ربي أرِسِݣِّيلْ س وِيدْ جْلاَنِين

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 مَّتِّينْنّْ دَارْسْ إنْكَّاسْنْ دْ وِلِّي فَّغْنِينْ أَغَرَاسْ أَدَاسْ سّْفْلْدْنْ. ‏2 أَرْ سْݣْنْݣِيمْنْ إفَرِّسِييْنْ دْ إسْلْمَادْنْ نْ شّْرْعْ ݣْرَاتْسْنْ أَرْ تِّنِينْ:«ژْرَاتْ غْوَادْ أَرْ إسْمْرْحْبَا سْ وِلِّي فَّغْنِينْ أَغَرَاسْ أَرْ دِيدْسْنْ إدْرُّو!» ‏3 إسَاوْلْ سْرْسْنْ سْ لْمْعْنَا أَدْ إنَّايْسْنْ: ‏4 «إغْ إلاَّ مْيَّا نْ أُلْقَّاغْ دَارْ كْرَا نْ يَانْ ݣِتُونْ إجْلُو أَسْ يَانْ،مَاخّْ أُورَا إفَّالْ كُوژْ إدَ عْشْرِينْ دْ طّْژَا دْ مْرَاوْ غْ تَݣَانْتْ،إفْتُو أَرْ إسِݣِّيلْ سْ وَلِّي أَسْ إجْلاَنْ أَرْ كِيغْتْ يُوفَا؟ ‏5 إغْتْ يُوفَا إفْرْحْ سْرْسْ إݣْتِيدْ فْ إݣِّي نْ تْغْرَاضْ نْسْ، ‏6 يَاشْكْدْ سْ تْݣْمِّي نْسْ إغْرْدْ إيْمْدُّكَّالْ دْ وَادّْجَارْنْ نّْسْ يِنِي أَسْنْ:فْرْحَاتْ دِيدِي،أَشْكُو أُفِيخْ أَلْقَّاغْ لِّيِّ يْجْلاَنْ! ‏7 أَرَاوْنْ تِّنِيخْ:غْمْكَانّْ أَيْتْݣَّا لْفْرْحْ غْ إݣْنْوَانْ سْ يَانْ أُمْعْصِيْ إغْدْ يِوْرِّي سْ أُغَرَاسْ، أُݣَّارْ نْ كُّوژْ إدَ عْشْرِينْ دْ طّْژَا دْ مْرَاوْ نْ وِلِّي عْدْلْنِينْ أُورْ حْتَجَّانْ أَدْ تُوبْنْ. ‏8 إغْ لاَّنْتْ مْرَاوْتْ تَرّيَلِينْ نْ نّْقْرْتْ دَارْ كْرَا نْ تْمْغَرْتْ تْجْلُو أَسْ يَاتْ،مَاخّْ أُورْ أَتْسّرْغَا تِفَاوْتْ أَرْ تَّارْسْ تِݣْمِّي تْݣْنّ كْرَا دَارْسْ أَرْتّْ تْسِݣِّيلْ أَرْدْسْتّ تَافْ؟ ‏9 إغْتّ تُوفَا،تْغْرْدْ إتْمْدُّوكَّالْ نْسْ دْ تَدّجَارِينْ نْسْ تِنِي أَسْنْتْ:فْرْحَامْتْ دِّيدِي أَشْكُو أُفِيخْ تَرّْيَالْتْ نْ نّْقْرْتْ لِّييِّ يْجْلاَنْ. ‏10 أَرَاوْنْ تِّنِيخْ:غْمْكَانّْ أَسْ أَتّْفْرَاحْنْتْ لْمَلاَيْكَا نْ رْبِّي سْ يَانْ أُمْعْصِيْ إغْ إتُوبْ». ‏11 إنَّايْسْنْ:«إكَّتِّينْ يَانْ أُرْݣَازْ دَارْسْ سِينْ تَرْوَا. ‏12 يَانْ وَاسّْ إنَّايْسْ وَلِّي مْژِّيْنْ إبَابَاسْ:فْكِيِّ أَ بَابَا تَصْغَارْتْ لِّي رَايِّ إلْكْمْ غْ لْمَالْ نْكْ.