أمْنْجّْمْ لّي رَادّْ ياشْكْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 وَلاَيْنِّي أُورْ سُولْ رَادْ إلِينْتْ تِلاَّسْ فْ تْمَزِيرْتْ لِّي إزّْرِينْ تَنُكْمُوتْ،غْمْكْلِّي إسْدُلاَّ سِيدِي رْبِّي تَمَزِيرْتْ نْ زَبُولُونْ دْ نَفْتَالِي غَادْ إزْرِينْ،غْ مَادّْ إكَّانْ لْݣْدَّامْ رَا إݣْ شَّانْ إوْغَرَاسْ نْ يِيلّْ،أَكَالْ لِّي إلاَّنْ غْ أُݣْمَّاضْ أَنّْ نْ لُرْدُنْ،تَمَزِيرْتْ نْ لْجَلِيلْ نْ لْݣْنُوسْ. ‏2 مْدّْنْ لِّي زِّݣِزْنِينْ غْ تِلاَّسْ،ژْرَانْ يَاتْ تِفَاوْتْ بَهْرَا مْقُّورْنْ،وِلِّي لاَّنِينْ غْ وَكَالْ نْ إمُلاَ نْ لْمُوتْ تُوكِيدْ فْلاَّسْنْ تِفَاوْتْ. ‏3 تْسُّوݣْتّْ أَرْبِّي تَمْتِّي نْكْ تْسْمْدْمْ إلْفْرْحْ نْسْ،أَرْ تّْزْرِّيرْنْ غْ أُمْنِيدْ نُّونْ زُونْدْ تِزْرَّرِينْ نْ تْمْݣْرَا،زُونْدْ وِلِّي فْرْحْنِينْ إغْ أَيَطَّانْ تّْسْعِيْتْ. ‏4 أَشْكُو تَسّْكْنُوتْ نْ أُژَاژُو نْسْنْ،دْ أُكُرَايْ لِّي إكَّاتْنْ تِغْرَاضْ نْسْنْ،دْ لْقْضِيبْ نْ وِلِّيتْنْ سْرْفُفُونِّينْ،طْرْژِيتّْنْ مْكْلِّي طْرْژِيتْ مِدْيَانْ غْ وَاسّْ نْسْ. ‏5 أَشْكُو كْرَيْݣَاتّْ طُرْژِيْتْ إزِّݣِيزْنْ غْ أُبَرَازْ نْ تِمِيغْتْ،دْ كْرَيْݣَاتّْ أَسْلْهَامْ إمْحْلْنْ سْ إدَامّْنْ،رَادْ ݣْنْ أَسْرْغُو إلَعْفِيْتْ أَتّْنْ تْجْدْرْ. ‏6 أَشْكُو رَادْ أَخْدْ إلاَلْ يَانْ وَرَّاوْ،إتّْفْكْ أَخْ يَانْ أُفْرُوخْ،رَاتِّلِي تْنْبَاطّْ غْ أُفُوسْ نْسْ،إݣْ إسْمْ نْسْ أَمَسَايْ أُورْ إلِينْ أَنَاوْ،رْبِّي أَمْژْضَارْ،أَمَرَاوْ إدُومْنْ،أَرْيَّاسْ نْ لْهْنَا. ‏7 تِنْبَاضِينْ نْسْ أَرْ بْدَّا تّْزَيَّادْنْتْ،لْهْنَا نْسْنْ أُورْ لِينْ تّْمِي،فْ لْعْرْشْ نْ دَاوُدْ دْ تْݣْلْدِيتْ نْسْنْ،أَتّْنْتْ إزّْݣَا إسّْدُوسْ أَسْ سْ لْحَقّْ دْ مَا إعْدْلْنْ،غْمْنْ غِلاَدْ أَرْ تِينْ وَبَدَانْ،تُوݣْتّْ نْ تَايّْرِي نْ سِيدِي رْبِّي بَابْ نْ أُدْوَاسْ أَرَا إسْكْرْ مَيَادْ.

