جّْهْدْ ن يسوع ف لْمُوت

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 يَانْ أُرْݣَازْ إسْمْ نْسْ لِعَاژَرْ يُوضْنْ،إݣَا ݣُّو بَيْتْ عَنْيَا لِّي إݣَانْ لْمُوضْعْ نْ مَرْيَمْ دْ أُلْتْمَاسْ مَرْثَا. ‏2 مَرْيَمْ أَدْ لِّي مِي يُوضْنْ ݣْمَاسْ لِعَاژَرْ تْݣَا تَلِّي يْژّْغْرْنْ إضَارّْنْ نْ سِدِيتْنْخْ يَسُوعْ سْ تُجُّتِينْ تْصّْفْطّْنْ سْ وَزَّارْ نْسْ. ‏3 نْكْرْنْتْ تَيْتْمَاتِينْ أَدْ أَزْنّْتْ سْ يَسُوعْ،نَّانْتْ أَسْ:«هَانّْ أَسِيدِي وَلِّي دَارْكْ إعْزَّانْ يُوضْنْ». ‏4 لِّيغْ إسّْفْلْدْ يَسُوعْ إمَيَانْ إنَّايْسْ:«تَمَضُونْتْ أَدْ أُورْ تْݣِي تِينْ لْمُوتْ،وَلاَيْنِّي أَتّْݣَا تِّينْ لْمَجْدْ نْ رْبِّي.فَاسّْرْسْ إتّْمْجّْدْ يِوْسْ نْ رْبِّي». ‏5 مَرْثَا دْ أُلْتْمَاسْ دْ لِعَاژَرْ عْزَّانْ دَارْ يَسُوعْ، ‏6 وَلاَيْنِّي مَادّْ يَادْ يِوِي يَسُوعْ لَخْبَارْ إسْ يُوضْنْ لِعَاژَرْ إݣَّاوْرْنْ سُولْ غِّينّْ لِّيغْ إلاَّ سِينْ أُسَّانْ. ‏7 إنَّايْسْنْ إلْمَّا إيّْمْحْضَارْنْ نْسْ:«رْوَحَاتْ أَنَّضُو سْ لْيَهُودِيَّة». ‏8 نَّانْ أَسْ إمْحْضَارْنْ نْسْ:«حْرَا نِيتْ سِݣِّيلْنْ وُدَايْنْ أَسِيدِي أَكّْ رْجْمْنْ تِرِيتْ سُولْ أَدَّاخْ دَارْسْنْ تَضُوتْ؟» ‏9 إوَاجْبْدْ فْلاَّسْنْ يَسُوعْ إنَّايْسْنْ:«مَاخّْ أُورْدّْ سِينْ دْ مْرَاوْتْ نْ تَسَّاعْتْ أَيْلاَّنْ غْ أُزَالْ؟وَنَّا إزِّݣِيزْنْ غْ أُزَالْ أُورَّاتّْ تُوتْ لْعْطْرْتْ،أَشْكُو أَرْ إتَّنَّايْ تِفَاوْتْ نْ دُّونِيتْ. ‏10 وَلاَيْنِّي يَانْ إتِّدُونْ غْ يِّيضْ أَرْتْ تْكِّيتْ لْعْطْرْتْ،أَشْكُو أُورْ ݣِيسْ تْلِّي تِفَاوْتْ». ‏11 لِّيغْ أَسْنْ إنَّا مَيَادْ،إنَّايْسْنْ إلْمَّا:«أَمْدَّاكّْلْ نْخْ لِعَاژَرْ إݣُونْ،وَلاَيْنِّي رِيخْ أَدْ دُّوخْ أَتِّيدْ سّْنْكْرْخْ». ‏12 نَّانْ أَسْ إمْحْضَارْنْ نْسْ:«إغْ إݣُونْ أَسِيدِي،هَتِي رَايْجِّي». ‏13 يَسُوعْ نْتَّانْ أَرَاسْنْ إسَوَالْ فْ لْمُوتْ نْ لِعَاژَرْ،وَلاَيْنِّي نْتّْنِي غَالْنْ إزْدْ تَݣُونِي نْ إضْصْ كَا أَفَايْسْنْ إسَوَالْ. ‏14 تِزِي أَنّْ أَدَاسْنْدْ إلْمَّا إسْبَايّْنْ يَسُوعْ أَوَالْ نْسْ،إنَّايْسْنْ:«لِعَاژَرْ إمُّوتْ. ‏15 نْكِّينْ فْرْحْخْ أَوْنْ لِّيغْ أُورْ لِّيخْ غِّينّْ،فْ أَتَّامْنْمْ.