إنْكْرْ إبْضُو أَسْنْ أَيّْدَا نْسْ. ‏13 لِّيغْ زْرِينْ كْرَا نْ أُسَّانْ دْرُوسْنِينْ،إسْمُونْ وَرَّاوْ لِّي مْژِّيْنْ كْرَا إطَّافْ،إمُّودُّو سْ يَاتْ تّْمَزِيرْتْ يَݣُّوݣْنْ،إدُّو إتْبْرّْعَا غِّينّْ فْ إخْفْ نْسْ،إشّْ كُلُّو لْمَالْ لِّي دَارْسْ إزْمْزْرْتْ. ‏14 لِّيغْ إلْمَّا إسّْخْصْرْ كْرَا إطَّافْ،إݣّرُودْ كْرَا نْ لاَژّْ إخْشْنّْ غْ تْمَزِيرْتْ أَنّْ،إمِيكّْ سْ أَدْ إلْمَّا إتْحْتَجَّا. ‏15 إدُّو أَيْخْدْمْ دَارْ يَانْ غْ أَيْتْ تّْمَزِيرْتْ أَنّْ،إصْرْفْتْ سْ إݣْرَانْ نّْسْ أَدَاسْ إكْسَّا لْحْلاَلْفْ. ‏16 إژُوژّْضْ أَكَّا سُولْ إعْمّْرْ أَحْلِيݣْ نْسْ سْ تْكِيضَا لِّي شْتَّانْ لْحْلاَلْفْ لِّي،أُورْ أَسْتّْ إفْكِي يَانْ. ‏17 يِوْرِّيدْ إلْمَّا إسْوَانْݣْمْ دْ إخْفْ نْسْ إنَّا:مْنْشْكْ نْ أُخْدَّامْ أَيْلاَّنْ دَارْ بَابَا أَرْ أَسْنْدْ إتَّݣُورْ أُغْرُومْ،نْكِّينْ أَرْ تّمّتَاتْخْ غِّيدْ سْ لاَژّْ! ‏18 رَادْ نْكْرْخْ دُّوخْ سْ دَارْ بَابَا إنِيخْ أَسْ:عْصِيخْ رْبِّي أَ بَابَا عْصُوخْكْ، ‏19 أُورْ سُولْ سْتَهْلاَّخْ أَيِّ تِّنِيتْ يِوِيكْ،أَجِّيِّ كَا أَدْ ݣْخْ يَانْ غْ إخْدَّامْنْ نّْكْ. ‏20 إنْكْرْ يَاشْكْدْ سْ دَارْ بَابَاسْ.إژْرْتِينْ بَابَاسْ لِّيغْنّْ سُولْ إلاَّ غْ تُݣُّوݣْتْ،إعْمّْرْ سْ لْحْنَانْتْ يَازّْلْ إلْمْقُّورْنّ دِيدْسْ إسُّوتْلْ أَسْدْ إفَاسّْنْ نْسْ أَرْ أَسْ إسُّودُونْ. ‏21 إنَّايْسْ يِوْسْ لِّي:عْصِيخْ رْبِّي أَ بَابَا عْصِيخْكْ،أُورْ سُولْ ݣِيخْ أَمْنِيدْ نْ أَدْ ݣْخْ يِوِيكْ. ‏22 إسَاوْلْدْ بَابَاسْ سْ إسْمْݣَانْ نّْسْ إنَّايْسْنْ:أَزّلاَتْ أَوِيَادّ أَقْشَّابْ لِّي كُلُّو إفُلْكِينْ تْلْسْمْ أَسْتّْ،تْݣْمْ لْخَاتْمْ غْ أُضَاضْ نْسْ،تْلْسْمْ تُورْژِيِّينْ إيّْضَارّْنْ نّْسْ. ‏23 تَوِيمْدْ أَعْلُّوشْ لِّي إجِّينْ تْغْرْصْمْ أَسْ،أَنْشْتَّا نْفْرْحْ. ‏24 أَشْكُو يِوِي أَدْ إكَّتِّينْ إمُّوتْ غِلاَدْ هَتِي إدّْرْ،إكْتِّينْ إجْلاَ غِلاَدْ هَتِي نُفَاتْ.أَرْ إلْمَّا زّْرَايْنْ لْفْرْحْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.