يسوع أَرْ إجِجِّيْ د أرِتْغْفار

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏17 يَانْ وَاسّْ أَرْ إسّْلْمَادْ مْدّْنْ،ݣَاوْرْنْ دَارْسْ كْرَا نْ إفَرِّيسِيْنْ دْ إسْلْمَادْنْ نْ شّْرْعْ لِّيدْ أُشْكَنِينْ غْ كْرَيْݣَاتّْ لَمْوَضِيعْ نْ لْجَلِيلْ دْ لْيَهُودِيَّة دْ أُورُشَلِيمْ.يِلِي دِيدْسْ لْجْهْدْ نْ رْبِّي مَاسْ إجِجِّي إمُضَانْ. ‏18 إمِيكّْ هَا كْرَا نْ إرْݣَازْنْ أُسِينْدْ يَانْ أُكُشَامْ ݣْنْتِيدْ غْ إبْرْدَانْ نْسْ،إرِينْ أَتّْ دَارْسْ سّْكّْشْمْنْ أَتّْ سْرْسْنْ غْ لْݣْدَّامْ نْسْ. ‏19 لِّيغْ أُورْ أُفِينْ مَنِيتْ تّْسَايْنْ أَشْكُو إݣُّوتْ زّْحَامْ،غْلِينْ سْ أُزُورْ أَلّْنْ فْ إݣِّي نْ تْݣْمِّي أَنّْ زُّوݣْزْنْتِيدْ دْ إبْرْدَانْ نْسْ سْ تُژُّومْتْ نْ تْݣْمِّي لِّي غْ لْݣْدَّامْ نْ يَسُوعْ. ‏20 لِّيغْ إژْرَا لِيمَانْ نّْسْنْ إنَّايْسْ إوْكُشَامْ لِّي:«زَايْدْ أَيَرْݣَازْ،هَانّْ دّْنُوبْ نْكْ تّْيَوْغْفَارْنْ أَكْ». ‏21 أَرْ سْوِنْݣِيمْنْ إسْلْمَادْنْ نْ شّْرْعْ دْ إفَرِّيسِيْنْ أَرْ تِّنِينْ دْ إخْفْ نْسْنْ:«مَيْݣَا غْوَادْ إسَوَالْنْ سْ لْجْهَالْتْ؟مَانْوَا إژْضَارْنْ أَيْغْفْرْ دّْنُوبْ أَبْلاَ رْبِّي وَحْدُوتْ!» ‏22 إفَاقّْ يَسُوعْ إيّْسْوِنْݣِيمْنْ نّْسْنْ إوَاجْبْدْ إنَّايْسْنْ:«مَادْ أُكَانْ كَا تْسْوِنْݣِيمّْ غْ إخْفَاوْنْ نُّونْ؟ ‏23 مَاخّْ مَا إرْخَانْ أَتّْ يِنِي يَانْ؟إزْدْ:تّْيَوْغْفَارْنْ أَكْ دّْنُوبْ نْكْ،نْغْدّْ:نِكْرْ تْدُّوتْ. ‏24 وَلاَيْنِّي رِيخْ أَتِّسَّانْمْ إسْ إلاَّ لاَدْنْ دَارْ يِوْسْ نْ أُفْݣَانْ غْ إݣِّي نْ وَكَالْ نْ أَيْتّْغْفَارْ دّْنُوبْ».إنَّا إوْكُشَامْ لِّي:«نِّيخْ أَكْ:نِكْرْ تَسِيتْ لْفْرَاشْ نْكْ تْدُّوتْ سْ تْݣْمِّي نْكْ!» ‏25 تَسَّاعْتْ أَنّْ نِيتْ أَغْ إنْكْرْ وَلِّي غْ لْݣْدَّامْ نْسْنْ،يَسِي أَيْلِّي فْ إݣْنْ أَرْ إتّْمْجَّادْ رْبِّي إدُّو سْ تْݣْمِّي نْسْ. ‏26 تْلْفْنْ كُلُّو مْدّْنْ لِّي كْشْمْنْتّْنْ تْكْصَّاضْ أَرْ تّمْجَّادْنْ رْبِّي أَرْ تِّنِينْ:«غَسَّادْ نْژْرَا أَيْلِّي جُّونْ أُورْ نْژْرِي!» ‏27 لِّيغْ إزْرِي مَيَادْ،إفّْغْدْ يَسُوعْ أَرْ إتَّنَّايْ يَانْ أُنْكَّاسْ إسْمْ نْسْ لاَوِي إݣَّاوْرْ غِّلِّيغْ أَيْتَّامْژْ تَنْكَّاسْتْ،إنَّايْسْ:«ضْفُورِيِّ!» ‏28 إفْلْ وَلِّي كْرَيْݣَاتّْ تَغَوْسَا إنْكْرْ إضْفُورْتْ. ‏29 إسْكْرْ أَسْ لاَوِي يَاتْ زّرْدَا مْقُّورْنْ غْ تْݣْمِّي نْسْ،ݣَّاوْرْنْ دِيدْسْنْ كِݣَانْ دْ إنْكَّاسْنْ دْ وِيَّاضْ يَضْنِينْ دْرُونْ دِيدْسْنْ. ‏30 إفَرِّيسِيْنْ دْ وِلِّيتْنْ ضْفُورْنِينْ غْ إسْلْمَادْنْ نْ شّْرْعْ تْطِيّْرْ أَسْنْ أَرْ تَّشّْكَّانْ سْ إمْحْضَارْنْ نْسْ أَرَاسْنْ تِّنِينْ:«مَاخّْ أَيْلِّيغْ أَتّْشْتَّامْ أَرْ تْسَّامْ دْ إنْكَّاسْنْ دْ وِلِّي فَّغْنِينْ أَغَرَاسْ؟» ‏31 إوَاجْبْدْ يَسُوعْ إنَّايْسْنْ:«هَانّْ إمُضَانْ أَيْحْتَجَّانْ سْ أُضْبِيبْ أُورْدْ وِلِّي صْحَنِينْ. ‏32 وِلِّي فَّغْنِينْ أَغَرَاسْ أَفْدْ أُشْكِيخْ أَتّْنْدْ سْرْسْ رَارْخْ،أُورْدْ وِلِّيتْ نِيتْ كَّنِينْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.