مْرَاوْتْ لُصِيَّاتْ نْ رْبِّي د تِغْرْصِي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 إسَاوْلْدْ إلْمَّا رْبِّي سْ أَيْتْ إسْرَائِيلْ إنَّايْسْنْ: ‏2 «نْكِّينْ أَيْݣَانْ رْبِّي بَابْ نُّونْ لِّي كُونْدْ إسُّوفْغْنْ غْ مِصْرْ لِّيغْ تْݣَامْ إسْمْݣَانْ. ‏3 أَدَّارُونْ أُورْ إلِينْ إدْ رْبِّي يَضْنِينْ بْلاَ نْكِّينْ. ‏4 أَدْ أُورْ تْسْكْرْمْ إيّْخْفَاوْنْ نُّونْ كْرَا نْ صَّنَمْ إنْقّْشْنْ فْ تّْسْكِّيرْ نْ كْرَا لِّي إلاَّنْ غْ إݣْنْوَانْ غْ أُفْلاَّ،أُلاَ أَيْلِّي إلاَّنْ غْ وَكَالْ غْ إزْدَارْ،أُلاَ أَيْلِّي إلاَّنْ غْ وَمَانْ دْ دُّو وَّكَالْ. ‏5 أَدَاسْنْ أُورْ تّْسْجَادْمْ أُلاَ أَرْتْنْ تّْعْبَادْمْ أَشْكُو نْكِّينْ أَيْݣَانْ رْبِّي بَابْ نُّونْ،تِلِي ݣِي لْغِيرَا نُّونْ،وِلِّيِّي حَشَنِينْ أَرْݣِيسْنْ تَّامْژْخْ لْحَقّْ أَمْژْخْتْ غْ تَرْوَا نْسْنْ أَرْ تِيسّْ كْرَاطّْ تَسُوتِينْ دْ تِيسّْ كُّوصْتْ، ‏6 وَلاَيْنِّي أَرْبْدَّا سْكَارْخْ أَفُولْكِي غْ لُولُوفْ نْ تَسُوتِينْ نْ وِلِّي دَارْ عْزِّيخْ أَرْ سْكَارْنْ سْ لُصِيَّاتْ إنُو. ‏7 أَدْ أُورْ تَدّْرْمْ إسْمْ نْ رْبِّي بَابْ نُّونْ فْ أُورْدْ يَاتْ،أَشْكُو رْبِّي بَابْ نُّونْ أَرْ إتْخْلاَّصْ إوَنَّا يَدّْرْنْ إسْمْ نْسْ فْ أُورْدْ يَاتْ. ‏8 تِّكْتَيَادّْ أَسّْ نْ سّْبْتْ تْژْلِيمْتْ سْرِي. ‏9 سْضِيصْ أُسَّانْ أَغْ أَكُلُّو تْسْكَارْمْ تَوُّرِي نُّونْ، ‏10 وِيسّْ سَا أُسَّانْ إݣَا أَسّْ نْ سّْبْتْ إݣْ وِينْ أُسُونْفُو إژْلِي سْرِي نْكِّي لِّي إݣَانْ رْبِّي بَابْ نُّونْ،أَݣِّيسْ أُورْ تْسْكَارْمْ كْرَا نْ تْوُّرِي كْنِّي أُلاَ تَرْوَا نُّونْ أُلاَ إسِّيتُونْ،أُلاَ إسْمْݣْ نُّونْ أُلاَ تَوَيَّا نُّونْ أُلاَ لْكْسِيبْتْ نُّونْ،أُلاَ إمْزِّي لِّي دِيدُونْ إزْدْغْنْ. ‏11 أَشْكُو سْضِيصْ أُسَّانْ أَغْ خْلْقّْخْ إݣْنَّا دْ وَكَالْ،دْ إيلّْ دْ أَيْلِّي كُلُّو ݣِيسْنْ إلاَّنْ،وِيسّْ سَا أُسَّانْ سُونْفِيخْ غْ تْوُّرِي نُو.غَانّْ أَفْ ݣِيخْ لَبَركَا غْ وَاسّْ نْ سّبْتْ ژْلِيخْتْ سْرِي. ‏12 طّْهْلاَّيْتْ غْ لْوَالِدَايْنْ نُّونْ أَتْدّرْمْ تُودْرْتْ إغْزِّيفْنْ غْ وَكَالْ لِّي رَدَاوْنْ فْكْخْ. ‏13 أَدْ أُورْ تْنْقَّامْ. ‏14 أَدْ أُورْ تّْزْنُومْ. ‏15 أَدْ أُورْ تَّاكْرْمْ. ‏16 أَدْ أُورْ تَكَّامْ تُوݣَّا نْ ژُّورْ فْ وِيَّاضْ. ‏17 أَنّْ أُورْ تْضْمْعَامْ غْ تْݣْمِّي نْ كْرَا نْ يَانْ أُلاَ تَمْغَرْتْ نْسْ.أُلاَ إسْمْݣْ نْسْ أُلاَ تَوَيَّا نْسْ أُلاَ أَزْݣْرْ نْسْ أُلاَ أَغْيُولْ نْسْ،أُلاَ أَيْلِّي كُلُّو إݣَانْ وِينْسْ».

1 إسَاوْلْدْ سِيدِي رْبِّي سْ مُوسَى إنَّايْسْ: ‏2 «إغْ إعْصَا كْرَا نْ يَانْ إغُوشُّويِّ إغْ إغُوشَّا كْرَا نْ يَانْ إنَاكْرْتْ غْ كْرَا نْ لاَمَانْتْ نْغْ كْرَا نَّا دَارْسْ إفْلْ،نْغْ أَسْ إكّْسْ كْرَا نْغْ أَسْتّْ يُوكْرْ، ‏3 نْغْ يُوفَا كْرَا نَّا إجْلاَنْ إكْرَا إنَاكْرْتْ،نْغْ إݣُّولاَّ سْ تْكْرْكَاسْ فْ يَاتْ غْ خْتِيدْ لِّي إسْكَارْ أُفْݣَانْ إعْصُو، ‏4 إغْ إعْصَا يِسَّانْ فْ دّْنُوبْ نْسْ،هَانّْ إلاَّ فْلاَّسْ أَيْرَارْ أَيْلِّي إكّْسْ نْغْدّْ أَيْلِّي يُوكْرْ إبَابْ نْسْ،إرَارْ أَسْ أَيْلِّي دَارْسْ إݣَانْ لاَمَانْتْ نْغْدّْ أَيْلِّي إجْلاَنْ يَافْتْ، ‏5 دْ كْرَا فْ إݣُّولْ سْ تْكَرْكَاسْ،إسَّفُو أَسْنْ تِيسّْ سْمُّوسْتْ تّْوَالْ،إفْكْتْ إبَابْ نْسْ أَسّْ نَّا إسّْنْ فْ دّْنُوبْ نْسْ. ‏6 يَوِيِّدْ إلْمَّا تِغْرْصِي فْ سِّبّْتْ نْ دّْنُوبْ نْسْ،أَتّْݣْ إزِمّْرْ إفَّاغْ لْعِيبْ،نْغْ أَتِيݣْ نْسْ،يَوِيتّْ إوْنْبْدَادْ أَيْݣْ أَسَكْمُورْ نْ دّْنُوبْ. ‏7 إكْفّْرْ فْلاَّسْ أُنْبْدَادْ غْ أُمْنِيدْ إنُو،غْفْرْخْ أَسْ كْرَا إسْكْرْ نْ دّْنُوبْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.