لْعِيدْ نْ نّْجَا

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 إسَاوْلْدْ سِيدِي رْبِّي سْ مُوسَى دْ هَارُونْ غْ تْمَزِيرْتْ نْ مِصْرْ إنَّايْسْنْ: ‏2 «أَيُّورْ أَدْ أَرَا دَّرُونْ إݣْ إخْفْ نْ يِرْنْ.نْتَّانْ أَرَا دَّرُونْ إݣْ أَيُّورْ إزْوَارْنْ غْ أُسْݣَّاسْ. ‏3 سَوْلاَتْ سْ لْجْمَاعْتْ نْ أَيْتْ إسْرَائِيلْ كُلُّوتّْ تِنِيمْ أَسْ:وِيسّْ مْرَاوْ أُسَّانْ غْ وَيُّورْ أَدْ،أَدّْ يَوِي كْرَيْݣَاتّْ يَانْ يَاتْ تِخْسِي إتَكَاتْ.

‏21 إغْرْدْ كُلُّو مُوسَى إيّْمْغَارْنْ نْ أَيْتْ إسْرَائِيلْ إنَّايْسْنْ:«زَيْدَاتْ تَوِيمْدْ تَخْسِوِينْ إتْݣُمَّا نُّونْ تْغْرْصْمْ إتِخْسِي نْ لْعِيدْ. ‏22 تَسِيمْدْ يَاتْ تْفُوسْتْ نْ إفْزِي تْسّْنْݣْضْمْتّْنّْ غْ تْزْݣْنْتْ لِّيغْ لاَّنْ إدَامّْنْ نْ تْغْرْصِيوْ تْݣْمْتْنْ إتَمّْوِينْ نْ إمِي دْ تْژْمّْژْرَا.أَدّْ أُورْ إفّْغْ حْتَّا يَانْ ݣِيتُونْ دْ إمِي نْ تْݣْمِّي نْسْ أَرْ زِيكّْ صْبَاحْ. ‏23 هَانّْ سِيدِي رْبِّي رَايْزْرِي أَيُّوتْ أَيْتْ مِصْرْ.إغْ إژْرَا إدَامّْنْ غْ تْژْمّْژْرَا دْ تَمّْوِينْ نْ إمِي،رَايْزْرِي إمِي أَنّْ أُورَّا يَاجّْ وَلِّي إنْقَّانْ أَيْكْشْمْ سْ تْݣُمَّا نُّونْ أَكّْنْ يُوتْ. ‏24 سْكَرَاتْ سْ مَيَادْ تْݣْمْدْ دْ هَكَّاكْ فْ إخْفَاوْنْ نُّونْ دْ تَرْوَا نُّونْ تِينْ وَبَدَانْ. ‏25 كُدْنَّا تْكْشْمّْ سْ وَكَالْ لِّي رَايْوْنْ إفْكْ سِيدِي رْبِّي غْمْكْلِّي سْ أَوْنْ إقَّاوْلْ،سْكَرَاتْ سْ لْفْرْضْ أَدْ. ‏26 إغْكْنْ سْقّْسَانْ تَرْوَا نُّونْ:مَا دَّارُونْ إݣَا لْعِيدْ أَدْ؟ ‏27 تِنِيمْ أَسْنْ:إݣَا لْعِيدْ نْ نّْجَا،إݣْ وِينْ سِيدِي رْبِّي لِّي إزْرِينْ فْ تْݣُمَّا نْ أَيْتْ إسْرَائِيلْ غْ مِصْرْ إنْغْ أَيْتْ مِصْرْ إجّْنْجْمْ تِݣُمَّا نْخْ».كْنُونْدْ إلْمَّا مْدّْنْ لِّي إخْفَاوْنْ نّْسْنْ سْجْدْنْ. ‏28 نْكْرْنْ أَيْتْ إسْرَائِيلْ سْكْرْنْ غْمْكْلِّي فْ يُصَّا سِيدِي رْبِّي مُوسَى دْ هَارُونْ.غْمْكَانّْ أَدْ سْكْرْنْ. ‏29 لِّيغْ تْلْكْمْ تُژُّومْتْ نْ يِّيضْ يُوتْ سِيدِي رْبِّي كْرَا إݣَانْ إخْفْدِّي غْ تْمَزِيرْتْ نْ مِصْرْ،غْمْنْ إخْفْدِّي نْ فِرْعَوْنْ لِّي إݣَّاوْرْنْ فْ لْعْرْشْ أَرْ إخْفْدِّي نْ أُنْكْرَافْ لِّي إلاَّنْ غْ لْحْبْسْ.دْ كْرَيْݣَانْ إخْفْدِّي غْ لْبْهَايْمْ. ‏30 إنْكْرْدْ فِرْعَوْنْ يِّيضْ نْتَّانْ دْ إمَوَاسْنْ نّْسْ دْ أَيْتْ مِصْرْ كُلُّوتْنْ.تْنْكْرْ تْغُيِّيتْ إݣُّوتْنْ غْ مِصْرْ،أَشْكُو أُورْ تْلِّي تْݣْمِّي غْ أُورْ إمُّوتْ كْرَا نْ يَانْ. ‏31 غْ يِيضْ إغْرْدْ فِرْعَوْنْ إمُوسَى دْ هَارُونْ إنَّايْسْنْ:«نْكْرَاتْ فّغَاتْ غْ ݣْرْ مْدّْنْ إنُو كْنِّي دْ أَيْتْ إسْرَائِيلْ كُلُّوتْنْ،تْدُّومْ أَرْ تّعْبَادْمْ رْبِّي سِدِيتُونْ غْمْكْلِّي سْ تْنَّامْ.

‏40 كّنِينّ أَيْتْ إسْرَائِيلْ غْ مِصْرْ كُّوصْتْ إدْ مْيَّا دْ عْشْرِينْ دْ مْرَاوْ نْ أُسْݣَّاسْ. ‏41 لِّيغْ كْمّْلْنْ كُّوصْتْ إدْ مْيَّا دْ عْشْرِينْ دْ مْرَاوْ نْ أُسْݣَّاسْ،غَسَّانّ نِيتْ سُولْ أَدّْ كُلُّو فُّوغْنْ إكَبَارْنْ نْ أَيْتْ رْبِّي غْ تْمَزِيرْتْ نْ مِصْرْ. ‏42 يِّيضْ أَنّْ أَيَوُّوزْ سِيدِي رْبِّي أَتّْنْدْ إسُّوفْغْ غْ تْمَزِيرْتْ نْ مِصْرْ.غْ يِّيض أَدْ إݣَا وِينْ سِيدِي رْبِّي،إلاَّ فْ أَيْتْ إسْرَائِيلْ أَكُّلُّو ݣِيسْ تَّوُّوزْنْ أَرْتْ ݣِيسْ تّْعْبَادْنْ غْ تَسُوتِينْ فْ تِيَّاضْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.