سُّوفْغّدْ ݣِيسْ أَيْتْ إسْرَائِيلْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.