جّْهْدْ ن يسوع

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏35 لِّيغْ تْلْكْمْ تْدْݣَّاتْ نْ وَاسّْ أَنّْ،إنَّايْسْنْ إيّْمْحْضَارْنْ نْسْ:«زّݣْرَاتْ أَخْ سْ أُݣْمَّاضْ أَنّْ نْ أُمْدَا». ‏36 صَّافْدْنْ مْدّْنْ لِّينّْ مُونِّينْ مُونّ دْ يَسُوعْ نْتَّانْ إلاَّ نِيتْ غْ أُغْرَّبُو.مُونّْتْ دِّيدْسْنْ كْرَا نْ تَنَاوِينْ يَضْنِينْ. ‏37 إمِيكّْ تِلِيدْ كْرَا نْ تْسْهَجَّايْتْ نْ وَضُو بْهّْرَا إخْشْنّْ، أَرْ كَّتْنْتْ تَضَّنْݣِوِينْ أَغْرَّبُو لِّي أَيْلِّيغْ عْلاَيْنْ أَيْتّكُورْ سْ وَمَانْ. ‏38 يَسُوعْ نْتَّانْ إݣْنْ أُكَانْ فْ يَاتْ تُّوّْصَاتّْ غْ تْغْرْضِينْ نْ أُغْرَّبُو.فْتُونْ سّْنْكْرْنْتِيدْ نَّانْ أَسْ:«أَسِيدِي،إزْدْ أُورْتّْ أَكّْ ݣِينْخْ تِوِيتْ أَرْ نِيتْ نْتّْمّْتَاتْ؟» ‏39 إنْكْرْ يَكِيدْ فْ وَضُو إسَاوْلْ سْ وَمَانْ نْ أُمْدَا لِّي إنَّايْسْنْ:«هْدَايْتْ تْفْسَّامْ!»إبِّينّْ إلْمَّا وَضُو تْبِّي لْحْسّْ. ‏40 إسَاوْلْ سْ إمْحْضَارْنْ نْسْ إنَّايْسْنْ:«مَاخّْ أَيْلِّيغْ تْكْسُوضْمْ سْ غْمْكَادْ؟إسْ نِيتْ سُولْ ݣِيوْنْ إلاَّ لِيمَانْ؟» ‏41 كْشْمْنْتّْنْ إلْمَّا تْكْصَّاضْ ݣُّوتْنِينْ أَرْ سْقّْسَانْ إنْݣْرَاتْسْنْ:«مَيْݣَا غْوَادْ؟حْتَّا أَمَانْ نْ أُمْدَا أُلاَ أَضُو أَرْ سْرْسْ سّْفْلِيدْنْ!» 1 زّْݣْرْنْ سْ أُݣْمَّاضْ أَنّْ نْ أُمْدَا سْ تْمَزِيرْتْ نْ أَيْتْ جَدَرْ. ‏2 مْكْلِّيدْ إݣّْزْ يَسُوعْ غْ أُغْرَّبُو،إلْمُقُّورْتِينْ يَانْ أُرْݣَازْ غْ إلاَّ لْجْنّْ إفّْغْدْ غْ لْقّْبُورْ. ‏3 إكْتِّينْ إزْدْغْ أَكّْ غِّينّْ،أُورْ إژْضَارْ يَانْ أَتّْ إكْرْفْ مْقَّارْدّْ سْ إسّْكْرَافْ نْ وُزَّالْ. ‏4 أَشْكُو إتّكْرْفْ يَادْ مْنَّاوْتْ تّْوَالْ سْ لْݣِيدْ دْ إسّْكْرَافْ نْ وُزَّالْ،إبِّي إسّْكْرَافْ لِّي إرْژْ لْݣِيدْ،أُورْ إژْضَارْ يَانْ أَݣِّيسْ إحْكْمْ. ‏5 إكْتِّينْ أَرْ بْدَّا إتِّلِي غْ لْقّبُورْ دْ إدْرَارْنْ غْ يِّيضْ دْ أُزَالْ،أَرْ إسْغُيُّو أَرْ إتَّاݣْسْ إخْفْ نْسْ سْ إژْرَانْ. ‏6 لِّيغْنّْ إژْرَا يَسُوعْ غْ تُݣُّوݣْتْ،يَازّْلْ دَارْسْ إسْجْدْ أَسْ، ‏7 إصْعِييّْضْ سْ كْرَا دَارْسْ إلاَّنْ إنَّايْسْ:«مَيْلاَّنْ غْ ݣْرِي دِيدْكْ أَيَسُوعْ يِوْسْ نْ رْبِّي أَمَتُّويْ؟