وَلاَيْنِّي رْوَحَاتْ أَدَّارْسْ نْدُّو!» ‏16 إنَّايْسْنْ تُومَا لِّي مِي تِّنِينْ أَكْنُّو إيّْمْحْضَارْنْ أَنّْ يَضْنِينْ:«رْوَحَاتْ أَنْدُّو أُلاَ نْكّْنِي أَدِّيدْسْ نْمّْتْ!» ‏17 لِّيغْنّْ إلْكْمْ يَسُوعْ يُفَانّْ أَلِعَازَارْ إكَّانّْ يَادْ كُّوژْ أُسَّانْ غْ لْقْبْرْ. ‏18 لْمُوضْعْ نْ بَيْتْ عَنْيَا إلاَّ غْ تَمَا نْ أُورُشَلِيمْ إمْيَݣَالْ دِيدْسْ عْلاَيْنْ كْرَاضْ إدْ كِيلُومِتْرْ. ‏19 أَشْكْنِينّْ كِݣَانْ دْ وُدَايْنْ سْ دَارْ مَرْثَا دْ مَرْيَمْ أَتّْنْتْ صْبّْرنْ فْ ݣْمَاتْسْنْتْ. ‏20 لِّيغْ تْسّْفْلْدْ مَرْثَا إسْدْ يُشْكَا يَسُوعْ تْفُّوغْدْ أَتِّينْ تْلْمَݣَّارْ،مَرْيَمْ نْتَّاتْ تْݣَّاوْرْ تْغَمَا غْ تْݣْمِّي. ‏21 تْنَّايْسْ مَرْثَا إيَسُوعْ:«مْلاَدّْ أَسِيدِي إسْ تْلِّيتْ غِّيدْ،أُورَّا يْمّْتْ ݣْمَا! ‏22 وَلاَيْنِّي حْتَّا غِلاَدْ نِيتْ سّْنْخْ إزْدْ أَيْنَّا تْضَالْبْتْ إرْبِّي إسْ رَادْ أَكْتْ إفْكْ». ‏23 إنَّايْسْ يَسُوعْ:«هَتِي ݣْمَامْ رَادّْ إنْكْرْ». ‏24 تْنَّايْسْ مَرْثَا:«سّْنْخْ نِيتْ إسْ رَادّْ إنْكْرْ غْ لْقِيَّامَا،غْ وَاسّْ إݣُّرَانْ». ‏25 إنَّايْسْ يَسُوعْ:«نْكِّينْ أَيْݣَانْ لْقِيَّامَا ݣْخْ تُودْرْتْ.وَنَّا سْرِي يُومْنّْ مْقَّارْ إمُّوتْ رَا يْدّْرْ، ‏26 أُلاَ كُولْ مَايْدّْرْنْ يَامْنْ سْرِي أُورَّا إمّْتْ.إسْ تُومْنْتْ سْ مَيَادْ؟» ‏27 تْنَّايْسْ:«يَّاهْ أَسِيدِي،أُومْنْخْ إزْدْ كْيِّينْ أَيْݣَانْ لْمَسِيحْ يِوْسْ نْ رْبِّي لِّي رَادّْ يَاشْكْ سْ دُّونِيتْ». ‏28 لِّيغْ أَسْ تْنَّا مَيَادْ تْدُّو تْغْرْدْ إوْلْتْمَاسْ مَرْيَمْ سْ تْنْتْلاَ،تْنَّايْسْ:«هَا سِدِيتْنْخْ إلاَّ غِّيدْ،سَادْمْرْ أَسْ». ‏29 غْمْكْلِّي أَسْ تْسّْفْلْدْ مَرْيَمْ،تْنْكْرْ تْحَرُّو تْدُّو دَارْسْ. ‏30 يَسُوعْ أُورْ تَادْ إكْشْمْ سْ لْمُوضْعْ وَلاَيْنِّي إلاَّنْ سُولْ غِّلِّيغْ تِينْ تْلْمَݣَّارْ مَرْثَا. ‏31 إلِينْ كْرَا نْ وُدَايْنْ غْ دَارْ مَرْيَمْ غْ تْݣْمِّي أَرْتّْ تْصْبَّارْنْ.