تواضع ن يسوع

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 لِّيغْ إغَمَا يَانْ وَاسّْ إلْعِيدْ نْ نّْجَا دَارْ وُدَايْنْ،إسّْنْ إلْمَّا يَسُوعْ إسْ إلْكْمْ أُزْمْزْ نْسْ أَيْفُّوغْ دُّونِيتْ أَيْدُّو سْ دَارْ بَابَاتْنْخْ.أَشْكُو عْزَّانْ دَارْسْ وِلِّي ݣَنِينْ وِينْسْ لِّي لاَّنِينْ غْ دُّونِيتْ أَدْ،إحُوبُّوتْنْ سْ تّمَا نْ تَايّْرِي نْسْ. ‏2 لِّيغْدْ سْرْسْنْ إمْنْسِي،يُوفَادْ زّْمَانْ إبْلِيسْ إغْوَا يَادْ يَهُوذَا يِوْسْ نْ سِمْعَانْ لِسْخَرْيُوطْ،إݣْ غْ لَعْقّْلْ نْسْ أَيْزّْنْزْ يَسُوعْ. ‏3 يَسُوعْ نْتَّانْ إسّْنْ إسْ إݣَا بَابَاتْنْخْ كْرَيْݣَاتّْ تَغَوْسَا غْ دُّو أُفُوسْ نْسْ،يِسَّانْ إزْدْ دَارْ رْبِّي أَدّْ إكَّا يِرِي أَدَّاخْ سْرْسْ يِوْرِّي. ‏4 إنْكْرْ يَسُوعْ فْ إمْنْسِي،إكّْسْ أَسْلْهَامْ نْسْ يَسِيدْ يَاتْ لْفُوطَا إبِيكّسْ سْرْسْ. ‏5 إݣْدْ أَمَانْ غْ لْمْغْسّلْ،إنْكْرْ أَرْ إسِّيرِيدْ إضَارّْنْ نْ إمْحْضَارْنْ نْسْ أَرْتْنْ إصّْفُوضْ سْ لْفُوطَا لِّي سْ إبِيكّسْ. ‏6 إلْكْمْنّ سِمْعَانْ بُطْرُسْ،إنَّايْسْ:«مَامْنْكْ!إزْدْ كْيِّينْ أَسِيدِي أَرَيْسِّرِيدْ إضَارّْنْ إنُو؟» ‏7 إوَاجْبْدْ يَسُوعْ إنَّايْسْ:«غِلاَدْ أُرْتَا تْسّْنْتْ مَادْ سْكَارْخْ،وَلاَيْنِّي رَاتّْ سُولْ تِسَّانْتْ». ‏8 إنَّايْسْ بُطْرُسْ:«أُهُويْ أُورْ سَارْ رَا تْسِّيرْتّْ إضَارّْنْ إنُو!»إوَاجْبْدْ يَسُوعْ إنَّايْسْ:«إغْ أَكْتْنْ أُورْ سِّيرْدْخْ أُورَّايْكْ دِيدِي يْصَاحَا يَاتْ». ‏9 إنَّايْسْ سِمْعَانْ بُطْرُسْ:«أُورْدّْ إضَارّْنْ إنُو كَا أَتْسِّرِيتّ أَسِيدِي،وَلاَيْنِّي سِّيرْدْ حْتَّا إفَاسّْنْ إنُو دْ إخْفْ إنُو». ‏10 إنَّايْسْ يَسُوعْ:«وَنَّا إسِّيرْدْنْ أُورْ سُولْ إحْتَجَّا أَبْلاَ أَيْسِّيرْدْ إضَارّْنْ نّْسْ،أَشْكُو إغُوسْ كُلُّو.كْنِّي تْغْسْمْ وَلاَيْنِّي أُورْدْ كُلُّوكْنْ». ‏11 يَسُوعْ إسّْنْ وَلِّي رَاتّْ إزّْنْزْ غَانّْ أَفْ أَسْنْ إنَّا:«أُورْ كُلُّو تْغُوسْمْ». ‏12 لِّيغْ إسِّيرْدْ إضَارّْنْ نّْسْنْ إلْسْ أَسْلْهَامْ نْسْ إݣَّاوْرْ يَضُو سْ إدِيسْ نْسْ إسْقّسَاتْنْ،إنَّايْسْنْ:«إسْ تْفْهْمّْ مَادَاوْنْ سْكْرْخْ؟ ‏13 كْنِّي أَرِيِّ تَقّْرَامْ سِدِيتُونْ دْ أُسْلْمَادْ نُّونْ،أَوَالْ أَدْ تْغْژَانْمْ ݣِيسْ أَشْكُو غْمْكَانّْ أَدْ ݣِيخْ. ‏14 غِلاَدْ لِّيغْ أَوْنْ سِّيرْدْخْ إضَارّْنْ نُّونْ نْكِّينْ لِّي إݣَانْ سِدِيتُونْ ݣْخْ أَسْلْمَادْ نُّونْ،إلاَّ فْلاَّوْنْ أُلاَ كْنِّي أَتْسِّرِيدْمْ إضَارّْنْ إيّْنْݣْرَتُونْ. ‏15 هَيِّ فْكِيخْ أَوْنْ لْمْعْنَا أَدْ فْ أَتّْسْكَارْمْ أُلاَ كْنِّي غْمْكْلِّي أَوْنْ سْكْرْخْ. ‏16 لْحَقّْ دْ صَّاحْتْ أَدَاوْنْ تِّنِيخْ:أُورْ إلِّي يْسْمْݣْ يُوݣْرْنْ سِيدِيسْ،أُلاَ إلاَّ أُرْقَّاصْ يُوݣْرْنْ وَلِّيتِيدْ يُوزْنّْ. ‏17 غِلاَدْ غْ تْسّْنْمْ تِغَوْسِوِينْ أَدْ،إسْعْدِيْنْ أَتّْݣَامْ إغَاتْنْتْ تْسْكَارْمْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.