ماسْكُولُّ إقَاوْلْ إيمْحضارْنْسْ؟

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 غَادْ إزْرِينْ تْكَّمْتِّينْ تْمُّوتْمْ فْ سِّبّْتْ نْ لْمْعْصِيَّاتْ نُّونْ دْ دّْنُوبْ نُّونْ ‏2 لِّي سْتِّينْ تْكَّامْ أَرْتْنْ تْسْكَارْمْ غَادْ إزْرِينْ تْضْفُورْمْ ݣَارْ تِغَرَسِينْ نْ دُّونِيتْ،دْ إبْلِيسْ لِّي إݣَانْ أَرْيَّاسْ نْ تْݣْلْدِيتْ نْ وَضُو،إݣْ رُّوحْ لِّي إمْلْكْنْ وِلِّي عْصَنِينْ رْبِّي، ‏3 نْكّْتِّينْ أُلاَ نْكّْنِي نْݣَا كُلُّو ݣِيسْنْ،أَرْ نْسْكَارْ سْ ݣَارْ شَّهَوَاتْ نْ دَّاتْ نْخْ،نْضْفُورْ لْغْرْضْ نْ دَّاتْ دْ ݣَارْ إسْوِنْݣِيمْنْ نْسْ،نْلاَلْدْ زُونْدْ كُلُّو مْدّْنْ نِلِي غْ دُّو لْغَضَبْ نْ رْبِّي، ‏4 وَلاَيْنِّي رْبِّي إسُّوݣْتْ فْلاَّخْ رّْحْمْتْ نْسْ،إحُبُّيَاخْ بَهْرَا، ‏5 غَانّْ أَفَاخْ إݣَا دْ وِيدْ دّْرْنِينْ دْ لْمَسِيحْ مْقَّارْتِّينْ نْكَّا نْمُّوتْ سْ دّْنُوبْ نْخْ،أَشْكُو نّْعْمْتْ نْ رْبِّي أَسْ تْنْجْمّْ. ‏6 إسّْنْكْرَاخْدْ رْبِّي غْ لْمُوتْ دْ لْمَسِيحْ،إسْݣَوْرَاخْ دِيدْسْ غْ إݣْنْوَانْ أَشْكُو نْݣَا وِينْسْ، ‏7 إسْكْرْ ݣِينْخْ أَفُولْكِي سْ لْمَسِيحْ يَسُوعْ،فْ أَدَانْخْ إمْلْ تُوݣْتّْ نْ رْحْمْتْ نْسْ لِّي أُورْ إلِينْ تّْمِي غْ أُزْمْزْ أَدْ أُلاَ إزْمَازْ لِّيدْ كَّنِينْ لْݣْدَّامْ. ‏8 أَشْكُو نّْعْمْتْ نْ رْبِّي أَسْ تْنْجْمّْ،سْ لِيمَانْ نُّونْ،مَيَادْ أُورْكُنْدْ إكِّي كْنِّي وَلاَيْنِّي أَيْݣَا تِّكِّيتْ نْ رْبِّي. ‏9 أُورْ إلِّي سْ إسْكَّارْنْ أَدْ أُورْ إتّعْنَّا يَانْ سْ إخْفْ نْسْ. ‏10 نْكّْنِي أَنْݣَا دْ أَيْلِّي إسْكْرْ رْبِّي،إخْلْقّْ أَخْ غْ لْمَسِيحْ فْ أَنْسْكَارْ لَفْعَالْ عْدْلْنِينْ لِّي إجُّجَادْ غْمْنْ غَادْ إزْرِينْ فْ أَتّْنْ نْسْكَارْ.

1 لِّيغْدْ لِيمَانْ أَسَاخْ إزْكَّا رْبِّي،هْيَّ نْلاَّ دِيدْسْ غْ لْهْنَا فْ سِّبّْتْ نْ أَيْلِّي يْسْكْرْ سِيدِيتْنْخْ يَسُوعْ لْمَسِيحْ، ‏2 نْتَّانْ أَسْ نُوفَا أَنّكْشْمْ سْ نّْعْمْتْ أَدْ لِّيغْ نْلاَّ غِلاَدْ سْ لِيمَانْ،نْفْرْحْ سْ رّْجَا لِّي دَارْنْخْ غْ لْمَجْدْ نْ رْبِّي. ‏3 أُورْدّْ مَيَانّْ كَا،وَلاَيْنِّي أَرْ نْتّفْرَاحْ غْ تُژُّومْتْ نْ تَسَّاسِينْ،نِسَّانْ تَسَّاسْتْ إسْ أَتْسْكَارْ صّْبْرْ، ‏4 صّْبْرْ أَرْدْ إتَّوِي أَدْوَاسْ،أَدْوَاسْ أَرْدْ ݣِينْخْ إتْݣَّا رّْجَا. ‏5 رّْجَا أَدْ أُورْ سْرْسْ نْحْشّْمْ،أَشْكُو رْبِّي إتّكُورْ أُلاَوْنْ نْخْ سْ تَايّْرِي نْسْ سْ رُّوحْ لْقُدُسْ لِّي أَخْ إفْكَا.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.