ماسَاغ إنَّا أتّْنْسْكار؟

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏16 نْكْرْنْ يَانْ دْ مْرَاوْ نْ أُمْحْضَارْ لِّي نْسْ دُّونْ سْ تْمَزِيرْتْ نْ لْجَلِيلْ سْ أُدْرَارْ لِّي سَاسْنْ إنَّا يَسُوعْ أَسّْرْسْ دُّونْ. ‏17 لِّيغْتْ ژْرَانْ سْجْدْنْ أَسْ،وَلاَيْنِّي كْرَا ݣِيتْسْنْ إشْكَّا سُولْ. ‏18 إمَّتِّينّْ إلْمَّا دَارْسْنْ يَسُوعْ إسَاوْلْ سْرْسْنْ إنَّايَسْنْ:«هَانّْ تّْفْكَنْتِي كُلُّو تْنْبَضِينْ فْ مَيْلاَّنْ غْ إݣْنْوَانْ أُلاَ أَكَالْ. ‏19 زَيْدَاتْ أَرْ تْسّْلْمَادْمْ لْݣْنُوسْ كُلُّوتْنْ،أَرْتْنْ تّْعْمَّادْمْ سْ إسْمْ نْ بَابَا دْ يِوْسْ دْ رُّوحْ لْقُدُسْ. ‏20 أَرَاسْنْ تْسّْلْمَادْمْ أَدْ سْكَارْنْ سْ كُولْ مَافْكْنْ أُصِّيخْ.نْكِّي هَيِّ لِّيغْ دِيدُونْ كْرَيْݣَاتّْ أَسّْ أَرْ إسِݣّْرَا نْ زّْمَانْ».

‏3 مَادْ إلْمَّا إمُّوتْ،إمْلاَيْسْنْ سْ تُوݣْتّْ نْ تْمِتَارْ إسْ إدّْرْ،إكّْ كْرَا نْ سِينْ إدَ عْشْرِينْ نْ وَاسّْ أَرْ أَسْنْدْ إتّْبَيَّانْ،إسَاوْلْ أَسْنْ فْ تْݣْلْدِيتْ نْ رْبِّي. ‏4 يَانْ وَاسّْ إݣَّاوْرْ أَرْ دِيدْسْنْ إشْتَّا يُصُّوتْنْ إنَّايْسْنْ:«أَدْ أُورْ تْفُّوغْمْ تَمْدِينْتْ نْ أُورُشَلِيمْ،وَلاَيْنِّي قّْلاَتْ أَتَّامْژْمْ أَيْلِّي سْ أَوْنْ إقَّاوْلْ رْبِّي لِّي فَاوْنْ يَادْ سَاوْلْخْ. ‏5 أَشْكُو يُوحَنَّا إكَّتِّينْ أَرْ إتّْعْمَّادْ مْدّْنْ سْ وَمَانْ،وَلاَيْنِّي إغْ زْرِينْ كْرَا نْ أُسَّانْ دْرُسْنِينْ،كْنِّي رَادْ تّْعْمّْدْمْ سْ رُّوحْ لْقُدُسْ». ‏6 سْقْسَانْتْ وِلِّينّْ دَارْسْ مُونِّينْ نَّانْ أَسْ:«إزْدْ أَسِيدِي،غِلاَدْ أَرَادّْ تْرَارْتْ تَݣْلْدِيتْ إيَايْتْ إسْرَائِيلْ؟» ‏7 إنَّايْسْنْ يَسُوعْ:«أُورْ أَوْنْ إتّْفْكِي أَتِّسَّانْمْ لَوْقَّاتْ دْ إزْمَازْ لِّي إسْكْرْ رْبِّي سْ لْجْهْدْ نْسْ. ‏8 وَلاَيْنِّي رَا تَّامْژْمْ لْجْهْدْ إغْدْ فْلاَّوْنْ إݣُّوزْ رُّوحْ لْقُدُسْ،تْݣِمِيِّ إلْمَّا إنَݣَانْ غْ أُورُشَلِيمْ دْ لْيَهُودِيَّة كُلُّوتّْ دْ سَّامِرَة،أَرْ تّْمَا نْ دُّونِيتْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

5 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

6 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

7 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.