لِّيغْتّْ ژْرَانْ تْنْكْرْ تْفّْغْدْ سْ تِزّْلاَ،ضْفُورْنْتّْ غَالْنْ إسْ تْدَّا سْ دَارْ لْقْبْرْ أَنّْ ݣِيسْ تَلاَّ. ‏32 لِّيغْنّْ تْلْكْمْ مَرْيَمْ غِلِّيغْ إلاَّ يَسُوعْ،تْژْرْتْ تْضْرْنّْ غْ دَارْ إضَارّْنْ نْسْ تْنَّايْسْ:«مْلاَدّْ أَسِيدِي إسْ تْلِّيتْ غِّيدْ أُورَاكّْ رَايْمّْتْ ݣْمَا!» ‏33 لِّيغْتّْ إژْرَا يَسُوعْ أَرْ تَلاَّ أَرْ أَلاَّنْ أُدَايْنْ لِّينّْ دِيدْسْ مُونِّينْ إغَمَا بَهْرَا ݣِيسْ لْحَالْ،إمَّاسّْ لْخَاطْرْ نْسْ، ‏34 إنَّايْسْنْ:«مَنِيغْ تِينْ تْمْضْلْمْ؟»نَّانْ أَسْ:«أَشْكِيدْ أَسِيدِي أَتّْژْرْتْ». ‏35 أَرْ يَلاَّ يَسُوعْ. ‏36 نَّانْ أَسْ وُدَايْنْ:«ژْرَاتْ غُونْشْكَّادْ سْ دَارْسْ إعْزَّا!» ‏37 إنَّايْسْنْ كْرَا ݣِيتْسْنْ:«إزْدْ أُورْ إژْضَارْ غْوَادْ لِّي يْرْژْمْنْ أَلّْنْ إوْبُكَاضْ،أَنّْ إرَارْ لْمُوتْ فْ لِعَاژَرْ؟» ‏38 إمَّاسّْ دَاخْ لْخَاطْرْ نْ يَسُوعْ يَاشْكْدْ سْ لْقْبْرْ لِّي.إݣْ لْقْبْرْ أَنّْ يَانْ إفْرِي إقّْنْ سْ يَانْ أُژْرُو. ‏39 إنَّايْسْنْ يَسُوعْ:«سَّانْفَاتْ أَژْرُو أَدْ!»تْنَّايْسْ مَرْثَا،أُلْتْمَاسْ نْ غْوَلِّي إمُّوتْنْ:«إنَّاغْ إلاَّ أَسِيدِي رَايِّلِي أَضُو،أَشْكُو كُّوژْ أُسَّانْ أَيَادْ إكَّا إمُّوتْ». ‏40 إنَّايْسْ يَسُوعْ:«إسْ أَمْ يَادْ أُورْ نِّيخْ إغْ تُومْنْتْ رَاتّْژْرْتْ لْمَجْدْ نْ رْبِّي؟» ‏41 نْكْرْنْ سَّانْفْنْ أَژْرُو أَنّْ فْ غِلِّيغْ إلاَّ غْوَلِّي إمُّوتْنْ،يَالّْ يَسُوعْ أَلّْنْ نْسْ سْ إݣْنْوَانْ أَرْ إتِّنِي:«أَرْكْ تّْشْكَارْخْ أَ بَابَا أَشْكُو تْسّْفْلْتِّيِّي. ‏42 نْكِّينْ سّْنْخْ إسَيِّ بْدَّا تْسّْفْلِيتّْ وَلاَيْنِّي مْدّْنْ أَدْ لِّي بْدّْنِينْ غِّيدْ أَفْ نِّيخْ غِكَادْ فْ أَدْ أَمْنّْ إزْدْ كْيِّينْ أَدِيِّيدْ يُوزْنّْ». ‏43 لِّيغْ إنَّا يَسُوعْ مَيَادْ،إغْرْ سْ كْرَا دَارْسْ:«وَا لِعَاژَرْ،فُّوغْدْ!» ‏44 إفُّوغْدْ وَلِّي إمُّوتْنْ إفَاسّْنْ نْسْ دْ إضَارّْنْ نْسْ تّْيَسَاسْنْ نِّيتْ سُولْ غْ لْكْفْنْ أُودْمْ نْسْ إسُّوتْلْ أَسْ يَانْ زِّيفْ.إنَّايْسْنْ يَسُوعْ:«فْسِيَاتْ أَسْ تَجّْمْتْ أَيْدُّو».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.