‏26 لِّيغْ تْلاَّ أَلِيصَابَاتْ غْ وِيسّْ سْضِيصْ يِّيرْنْ نْسْ،يُوزْنْدْ رْبِّي لْمَلاَكْ جِبْرائِيلْ سْ يَاتْ تّْمْدِينْتْ غْ تْمَزِيرْتْ نْ لْجَلِيلْ إسْمْ نْسْ نَّاصِرَا، ‏27 إيَاتْ تّْعْيَّالْتْ إسْمْ نْسْ مَرْيَمْ،إسِݣّْلْتّْنّْ يَانْ أُرْݣَازْ إسْمْ نْسْ يُوسُفْ،إݣْ غْ أُفُوسْ نْ دَاوْدْ. ‏28 إكْشْمْ دَارْسْ لْمَلاَكْ لِّي إنَّايْسْ:«سّْلاَمْ فْلاَّمْ أَتَلِّي فْ إنْعْمْ رْبِّي!هَانّْ رْبِّي إلاَّ دِيدْمْ.تَمْبَارْكِيْتْ أَتّْݣِيتْ غْ تْمْغَرِينْ». ‏29 لِّيغْ تْژْرَا مَرْيَمْ لْمَلاَكْ لِّي،إسّْتْلْفْتّْ وَوَالْ نْسْ أَرْ تْسْوِنْݣِيمْ دْ إخْفْ نْسْ أَرْ تِّنِي: «مَايْسّْنْ مَيْݣَا سّْلاَمْ أَدْ!» ‏30 إنَّايْسْ لْمَلاَكْ:«أَدْ أُورْ تِكْصَاطّْ أَمَرْيَمْ أَشْكُو إنْعْمْ فْلاَّمْ رْبِّي. ‏31 هَتِي رَا تَّسِيتْ أَحْلِيݣْ تَرُوتْ يَانْ وَرَّاوْ تْݣْتْ أَسْ سْ إسْمْ يَسُوعْ. ‏32 وَادْ مْقُّورْنْ أَرَايْݣْ أَرَاسْ تِّنِينْ يِوْسْ نْ رْبِّي أَمَتُّويْ،إفْكْ أَسْ سِيدِي رْبِّي لْعْرْشْ نْ لْجْدّْ نْسْ دَاوْدْ، ‏33 إݣْ بْدَّا أَݣْلِّيدْ فْ وَمُودْ نْ يَعْقُوبْ،تَݣْلْدِيتْ نْسْ أُورْ سَارْ تْلِي تّْمَا». ‏34 تْنَّايْسْ مَرْيَمْ إلْمَلاَكْ لِّي:«مَامْنْكْ أَرَايِّلِي مَيَادْ نْكِّينْ ݣِيخْ نِيتْ سُولْ تَعْيَّالْتْ؟» ‏35 إوَاجْبْدْ لْمَلاَكْ لِّي إنَّايْسْ:«رُّوحْ لْقُدُسْ أَرَادّْ فْلاَّمْ إݣُّوزْ إدْلْكْمْ لْجْهْدْ نْ رْبِّي،غَانّْ أَفْ رَايْݣْ لْقُدُّوسْ لِّي رَا تَّرُوتْ يِوْسْ نْ رْبِّي. ‏36 هَانّْ أَلِيصَابَاتْ لِّي يَامْ إݣَانْ كْرَا أَرْ فْلاَّسْ تِّنِينْ مْدّْنْ أُورَا تِّلِي تَرْوَا،تُوسِي أُلاَ نْتَّاتْ أَحْلِيݣْ نْ يَانْ أُحْشْمِيْ غْ تُوّْسْرِي نْسْ.أَيُّورْ أَدْ أَيْسْ إݣَانْ وِيسّْ سْضِيصْ. ‏37 أَشْكُو أُورْ تْلِّي كْرَا نْ تْغَوْسَا لِّي يْشْقَّانْ غْ دَارْ رْبِّي». ‏38 تْنَّايْسْ مَرْيَمْ:«تَوَيَّا نْ رْبِّي أَدْ ݣِيخْ،أَيِّ يْجْرُو غْمْكْلِّي سْ تْنِّيتْ».إدُّو لْمَلاَكْ لِّي يْفْلْتّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.