ݣِيخْنّْ سْرْكْ رْبِّي،أَدِيِّ أُورْ تْسْرْفُوفْنْتْ!» ‏8 أَشْكُو إنَّايْسْ يَسُوعْ:«فّغْ أَلْجْنّ غْ أُرْݣَازْ نَّا!» ‏9 إسْقّْسَاتْ إلْمَّا يَسُوعْ إنَّايْسْ:«مَايْسْمْ نْكْ؟»إنَّايْسْ:«إسْمْ إنُو لْحْرْكْتْ،أَشْكُو نْݣُّوتْ». ‏10 إحُورْمُوتْ لْجْنّْ لِّي مْنَّاوْتْ تّْوَالْ أَتّْنْ أُورْ إسُّوفْغْ سْ بْرَّا نْ تْمَزِيرْتْ أَنّْ. ‏11 تِلِي يَاتْ تّْوَلاَ إݣُّوتْنْ نْ لْحْلاَلْفْ تْكْسَا أُكَانْ غْ تَمَا نْ أُدْرَارْ. ‏12 ضَالْبْنْ كُلُّو لْجْنُونْ لِّي يَسُوعْ نَّانْ أَسْ:«أَزْنَاخْ سْ لْحْلاَلْفْ أَنّْ أَتّْنْ نْكْشْمْ». ‏13 إفْكْ أَسْنْ نِّيتْ لاَدْن.فّْغْنْدْ لْجْنُونْ غْ أُرْݣَازْ لِّي كْشْمْنْ سْ لْحْلاَلْفْ،أَرْدْ إلْمَّا تِّزِّيلْ تْوَلاَ لِّي نْ لْحْلاَلْفْ غْمْنْ أَفَا نْ أُݣْسَارْ أَرْ أَمْدَا تْخْسِي كُلُّو غْ وَمَانْ.ݣْنْ لْحْلاَلْفْ أَنّْ كْرَا نْ سِينْ وَلْفِيوْنْ. ‏14 إمْكْسَاوْنْ نْ لْحْلاَلْفْ لِّي نْتّْنِي دَّانْ سّْفْكْنْ كُلُّو لَخْبَارْ إلْمْوَضِيعْ أُلاَ لْمْدَايْنْ،فّْغْنْدْ مْدْنْ أَدْ ژْرْنْ مَايْجْرَانْ. ‏15 أَشْكْنْدْ سْ دَارْ يَسُوعْ أَرْ تَّنَّايْنْ أَرْݣَازْ لِّيغْ تِّينْ كَّانْ لْجْنُونْ إݣَّاوْرْ أُكَانْ غِّينّْ إلْسْ تِمْلْسِيتْ نْسْ يِلِي دْ إخْفْ نْسْ.إكْصَاضْنْ إلْمَّا وِلِّي. ‏16 مْلْنْ أَسْنْ وِلِّي حَضْرْنِينْ أَيْلِّي يْجْرَانْ إوْمْجْنُونْ أَنّْ دْ لْحْلاَلْفْ لِّي. ‏17 نْكْرْنْ أَرْ تّْضَلاَبْنْ يَسُوعْ أَيْفّْغْ تَمَزِيرْتْ نْسْنْ. ‏18 لِّيغْ إرَا يَسُوعْ أَيْغْلِي سْ أُغْرَّبُو،إضَالْبْتْ وَلِّيغْ تِّينْ كَّانْ لْجْنُونْ أَدِّيدْسْ إمُونْ، ‏19 مَشّْ أُورْتْ يُجِّي يَسُوعْ،إنَّايْسْ:«زَايْدْ سْ تْݣْمِّي نْكْ دَّارْ أَيْدَّارْكْ،تْمْلْتْ أَسْنْ أَيْلِّي يَاكْ كُلُّو إسْكْرْ رْبِّي دْ مَامْنْكْ أَسْ ݣِيكْ إحْنَّا». ‏20 إدُّو أُرْݣَازْ لِّي أَرْ إتّكْسْ لَخْبَارْ نْسْ غْ مْرَاوْتْ لْمْدَايْنْ فْ أَيْلِّي أَسْ كُلُّو إسْكْرْ يَسُوعْ.أَرْ كُلُّو تّْعْجَّابْنْ مْدّْنْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.