مايݣان يسوع؟

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 لِّيغْ أُرْتَا إلِّي أُمْيَا إلاَّ يَادْ وَوَالْ أَنّْ،أَوَالْ أَنّْ إلاَّ دْ رْبِّي،أَوَالْ أَنّْ أَيْݣَانْ رْبِّي. ‏2 لِّيغْ أُرْتَا إلِّي أُمْيَا إلاَّ نْتَّانْ دْ رْبِّي. ‏3 نْتَّانْ أَسْ إلاَّ كْرَا إلاَّنْ،أُورْ تْلِّي كْرَا نْ تْغَوْسَا لِّي إتّيَوْخْلاَقْنْ بْلاَ نْسْ. ‏4 نْتَّانْ أَغْ تْلاَّ تُودْرْتْ،تُودْرْتْ أَدْ تْݣَا تِفَاوْتْ إمْدّْنْ. ‏5 تِفَاوْتْ أَنّْ أَرْ تْسُوفُو غْ تِلاَّسْ،وَلاَيْنِّي تِلاَّسْ أُورَاسْ سُّوݣْرْنْتْ يَاتْ. ‏6 إكَّتِّينْ يَانْ أُرْݣَازْ يُوزْنْتِيدْ رْبِّي،إݣَا سْ إسْمْ يُوحَنَّا. ‏7 نْتَّانْ يُشْكَادْ أَيْݣْ إنِݣِي أَرْ يَكَّا تُݣَّا فْ تِفَاوْتْ أَنّْ،فْ أَكُلُّو أَمْنّْ مْدّْنْ فْ أُفُوسْ نْسْ. ‏8 أُورْدْ نْتَّانْ أَيْݣَانْ تِفَاوْتْ أَنّْ،وَلاَيْنِّي أَيْݣَا دْ إنِݣِي فْ تِفَاوْتْ أَنّْ. ‏9 تِفَاوْتْ أَنّْ أَيْݣَانْ تِفَاوْتْ إحْقَاقّْنْ لِّيدْ يُشْكَانْ سْ دُّونِيتْ،أَكُلُّو تْسُوفُو إكْرَيْݣَاتّْ أَفْݣَانْ. ‏10 إكَّتِّينْ غْ دُّونِيتْ،نْتَّانْ أَسْ تْلاَّ دُّونِيتْ،مَشّ أُورْتْ أُكْزْنْ أَيْتْ دُّونِيتْ. ‏11 أَيْدَّارْسْ أَمِيدْ يُشْكَا،وَلاَيْنِّي أَيْدَّارْسْ أُݣِينْتْ. ‏12 أَمَّا وِلِّيتْ قّْبْلْنِينْ أَتّْنْ إݣَانْ دْ وِلِّي سْرْسْ أُمْنِّينْ،إفْكْ أَيْسْنْ لاَدْنْ أَدْ ݣْنْ تَرْوَا نْ رْبِّي. ‏13 تَلاَلِيتْ نْسْنْ أُورْدْ تْكِّي دَارْ أُفْݣَانْ أُلاَ شَّهْوَا نْ كْرَا نْ دَّاتْ وَلاَيْنِّي رْبِّي أَتّْنْ إݣَانْ تَّرْوَا نْسْ. ‏14 أَوَالْ أَنّْ إݣَا أَفْݣَانْ إزْدْغْ غْ ݣْرَاتْنْخْ،نْكّْنِي نْژْرَا لْمَجْدْ نْسْ،لْمَجْدْ نْ وَرَّاوْ لِّي إݣَانْ يَانْ دَارْ بَابَاسْ إعْمّْرْ سْ تَايّْرِي أُورْ إتْبْدَّالْنْ دْ لَمَانْ. ‏15 يُوحَنَّا إفْكَا فْلاَّسْ تُݣَّا أَرْ إتّْبْرَّاحْ أَرْ إتِّنِي:«غْوَادْ أَيْݣَانْ وَلِّي سْ أَوْنْ نِّيخْ رَايِّيدْ إضْفُورْ إݣْ وَلِّيِّي يُوݣْرْنْ،أَشْكُو نْتَّانْ إلاَّ يَادْ أُرْتَا لِّيخْ نْكِّينْ. ‏16 تُوݣْتّْ نْ نّْعْمْتْ نْسْ أَغْ كُلُّو نُوسِي لْبَرَكَاتْ فْ تِيَّاضْ. ‏17 أَشْكُو شّْرْعْ يِوِتِيدْ مُوسَى،وَلاَيْنِّي نّْعْمْتْ دْ لْحْقّ يَسُوعْ لْمَسِيحْ أَتّْنْدْ يِوِينْ. ‏18 رْبِّي أُورْ جُّونْتْ إژْرِي يَانْ.وَلاَيْنِّي أَرَّاوْ نْسْ لِّي إݣَانْ يَانْ يِلِي بْدَّا دَارْ بَابَاسْ نْتَّانْ أَيْفْكَانْ لَخْبَارْ نْسْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.