36 تِزِي أَنّْ أَيْمُونْ يَسُوعْ دْ إمْحْضَارْنْ نْسْ سْ يَانْ إݣْرْ أَرْ أَسْ تِّنِينْ جَثْسَيْمَانِي،إنَّايَسْنْ:«ݣَّوْرَاتْ غِّيدْ هَيِّ دِّيخْ سْ غِينّْ أَݣِّيسْ ژَّالّْخْ». 37 إمُونْ دْ بُطْرُسْ دْ سِينْ تَرْوَا نْ زَبَدِي، إمِيكّْ سْ إحْزْنْ إخْصْرْ لْخَاطْرْ نْسْ. 38 إنَّايَسْنْ:«إحْزْنْ بَهْرَا وُولْ إنُو أَرْ لْمُوتْ.ݣَّوْرَاتْ غِّيدْ تَوُّوزْمْ دِيدِي». 39 إمَّتِّينّْ ݣِيسْنْ يَانْ إمِيكّْ،إسْجْدْنّْ فْ وَكَالْ أَرْ إطّْژَلاَّ أَرْ إتِّنِي:«وَا بَابَا إغْ تُوفِيتْ أَنّْ فْلِّي تْسِتِّيتْ لْكَاسْ أَدْ نْ إنْݣَاژْنْ،وَلاَيْنِّي أَيِّلِي أَيْلِّي تْرِيتْ أُورْدْ أَيْلِّي رِيخْ!» 40 يِوْرِّيدْ دَارْ إمْحْضَارْنْ لِّي يَفْتْنْدْ ݣْنّْ،إنَّايْسْ إبُطْرُسْ:«هْيَّ أُورْ تْژْضَارْمْ أَدِّيدِي تَوُّوزْمْ حْتَّا يَاتْ تَسَّاعْتْ؟ 41 أَوُّوزَاتْ أَرْ طّْژَلاَّمْ أَدْ أُورْ تْكْشْمّْ إتَسَّاسْتْ.هَتِي رُّوحْ أَرْ إتِّرِي أَفُولْكِي،وَلاَيْنِّي دَّاتْ تْضْعَافْ». 42 إدُّو دَاخْ تِيسّْ سْنَاتْ تّْوَالْ أَرْ إطْژَلاَّ يِنِي:«وَا بَابَا،إغْ أُورْ تُوفِيتْ أَنّْ فْلِّي تْسِتِّيتْ لْكَاسْ أَدْ أَبْلاَ إغْتْ سْوِيخْ،أَيِّلِي أَيْلِّي تْرِيتْ!» 43 يَضُودْ دَّارْسْنْ يَفْتْنْدْ دَّاخْ ݣْنّْ،أَشْكُو قْنّْتْ وَالّْنْ نّْسْنْ سْ إضْصْ. 44 إفْلْتْنْ إدُّو دَاخْ أَرْ إطْژَلاَّ تِيسّْ كْرَاطْ تّْوَالْ،يَالْسْ إوَوَالْ لِّي وَلِّي. 45 يِوْرِّيدْ سْ دَارْ إمْحْضَارْنْ نْسْ،إنَّايْسْنْ:«غِلاَدْ ݣْنَاتْ تْسُونْفُومْ!هَا تَسَّاعْتْ تْقْرّبْدْ،يِوْسْ نْ أُفْݣَانْ رَا إتّيَمَاژْ سْ ݣْرْ إفَاسّْنْ نْ إمْعْصِيْنْ. 46 نِكْرَاتْ أَنْدُّو!هَانّْ وَلِّي رَايِّ إزّْنْزْ إكَّادْ أَغَرَاسْ!»
47 أَرْ نِيتْ سُولْ إسَوَالْ،سْ هَادْ يَهُوذَا،يَانْ غْ سِينْ دْ مْرَاوْ لِّي،يُشْكَادْ إمُونْدْ دْ يَانْ أُݣْدُودْ إݣُّوتْنْ نْ مْدّْنْ أَسِينْدْ سّْيُوفْ دْ إكُورَايْنْ،أُزْنّْتْنْدْ إرْيَّاسْنْ نْ إنْبْدَادْنْ دْ إمْغَارْنْ نْ تْمَزِيرْتْ. 48 إفْكْ أَسْنْ وَلِّيتْ إزّنْزَانْ يَاتْ تّمَتَارْتْ إنَّايْسْنْ:«وَلِّي مِي رَادْ سُّودْنْخْ نْتَّانْ أَتّْ إݣَانْ.أَمْژَاتّْ». 49 تِزِي أَنّْ نِيتْ أَدّْ يُشْكَا يَهُوذَا دَارْ يَسُوعْ إنَّايْسْ:«سّْلاَمْ فْلاَّكْ أَسِيدِي!»إسُّودْنْ أَسْ. 50 إنَّايْسْ يَسُوعْ:«أَيْوَا أَيَسْمُونْ،إزْدْ مَيَادْ أَفْدْ تُّوشْكِيتْ؟»أَشْكْنْدْ إلْمَّا وِلِّي ݣْنِينّ إفَاسّْنْ نّْسْنْ سْ يَسُوعْ،أَمْژْنْتْ. 51 إݣْنّْ يَانْ غْ وِلِّي لاَّنِينْ دْ يَسُوعْ أَفُوسْ نْسْ،إسّْفْدْ سِّيفْ نْسْ،يُوتْ إسْمْݣْ نْ أُرِيَّاسْ نْ إنْبْدَادْنْ،إبِّي أَمْژُّوغْ نْسْ. 52 إنَّايْسْ يَسُوعْ:«رَارْ سِّيفْ نْكْ سْ لْمَكَانْ نْسْ.أَشْكُو كُولْ مَادّْ إتَّسِينْ سِّيفْ سْ وِيَّاضْ سِّيفْ أَسْ رَايْمّْتْ! 53 إسْ تْغَالْتْ إسْ أُورْ ژْضَارْخْ غِلاَدْ أَدْ ضَالْبْخْ إبَابَا أَدِيِّيدْ يَازْنْ أُݣَّارْ نْ سِينْ دْ مْرَاوْتْ لّحْرْكْتْ نْ لْمَلاَيْكَا؟ 54 وَلاَيْنِّي مَامْنْكْ زَا أَسْ رَادّْ إكْمّْلْ أَيْلِّي إلاَّنْ غْ وَرَّاتْنْ نْ رْبِّي لِّي تِّنِينِينْ:إسْدْ إقَّانْ أَيِّلِي مَيَادْ؟»
55 غَكُدَانْ أَيْسَاوْلْ يَسُوعْ سْ أُݣْدُودْ لِّي نْ مْدّْنْ إنَّايْسْنْ:«زُونْدْ إغْدْ تْفُّوغْمْ سْ أُمْخَّارْ تَسِيمْدْ سّْيُوفْ دْ إكُورَايْنْ أَيِّ تَامْژْمْ!ݣَّاوْرْخْ بْدَّا دِيدُونْ كْرَيْݣَاتّْ أَسّْ أَرْ سّْلْمَادْخْ غْ لْهَيْكَلْ،أُورْ إيِّ زَا تُومْژْمْ. 56 وَلاَيْنِّي مَيَادْ كُلُّو إلاَّ فَادّْ إكْمّْلْ أَيْلِّي يْتّيُرَانْ غْ وَرَّاتْنْ نْ لَنْبِيَّا».غَكُدَانْ أَتّْ كُلُّو فْلْنْ إمْحْضَارْنْ نّْسْ رْوْلْنْ.
Copyright © Call of Hope, Germany www.call-of-hope.com