لوجابات اربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 أَسَّانّْ نِيتْ أَغْدْ إفّْغْ يَسُوعْ غْ تْݣْمِّي إݣَّاوْرْ غْ تَمَا نْ أُمْدَا، ‏2 أَرْدْ تّْمُونّْ إݣْدُودْنْ ݣُّوتْنِينْ نْ مْدّْنْ أَيْلِّيغْ إغْلِي سْ أُغْرَّبُو إݣَّاوْرْ ݣِيسْ،إلِينْدْ كُلُّو مْدّْنْ غْ تَغَارْتْ. ‏3 أَرَاسْنْ إسَوَالْ سْ لْمْعْنَا فْ كِݣَانْ دْ تْغَوْسِوِينْ،إنَّايْسْنْ:«يَانْ وَاسّْ إفّْغْدْ يَانْ أُمْكْرَازْ أَيْلُوحْ أَمُودْ، ‏4 لِّيغْ أَيْتّْلُوحْ أَمُودْ،إضْرْ أَسْ كْرَا ݣِيسْ غْ أُغَرَاسْ،أَشْكْنْدْ إݣْضَاضْ ݣْرْنْتْ. ‏5 إضْرْ أَسْ وَيَّاضْ غِّلِّيغْ لاَّنْ إژْرَانْ يِدْرَاسْ ݣِيسْ وَكَالْ،إمّْغِيدْ سْ يَانْ ضُّورْ أَشْكُو أُورْتْ إمْضْلْ وَكَالْ إݣُّوتْنْ. ‏6 وَلاَيْنِّي لِّيغْدْ تُكِي تَفُوكْتْ،إجْدْرْ يِغَارْ أَشْكُو أُورْ إطَّافْ إژْغْرَانْ. ‏7 إضْرْ أَسْنّْ وَيَّاضْ غْ ݣْرْ إسْنَّانّْ،مّْغِينْدْ إسْنَّانّْ لِّي سّْخْسِينْتْ. ‏8 إضْرْ وَيَّاضْ غْ وَكَالْ إجِّينْ،إفْكْ تَيَفُوتْ إفْكْ كْرَا ݣِيسْ مْيَّا نْ تْكْلْتْ،كْرَا كْرَاضْ إدْ عْشْرِينْ،كْرَا عْشْرِينْ دْ مْرَاوْ. ‏9 وَنَّا دَارْ إمْزْݣَانْ مَاسْ إسّْفْلِيدْ أَرْ إسّْفْلِيدْ!»

‏18 أَوَا سّْفْلْدَاتْ إلْمْعْنَا نْ أُمْكْرَازْ: ‏19 كُولْ مَا إسّْفْلِيدْنْ إوَوَالْ نْ تْݣْلْدِيتْ أُورَاتْ إتّْفْهَامْ،أَرْدْ إتَّشْكَا إبْلِيسْ إكّْسْ أَيْلِّي إتّْكْرْزْنْ غْ وُولْ نْسْ.غْوَادْ أَيْݣَانْ أَمُودْ لِّي إضْرْنْ غْ أُغَرَاسْ. ‏20 وَلِّي إتّْكْرْزْنْ غْ ݣْرْ إژْرَانْ،إݣَاتْ وَلِّي إسّْفْلِيدْنْ إوَوَالْ أَنّْ،إقّْبْلْتْ سْ لْفْرْحْ غْ تَسَّاعْتْ أَنّْ، ‏21 وَلاَيْنِّي أُورْ يُوتْ سْ إژْغْرَانْ غْ وَكَالْ،دْ أُورْ أَبَهْرَا إتّْمَطَالْ،إسْ أَكَا تِّلِي كْرَا نْ تَسَّاسْتْ نْغْ تَرْفُوفْنْتْ فْ سِّبّْتْ نْ وَوَالْ نْ رْبِّي،يَضُو نِيتْ تِغْرْضِينْ. ‏22 وَلِّينّْ إضْرْنْ غْ ݣْرْ إسْنَّانّْ،إݣَاتْ وَلِّي إسّْفْلِيدْنْ إوَوَالْ نْ رْبِّي،وَلاَيْنِّي لْهْمُومْ نْ دُّونِيتْ دْ لْغْرُورْ نْ لْمَالْ أَرْ سّْخْسَايْنْ أَوَالْ لِّي،أُورْ سُولْ أَيْسْكَارْ لْغْلّْتْ. ‏23 أَمَّا وَلِّي إضْرْنْ غْ وَكَالْ إجِّينْ،إݣَاتْ وَلِّي إسّْفْلِيدْنْ إوَوَالْ أَنّْ إفْهْمْتْ.نْتَّانْ أَيَّكَّانْ لْغْلاَّتْ،أَرْ يَكَّا كْرَا ݣِيسْ مْيَّا نْ أُحْبُوبْ،كْرَا كْرَاضْ إدَ عْشْرِينْ،كْرَا عْشْرِينْ دْ مْرَاوْ».

‏44 تْݣَا دَاخْ تْݣْلْدِيتْ نْ إݣْنْوَانْ زُونْدْ أُكَانْ يَانْ لْكْنْزْ إتّْيَوْمْضَالْنْ غْ يَانْ إݣْرْ،يَافْتْ يَانْ أُفْݣَانْ إسّْنْتْلْتْ.إدُّو سْ تُوݣْتّْ نْ لْفْرْحْ إزّْنْزْ كْرَا دَارْسْ إلاَّنْ إسْغْ إݣْرْ أَنّْ. ‏45 تْرْوَاسْ دَاخْ تْݣْلْدِيتْ نْ إݣْنْوَانْ يَانْ أُسْبَّابْ إسِݣِّيلْنْ لْجُوهْرْ إفُلْكِينْ، ‏46 لِّيغْ يُوفَا يَاتْ تَلْجُوهْرْتْ بَهْرَا إغْلاَنْ،إدُّو إزّْنْزْ كْرَا إطَّافْ إسْغْتّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.