لِّيغْدْ إنْكْرْ إغْلِي سِݣْنْوَانْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏11 مَرْيَمْ نْتَّاتْ،تْبِيدّْ نِيتْ غْ دَارْ لْقْبْرْ غْ بْرَّا أَرْ تَلاَّ.إمِيكّْ تْكْنُونّْ أَنّْ تَاݣّْ لْقْبْرْ تِزِي لِّيغْ أَتَلاَّ، ‏12 سَانّْ تَّنَّايْ سِينْ إدْ لْمَلاَكْ لْسَانْ كُلُّو مَايْمْلُّولْنْ ݣَّاوْرْنْ غِلِّيغْ تِّينْ تْكَّا دَّاتْ نْ يَسُوعْ تْتّْرْسْ ݣِيسْ،إݣَّاوْرْ يَانْ غْ دَارْ إخْفْ نْسْ إݣَّاوْرْ وَيَّاضْ دَارْ إضَارّْنْ نْسْ. ‏13 سْقّْسَانْتْ نَّانْ أَسْ:«مَاخّْ أَتَّلاَّتْ أَتَمْغَرْتْ؟»تْنَّايْسْنْ:«إوِينْ سِيدِي أُورْ سّْنْخْ مَنِيغْ تِينْ ݣَانْ!» ‏14 لِّيغْ تْنَّا مَيَادْ تْݣْلّْبْنّْ تِغْرْضِينْ سْ أَتَّنَّايْ يَسُوعْ إبِيدّْ غِّينّْ،وَلاَيْنِّي أُورْ تْسِّينْ إزْدْ يَسُوعْ أَيْݣَا. ‏15 إنَّايْسْ يَسُوعْ:«مَاخّْ أَتَّلاَّتْ أَتَمْغَرْتْ؟مَاتْسِݣِّيلْتْ؟»تْغَالْ تَلِّي إزْدْ بَابْ نْ وُورْتِي أَيْݣَا،تْنَّايْسْ:«إغْدّ كْيِّينْ أَسِيدِي أَتّْ يُوسِينْ،تْمْلْتِيِّي مَاغْتِينْ تْݣِيتْ أَتِّيدْ ݣِيسْ أَسِيخْ». ‏16 إنَّايْسْ يَسُوعْ:«وَا مَرْيَمْ» تْݣْلّبْنّ دَارْسْ تْنَّايْسْ:«رَبُّونِي!»إݣْ لْمْعْنَا نْسْ: وَا سِيدِي. ‏17 إنَّايْسْ يَسُوعْ:«أَيِّ أُورْ تْسْلِيتْ،أَشْكُو أُرْتَا غْلِيغْ سْ دَارْ بَابَا،وَلاَيْنِّي زَايْدْ سْ دَارْ أَيْتْمَا تِنِيتْ أَسْنْ:هَيِّ غْلِيخْ سْ دَارْ وَلِّي إݣَانْ بَابَا إݣْ بَابَاتُونْ،إݣْ رْبِّي نُو إݣْ رْبِّي نُّونْ». ‏18 تَاشْكْدْ مَرْيَمْ أُولْتْ مَجْدَلاَ تَوِيدْ لَخْبَارْ إيّْمْحْضَارْنْ إسْ تْژْرَا سِدِيتْنْخْ يِنِي أَسْ أَوَالْ أَدْ. ‏19 تَدْݣَّاتْ نْ غَسَّانّ لِّي إݣَانْ أَسّْ إزْوُرْنْ غْ إمَلاَسّ،مُونِّينّ إمْحْضَارْنْ رْݣْلْنْدْ إمَاوّْنْ أَشْكُو كْصُوضْنْ غْ إمْغَارْنْ نْ وُدَايْنْ.إمِيكّْ سْ هَادْ يَسُوعْ إبْدّْ غْ ݣْرَاتْسْنْ إنَّايْسْنْ:«أَدَاوْنْ تِلِي سّْلاَمْتْ!» ‏20 لِّيغْ أَسْنْ إنَّا مَيَادْ،إمْلْ أَسْنْ إفَاسّْنْ نْسْ دْ فُوسْݣَا نْسْ،فْرْحْنْ إمْحْضَارْنْ لِّي لِّيغْ ژْرَانْ سِدِيتْنْخْ. ‏21 إنَّايْسْنْ يَسُوعْ:«أَدَاوْنْ تِلِي سّْلاَمْتْ!