تالاَلِيتْ ن يسوع

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 أُسَّانْ أَنّْ نِيتْ أَغْ يُومْرْ أُݣْلِّيدْ قَّيْصَرْ أُوغُسْطُسْ أَكُلُّو زْمِّيمْنْ إمْزْدَاغْنْ نْ تْݣْلْدِيتْ نْسْ. ‏2 تّْزْمِّيمْ أَدْ تَمْزْوَرُوتْ تْلاَّ لِّيغْ إݣَا كِيرِينْيُوسْ لْحَاكْمْ نْ تْمَزِيرْتْ نْ سُورِيَّا. ‏3 إدُّو كْرَيْݣَاتّْ يَانْ إدُّو سْ تْمْدِينْتْ لِّيغْدْ إلُولْ أَنّْ ݣِيسْ إزْمِّيمْ إسْمْ نْسْ. ‏4 يَوْنْدْ يُوسُفْ أُلاَ نْتَّانْ غْ تْمْدِينْتْ نْ نَّاصِرَا غْ لْجَلِيلْ سْ تْمْدِينْتْ نْ دَاوْدْ لِّي مِي تِّنِينْ بَيْتْ لَحْمْ غْ لْيَهُودِيَّة،أَشْكُو إݣَا غْ وَمُودْ نْ دَاوْدْ إݣْ غْ أُفُوسْ نْسْ، ‏5 يِرِي أَنّْ إزْمِّيمْ إسْمْ نْسْ دْ وِينْ مَرْيَمْ لِّينّْ إسِيݣّْلْ أَتّْݣْ تَمْغَرْتْ نْسْ.إمُونْ دِيدْسْ نْتَّاتْ تُوسِي نِيتْ أَحْلِيݣْ. ‏6 لِّيغْ لاَّنْ غِّينّْ إلْكْمْ وَاسّْ لِّيغْ رَا تّْرْبُو. ‏7 تَرُو أَرَّاوْ نْسْ أَمْزْوَرُو تْسْلُولِّيتْ غْ يَانْ إبْرْدِي تْكْرْفْتْ تْسْݣْنْتْ غْ يَانْ أُسْدْسْ،أَشْكُو أُورْ أُفِينْ مَنِيغْ أَتِّلِينْ غْ غِلِّيغْ ݣُّوزْنْ. ‏8 كْرَا نْ إمْكْسَاوْنْ لاَّنْ نِّيتْ غْ يَانْ لْعْزِيبْ غْ لْخْلاَ أَنّْ،أَرْ تّنْخِلِيفْنْ فْ تِضَافْ نْ وُلِّي نْسْنْ غْ يِّيضْ. ‏9 إمِيكّْ سْ هَادْ يَانْ لْمَلاَكْ نْ رْبِّي إبْدّدْ فْلاَّسْنْ،إسُوفُو لْمَجْدْ نْ رْبِّي إغِلِّيغْ لاَّنْ أَمْژْنْتّنْ بَهْرَا تْكْصَّاضْ. ‏10 إنَّايْسْنْ لْمَلاَكْ لِّي:«أَدْ أُورْ تِكْصَاضْمْ!هَيِّ أَرْكْنْ تّبْشَّارْخْ سْ يَانْ لْفْرْحْ مْقُّورْنْ لِّي إݣَانْ وِينْ مْدّْنْ كُلُّوتْنْ: ‏11 هَانّْ غَسَّادْ أَيْوْنْدْ إلُولاَ أُمْجّنْجْمْ غْ تْمْدِينْتْ نْ دَاوْدْ أَتّْ إݣَانْ دْ لْمَسِيحْ سِدِيتْنْخْ. ‏12 تَمَتَارْتْ نُّونْ:رَانّْ تَافْمْ يَانْ أُحْشْمِيْ إتّكْرْفْ إݣْنْ غْ أُسْدْسْ». ‏13 إمِيكّْ بَايّنْدّ تُوݣْتّْ نْ لْمَلاَيْكَا دْ لْمَلاَكْ لِّي أَرْ تْسْبَّاحْنْتْ رْبِّي أَرْتِّنِينْتْ: ‏14 «لْمَجْدْ إرْبِّي غْ إݣْنْوَانْ،لْهْنَا غْ إݣِّي نْ وَكَالْ إمْدّْنْ لِّي فْ إرْضَا». ‏15 لِّيغْ دِيدْسْنْ بْضَانْتْ لْمَلاَيْكَا دُّونْتْ سْ إݣْنْوَانْ،نَّانْ إمْكْسَاوْنْ لِّي إيْنْݣْرَاتْسْنْ:«رْوَاحْتْ أَنْدُّو سْ بَيْتْ لَحْمْ أَنْژْرْ مَيَادْ لِّي يْجْرَانْ إسّْعْلْمْ أَخْتْ رْبِّي». ‏16 حَرُّونْ أَشْكْنْدْ،أَفْنْدْ مَرْيَمْ دْ يُوسُفْ دْ أُحْشْمِيْ لِّي يْݣْنْ أُكَانْ غْ أُسْدْسْ. ‏17 لِّيغْ ژْرَانْ أَحْشْمِيْ لِّي أَرْ إلْمَّا تّكْسْنْ إمْدّْنْ لَخْبَارْ نْ أَيْلِّي أَسْنْ فْلاَّسْ إنَّا لْمَلاَكْ لِّي، ‏18 كُولْ مَا إسّْفْلْدْنْ إيّْوَلِيوْنْ نْ إمْكْسَاوْنْ لِّي أَرْݣِيسْنْ إتّعْجَّابْ. ‏19 مَرْيَمْ نْتَّاتْ أَرْ أُكَانْ تّحْضُو مَيَادْ كُلُّوتْ غْ وُولْ نْسْ أَرْݣِيسْ تْسْوِنْݣِيمْ. ‏20 إوْرِّينْدْ إمْكْسَاوْنْ لِّي أَرْ تّمْجَّادْنْ رْبِّي أَرَاسْ تْسْبَّاحْنْ فْ كُولْ مَامِ سّْفْلْدْنْ دْ كُولْ مَادْ ژْرَانْ.إݣْ مَيَانّْ غْمْكْلِّي سَاسْنْ إنَّا لْمَلاَكْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.