تُوݣا ن يوحنا ف أُومْجّْنْجّْمْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 تَبْرَاتْ نْ لِنْجِيلْ نْ يَسُوعْ لْمَسِيحْ يِوْسْ نْ رْبِّي، ‏2 تْبْدَا سْ غْمْكْلِّي نِيتْ إتّْيُرَانْ غْ وَرَّا نْ نَّبِي إشَعْيَاءْ لِّيغْ إنَّا:«هَيِّ رَانّْ زْوَارْ أَزْنْخْ أَرْقَّاصْ إنُو لِّي رَدَاكْ إرْژْمْ أَغَرَاسْ نْكْ. ‏3 إݣَا لْبْرِيحْ نْ يَانْ أُبْرَّاحْ غْ لْخْلاَ أَرْ إتِّنِي:إوْجَدَاتْ أَغَرَاسْ إسِدِيتْنْخْ تْسَسْتْوَامْ أَسْ إغَرَاسْنْ نْسْ». ‏4 إكّ لْحَالْ مَيْكَّا سْدْ إبَايّْنْ يُوحَنَّا لْمَعْمَدَانْ غْ لْخْلاَ أَرْ يَقّْرَا إمْدّْنْ أَدّْ أَضُونْ سْ أُغَرَاسْ نْ رْبِّي،عْمّْدْنْ غْ وَمَانْ فْ أَدْ أَسْنْ إغْفْرْ رْبِّي دّْنُوبْ نْسْنْ. ‏5 أَرْدْ دَارْسْ تّفُّوغْنْ مْدّْنْ لِّي كُلُّو لاَّنِينْ غْ تْمَزِيرْتْ نْ لْيَهُودِيَّة دْ أَيْتْ أُورُشَلِيمْ،أَرْ كُلُّو دَارْسْ تّْعْمَّادْنْ غْ وَمَانْ نْ وَسِيفْ نْ لُرْدُنْ،أَرْ تّْقْرُّونْ سْ دّْنُوبْ نْسْنْ. ‏6 إكْتِّينْ يُوحَنَّا أَرْ إلْسَّا لُوبْرْ نْ إرْعْمَانْ،أَرْ إتّْبْكَّاسْ سْ تَاݣّْسْتْ نْ إلْمْ،أَرْ إشْتَّا تَمُّورْغِي دْ تَمّْنْتْ نْ لْخْلاَ. ‏7 أَرْ إتّْبْشَّارْ مْدّْنْ أَرَاسْنْ إتِّنِي:«هَتِي رَايِّدْ إضْفُورْ يَانْ يُوݣْرِيِّ غْ لْجْهْدْ،نْكِّينْ أُورْ سْتَهْلاَّخْ حْتَّا أَدْ كْنُوخْ أَدَاسْ فْسِيخْ إفَلاَنْ نْ تُورْژِيِّينْ نْسْ. ‏8 نْكِّينْ هَيِّ عْمّْدْخْكْنْ سْ وَمَانْ،نْتَّانْ رَاكّْنْ إتّْعْمَّادْ سْ رُّوحْ لْقُدُسْ».

‏29 لِّيدّْ أَزْكَّا أَرْ إتَّنَّايْ يُوحَنَّا يَسُوعْ يُشْكَادْ سْ دَارْسْ،إسَاوْلْ يِنِي:«هَانّْ أَلْقَّاغْ نْ رْبِّي لِّي رَا إسِتِّي دّْنُوبْ نْ مْدّْنْ! ‏30 غْوَادْ أَفْ سَاوْلْخْ لِّيغْ أَوْنْ نِّيخْ:رَايِّيدْ إضْفُورْ يَانْ أُرْݣَازْ يُوݣْرِيِّ،أَشْكُو إلاَّ يَادْ نْتَّانْ أُرْتَا يَاكّ لِّيخْ نْكِّي. ‏31 نْكِّينْ أُورْتِّينْ كِّيخْ سّْنْخْتْ،وَلاَيْنِّي أُشْكِيخْدْ أَرْ تّْعْمَّادْخْ سْ وَمَانْ فَادّْ إبَايّْنْ إيَّيْتْ إسْرَائِيلْ». ‏32 إفْكْ يُوحَنَّا تُݣَّا أَدْ أَرْ إتِّنِي:«ژْرِيخْ رُّوحْ إݣُّوزْدْ غْ إݣْنْوَانْ زُونْدْ أَتْبِيرْ إتّْرْسْ فْلاَّسْ. ‏33 نْكِّينْ أُورْتِّينْ كِّيخْ سّْنْخْتْ،وَلاَيْنِّي وَلِّيِّيدْ يُوزْنّْ أَدْ تّْعْمَّادْخْ سْ وَمَانْ نْتَّانْ أَيِّ إنَّانْ:وَنَّا فْ تْژْرِيتْ رُّوحْ إݣُّوزْدْ إتّْرْسْ فْلاَّسْ،نْتَّانْ أَيْݣَانْ وَلِّي رَايْتّعْمَّادْ سْ رُّوحْ لْقُدُسْ. ‏34 نْكِّي هَيِّ ژْرِيخْ مَيَادْ فْكْخْ تُݣَّا إزْدْ نْتَّانْ أَيْݣَانْ يِوْسْ نْ رْبِّي».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.