غْمْكْلِّي يِّيدْ يُوزْنْ بَابَا غْمْكَانّْ أَرَاكّْنْ أَزْنْخْ أُلاَ نْكِّي». ‏22 لِّيغْ أَسْنْ إنَّا مَيَادْ إصْوَاضْ ݣِيسْنْ إنَّايْسْنْ:«أَمْژَاتْ رُّوحْ لْقُدُسْ. ‏23 يَانْ مِي تْغْفْرْمْ دّْنُوبْ نْسْ تّيَوْغْفَارْنْ أَسْ،يَانْ مِتْنْ أُورْ تْغْفْرْمْ أُرَّادْ أَسْ تّيَوْغْفَارْنْ». ‏24 وَلاَيْنِّي تُومَا لِّي مِي تِّنِينْ أَكْنُّو إݣْ يَانْ غْ سِينْ دْ مْرَاوْ لِّي،نْتَّانْ أُورْ دِيدْسْنْ إلِّي لِّيغْنّْ يُشْكَا يَسُوعْ. ‏25 لِّيغْ أَسْ نَّانْ إمْحْضَارْنْ أَنّْ يَضْنِينْ:«نْژْرَا سِدِيتْنْخْ!»إنَّايْسْنْ:«إغْ أُورْ ژْرِيخْ لاَطْرْ نْ إمْسْمَارْنْ غْ إفَاسّْنْ نّْسْ،ݣّرْخْ إلاَطْرْ نْ إمْسْمَارْنْ سْ أُضَاضْ إنُو،ݣّرْخْ إفُوسْݣَا نْسْ سْ أُفُوسْ إنُو أُرَّادْ أَمْنْخْ». ‏26 لِّيغْ زْرِينْ تَامْ أُسّْفَانْ،إلِينْ دَاخْ إمْحْضَارْنْ غْ وَاݣْنْسْ نْ تْݣْمِّي يِلِي دِيدْسْنْ تُومَا،رْݣْلْنْدْ إمَاوّْنْ سْ هَادْ يَسُوعْ إبِيدّدْ غْ ݣْرَاتْسْنْ إنَّايْسْنْ:«أَدَاوْنْ تِلِي سّْلاَمْتْ!» ‏27 إنَّايْسْ إتُومَا:«أَرَا ݣْدْ أَضَاضْ نْكْ غِّيدْ،تْژْرْتْ إفَاسّْنْ إنُو تْݣْدّ أَفُوسْ نْكْ تْݣّرْتْ إفُوسْݣَا نُو،تْكّسْتْ شّْكّْ غْ إخْفْ نْكْ تَامْنْتْ!» ‏28 إوَاجْبْدْ تُومَا إنَّايْسْ:«كْيِّينْ أَيْݣَانْ سِيدِي تْݣْتْ رْبِّي نُو!» ‏29 إنَّايْسْ يَسُوعْ:«تُومْنْتْ أَتُومَا،أَشْكُو تْژْرِتِيِّ.إمْبَرْكِيْنْ أَدْ ݣَانْ وِلِّي أُمْنِّينْ أُورْ أَكّْ ژْرِينْ». ‏30 يَسُوعْ إسْكْرْ كِݣَانْ دْ لْمُعْجِزَاتْ يَضْنِينْ غْ لْݣْدَّامْ نْ إمْحْضَارْنْ نّْسْ أُورْ تّيَرَانْتْ غْ وَرَّا أَدْ. ‏31 وَلاَيْنِّي لْمُعْجِزَاتْ أَدْ لِّي تّيَرَانِينْ غِّيدْ،تّيُرَانْتْ فْ أَتِّسَّانْمْ إزْدْ يَسُوعْ أَيْݣَانْ لْمَسِيحْ يِوْسْ نْ رْبِّي.فَادَاوْنْ تِلِي تُودْرْتْ سْ إسْمْ نْسْ إغْ سْرْسْ تُومْنْمْ.

‏50 إفّْغْدْ دِّيدْسْنْ سْ بْرَّا سْ تَمَا نْ بَيْتْ عَنْيَا،يَالّْ إفَاسّْنْ نْسْ إدْعُو أَسْنْ سْ لْبَرَكَا. ‏51 لِّيغْ أَيْسْنْ إتّْدْعُو سْ لْبَرَكَا،إبْضُو دِيدْسْنْ إتّْيَلاَلْ سْ إݣْنْوَانْ. ‏52 سْجْدْنْ أَسْ،وُورِّينْدْ سْ أُورُشَلِيمْ سْ لْفْرْحْ إݣُّوتْنْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.