حُبُّو رْبِّينْكْ تْحُوبُّوتْ أَدْجَارْنْكْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏25 إنْكْرْدْ يَانْ غْ إسْلْمَادْنْ نْ شّْرْعْ يِرِي أَتّْ يَارْمْ،إنَّايْسْ:«مَرَادْ سْكْرْخْ أَسِيدِي أَدْ كُّوسُوخْ تُودْرْتْ إدُومْنْ؟» ‏26 إنَّايْسْ:«مَايْتّيُرَانْ غْ شّْرْعْ؟مَݣِّيسْ تَقّْرَاتْ؟» ‏27 إوَاجْبْدْ إنَّايْسْ:«إلاَّ فْلاَّكْ أَتْحُبُّوتْ سِيدِي رْبِّي لِّي إݣَانْ بَابْ نْكْ سْ تّمَا نْ أُولْ نْكْ،دْ تّمَا نْ نِّييْتْ نْكْ،دْ تّمَا نْ لْجْهْدْ نْكْ،دْ تّمَا نْ إسْوِنْݣِيمْنْ نّْكْ،تْحُبُّوتْ أَدّجَارْ نْكْ زُونْدْ إخْفْ نْكْ». ‏28 إنَّايْسْ:«تْغْژَانْتْ،سْكَارْ مَيَادْ سْ نِيتْ تْدّرْتْ». ‏29 سْ إرَا أُسْلْمَادْ أَنّْ نْ شّْرْعْ أَدّْ إسْبَايّْنْ إسْ دَارْسْ لْحَقّْ،إنَّايْسْ إيَسُوعْ:«مَيْݣَانْ أَدّْجَارْ إنُو؟» ‏30 إوَاجْبْدْ يَسُوعْ إنَّايْسْ:«يَانْ وَاسّْ،إݣّْزْدْ يَانْ أُرْݣَازْ غْ أُورُشَلِيمْ يَامْژْ أَغَرَاسْ نْسْ سْ تْمْدِينْتْ نْ أَرِيحَا،إمِيلْ إضْرْ غْ ݣْرْ إفَاسّْنْ نْ إمْخَّارْنْ،كّْسْنْ أَسْ أَيْلِّي يْلْسَا سّْيَݣَاسْنْتْ،فْلْنْتْ فْ إݣِّي نْ لْمُوتْ. ‏31 يَوِيدْ أُغَرَاسْ أَنّْ يَانْ أُنْبْدَادْ،إسْمُوقّلْ ݣِيسْ يَانْفْ أَسْ إكّْ تَسْݣَا أَنّْ. ‏32 غْمْكَانّْ دْ يَانْ غْ أُفُوسْ نْ أَيْتْ لاَوِي،إزْرِيدْ أُلاَ نْتَّانْ غِّينّْ إسْمُوقّْلْ ݣِيسْ يَانْفْ أَسْ إكّْ تَسْݣَا أَنّْ. ‏33 وَلاَيْنِّي يَانْ أُوسَّامِرَة إمُّودَّا إكّْدْ أَغَرَاسْ أَنّْ،إسْمُوقّلْ ݣِيسْ إحْنُّو بَهْرَا ݣِيسْ. ‏34 إمَّتِّينّْ دَارْسْ يَسِيدْ إمِيكّْ نْ زِّيْتْ دْ أُنْزِيرْ إݣْتْنْ إتِݣَّاسْ نْ غْوَالِّي يَسّتْنْتْ،يَالّتْ إݣْتْ فْ لْبْهِيمْتْ نْسْ يَوِيتّْ سْ يَانْ لُوطِيلْ إطْهْلُّو ݣِيسْ. ‏35 زِيكّْ صْبَاحْ لِّيغْ رَايْدُّو يَسِيدْ سِينْ إدِينَارْنْ،إفْكْتْنْ إبَابْ نْ لُوطِيلْ إنَّايْسْ:هَتِينْ،طّْهْلاَّ ݣِيسْ،أُنْشْكْ نَّانّْ فْلاَّسْ تْسُّوفِيتْ،فْكْخْ أَكْتْ إغْدْ أُضِيخْ. ‏36 مَانْوَا سْ تْنِّيتْ غْ كْرَاضْ أَدْ إݣَا أَدّْجَارْ نْ وَلِّي إضْرْنْ غْ ݣْرْ إفَاسّْنْ نْ إمْخَّارْنْ؟» ‏37 إسَاوْلْدْ إنَّايْسْ:«وَلِّي ݣِيسْ إحْنَّانْ».إنَّايْسْ يَسُوعْ:«أَوَا زَايْدْ أُلاَ كْيِّ سْكَارْ غْمْكَانّْ».

‏27 وَلاَيْنِّي أَرَاوْنْ تِّنِيخْ أَغْوِيدْ سّْفْلِيدْنِينْ:إرِيَاتْ لْعْدُو نُّونْ،أَرْتْسْكَارْمْ أَفُولْكِي غْ وِلِّي كْنْ حَشَنِينْ. ‏28 تّْدْعُو يَاتْ سْ لْبَرَكَا إوِلِّي كْنْ رْݣّْمْنِينْ،أَرْ طّْژَلاَّمْ غْ لْجِهْتْ نْ وِلِّي ݣِيوْنْ سْكَرْنِينْ ݣَارْ. ‏29 إغْ أَكْ إمْرّْقّْ كْرَا نْ يَانْ غْ يَاتْ تّْسْݣَا،تْݣْلّْبْتْ أَسْنْ تَيَّاضْ.دْ وَنَّايْكْ يُوسِينْ أَسْلْهَامْ نْكْ،أَدَاسْ أُورْ تْكّْسْتْ أَيَّسِي أَقْشَّابْ نْكْ أُلاَ نْتَّانْ. ‏30 وَنَّايْكْ إضَالْبْنْ كْرَا تْفْكْتْ أَسْتْ،دْ وَنَّايْكْ يُوكْرْنْ أَيّْدَا نْكْ أَتّْ أُورْ تّْضَلاَبْتْ أَتِّيدْ إرَارْ. ‏31 غْمْكْلِّي تْرَامْ أَدَاوْنْتْ سْكَارْنْ مْدّْنْ سْكَارْ أَتَسْنْتْ أُلاَ كْنِّي.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.