تُودْرْتْ ن لْمْعْصِيْتْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏10 مّْتْنْ كُلُّو مْدّْنْ نْ تَسُوتْ نْ يَشُوعْ لْكْمْنْ لَجْدُودْ نْسْنْ،تَاشْكْدْ تَسُوتْ يَضْنِينْ أُورْ سّْنّْ سِيدِي رْبِّي أُلاَ أَيْلِّي كُلُّو إسْكْرْ إيْسْرَائِيلْ. ‏11 سْكْرْنْ أَيْتْ إسْرَائِيلْ ݣَارْ غْ ݣْرَاتْسْنْ دْ سِيدِي رْبِّي أَرْ تّْعْبَادْنْ لَصْنَامْ نْ إدْ بَعْلْ، ‏12 فْلْنْ سِيدِي رْبِّي بَابْ نْ لَجْدُودْ نْسْنْ لِّي تْنْدْ إسُّوفْغْنْ غْ مِصْرْ،ضْفُورْنْ إدْ رْبِّي يَضْنِينْ غْ لَصْنَامْ نْ لْݣْنُوسْ لِّي أَسْنْ سُّتْلْنِينْ أَرَاسْنْ تّْسْجَادْنْ،إغْضْبْ فْلاَّسْنْ سِيدِي رْبِّي. ‏13 فْلْنْ سِيدِي رْبِّي أَرْ تّْعْبَادْنْ بَعْلْ دْ عَشْتَارُوتْ. ‏14 إنْفُوفّْدْ لْغَضَبْ نْ سِيدِي رْبِّي فْ أَيْتْ إسْرَائِيلْ،إلُوحْتْنْ غْ ݣْرْ إفَاسّْنْ نْ إمَاكْرْنْ لِّيتْنْ أُكْرْنِينْ،إزّْنْزْتْنْ إوَعْدَاوْنْ نْسْنْ لِّي أَسْنْ سُّتْلْنِينْ،أُورْ سُولْ ژْضَارْنْ أَدْ بِيدّْنْ غْ لْݣْدَّامْ نْسْنْ. ‏15 كُولْ إغْ فّْغْنْ سْ تِمِيغْتْ يُوتّْنْدْ رْبِّي سْ أُفُوسْ نْسْ،مْكْلِّي سْ أَسْنْ إنَّا دْ مْكْلِّي سَاسْنْ إݣُّولّْ،نُّكْمُونْ إلْمَّا بَهْرَا. ‏16 إسّْنْكْرْدْ سِيدِي رْبِّي إمْغَارْنْ غْ ݣْرَاتْسْنْ،فُكُّونْتْنْدْ غْ ݣْرْ إفَاسّْنْ نْ إمَاكْرْنْ. ‏17 وَلاَيْنِّي أُݣِينْ أَدْ سّْفْلِيدْنْ حْتَّا سْ إمْغَارْنْ نْسْنْ،غْضْرْنْ غْ ݣْرَاتْسْنْ دْ سِيدِي رْبِّي أَشْكُو أَرْ تّْعْبَادْنْ إدْ رْبِّي يَضْنِينْ أَرَاسْنْ تّْسْجَادْنْ،غَاوْلْنْ فْلْنْ أَغَرَاسْ لِّي يَادْ كَّانْ لَجْدُودْ نْسْنْ أَݣِينْ أَدْ سّْفْلِيدْنْ سْ لُصِيَّاتْ نْ سِيدِي رْبِّي. ‏18 كْرَيْݣَاتّْ لُوقْتْ نَّاغْ أَسْنْدْ يُوزْنْ سِيدِي رْبِّي كْرَا نْ أُمْغَارْ أَرَاسْ إتَّاوْسْ غْ أُسَّانْ نْسْ أَتّْنْدْ إفُكُّو غْ ݣْرْ إفَاسّْنْ نْ وَعْدَاوْنْ نْسْنْ،أَشْكُو أَرْ ݣِيسْ تّْغَمَانْ إغْ أَنْدّْرْنْ فْ سِّيبّْتْ نْ وَعْدَاوْنْ نْسْنْ لِّي فْلاَّسْنْ ژْيّْرْنِينْ أَرْتْنْ سْرْفُفُونّْ. ‏19 أَكَّا إمّْتْ أُمْغَارْ أَنّْ سْدْ أُضَانْ غْ ݣْرَاتْسْنْ دْ سِيدِي رْبِّي فْسْدْنْ أُݣَّارْ نْ لَجْدُودْ نْسْنْ،ضْفُورْنْ إدْ رْبِّي يَضْنِينْ أَرْتْنْ تّْعْبَادْنْ أَرَاسْنْ تّْسْجَادْنْ،أَݣِينْ أَدّْ أَضُونْ غْ تَغَارْتْ نْ إخْفَاوْنْ نْسْنْ دْ ݣَارْ لِّي سْكَارْنْ. ‏20 إنْفُوفّْدْ لْغَضَبْ نْ سِيدِي رْبِّي فْ أَيْتْ إسْرَائِيلْ إنَّا:«لِّيغْ سُّورْفْنْ مْدّْنْ أَدْ لْعَهْدْ إنُو لِّي فْ أُصِّيخْ لَجْدُودْ نْسْنْ،أُورْ أَسّْفْلِيدْنْ سْ وَوَالْ إنُو، ‏21 أُلاَ نْكِّي أُورْ سُولْ رَادْ سِتِّيخْ غْ لْݣْدَّامْ نْسْنْ حْتَّا يَانْ غْ لْݣْنُوسْ لِّيدْ إفْلْ يَشُوعْ لِّيغْ إمُّوتْ. ‏22 أَسّْرسْنْ أَرْمْخْ أَيْتْ إسْرَائِيلْ،أَدْ ژْرْخْ إسْ رَادْ مُونّْ دْ أُغَرَاسْ إنُو مْكْلِّي دِيدْسْ مُونّْ لَجْدُودْ نْسْنْ،نْغْدّْ أُوهُو». ‏23 غَانّْ أَسْ إفْلْ سِيدِي رْبِّي لْݣْنُوسْ أَنّْ أُورْ إغَاوْلْ أَݣِّيسْنْ إژُّو وَلاَ إسْلّْمْتْنْ سْ ݣْرْ إفَاسّْنْ نْ يَشُوعْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.