إمحضارن أرْ تْضَالاَبْنْ ربي باباتْنْغْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 يَانْ وَاسّْ أَرْ إطْژَلاَّ يَسُوعْ غْ يَانْ مَنِي،لِّيغْ إكْمّْلْ،إنَّايْسْ يَانْ غْ إمْحْضَارْنْ نْسْ:«مْلاَخْ أَسِيدِي مَامْنْكْ أَنْطْژَلاَّ غْمْكْلِّيتْ إمْلاَ يُوحَنَّا أُلاَ نْتَّانْ إيّْمْحْضَارْنْ نْسْ». ‏2 إنَّايْسْنْ يَسُوعْ:«إغْ أَطْژَلاَّمْ أَرْ تِّنِيمْ:بَابَاتْنْخْ لِّي إلاَّنْ غْ إݣْنْوَانْ،إسْمْ نْكْ أَيْتّيَوْقْدَّسْ،أَدّْ تَاشْكْ تْݣْلْدِيتْ نْكْ. أَيِّلِي أَيْلِّي تْرِيتْ غْ وَكَالْ غْمْكْلِّي إݣَا غْ إݣْنْوَانْ. ‏3 أَغْرُومْ نْخْ لِّي أَخْ يِوْدَانْ كْرَيْݣَاتّْ أَسّْ أَدَاخْ تَكَّاتْ. ‏4 غْفْرْ أَخْ دّْنُوبْ نْخْ،أَشْكُو أَرْ نْتّْصَمَاحْ أُلاَ نْكّْنِي إوِلِّي ݣِينْخْ سْكَرْنِينْ ݣَارْ.أَدَاخْ أُورْ تَاجّْتْ أَنْكْشْمْ إتَسَّاسْتْ وَلاَيْنِّي فُوكُّو يَاخْ غْ إبْلِيسْ». ‏5 إنَّايْسْنْ دَاخْ:«مَانْوَا دَارْ ݣِتُونْ إتِّلِي كْرَا نْ أُمْدَّاكّلْ،إدُّو سْرْسْ تُژُّومْتْ نْ غْ يِّيضْ،إنَّايْسْ: رْضْلِيِّ كْرَاطّْ تْنْݣَالْ أَيَمْدَّاكْلْ إنُو، ‏6 أَشْكُو يُشْكَادْ دَّرِي يَانْ أُمْدَّاكّلْ إنُو غْ أُمُودُّو أُورْ دَرِي مَادَاسْدْ أَكَّاخْ. ‏7 إوَاجْبْ أَسْدْ غْوَانْ غْ وَاݣْنْسْ نْ تْݣْمِّي إنَّايْسْ:أَيِّ أُورْ تْزِّيوْزْتْ!هَانّْ تْقّنْ تْفْلُوتْ،ݣْنْخْ نْكِّينْ دْ تَرْوَا نُو غْ إبْرْدَانْ،أُورْ ژْضَارْخْ أَنّْ نْكْرْخْ أَدْ أَكْدْ فْكْخْ أَيْلِّي تْرِيتْ. ‏8 أَرَاوْنْ تِّنِيخْ:إغْدْ أَكّْ أُورْ إنْكْرْ إفْكْ أَسْدْ أَيْلِّي إرَا أَشْكُو إݣَا أَمْدَّاكّْلْ نْسْ.إقَّانْدْ أَدّْ إنْكْرْ إفْكْ أَسْدْ أَيْلِّي سْ إحْتَجَّا أَشْكُو أَرْتْ كَا إتّْحُرْمُو. ‏9 نْكِّينْ أَرَاوْنْ تِّنِيخْ:ضَلْبَاتْ إتّْفْكَاوْنْ،سِݣِّلاَتْ رَا تَّافْمْ،سْدُقُّرَاتْ تْنُّورْژْمْ أَوْنْ تْفْلُوتْ. ‏10 أَشْكُو كُولْ مَايْتّْضَلاَبْنْ أَرْ إتَّامْژْ،كُولْ مَايْسِݣِّيلْنْ أَرْ إتَّفَا،كُولْ مَايْسْدُقُّورْنْ أَرَاسْ تّْنُرْژُومْ تَݣُّورْتْ. ‏11 مَانْوَا دَارْ ݣِتُونْ إتِّلِي كْرَا نْ يِوْسْ إغْ أَسْ إضَالْبْ أَغْرُومْ إفْكْ أَسْدْ أَژْرُو؟نْغْ أَسْ إضَالْبْ تِسْلْمْتْ إفْكْ أَسْدْ أَلْݣْمَاضْ غْ إدِيسْ نْ تْسْلْمْتْ؟ ‏12 نْغْ أَسْ إضَالْبْ تَݣْلاَيْتْ إفْكْ أَسْدْ إغْرْضْمْ؟ ‏13 إغْ تْسّْنْمْ كْنِّي لِّي هْرْشْنِينْ أَتَّكَّامْ إتَرْوَا نُّونْ تِغَوْسِوِينْ فُولْكِنِينْ،مَامْنْكْ زَا أُورْ يَكَّا بَابَا لِّي إلاَّنْ غْ إݣْنْوَانْ رُّوحْ لْقُدُسْ إوِلِّي أَسْتّْ ضَلْبْنِينْ؟»

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.