إمحضارن أرْ سْكارن سْوَاوال ن ربي أر سِݣِّيلْنْ مِيدن

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 يَانْ وَاسّْ إبْدّْ يَسُوعْ غْ تَمَا نْ أُمْدَا نْ جَنِّيسَارَتْ،مُونِّينْ دَارْسْ مْدّْنْ ݣُّوتْنِينْ إرِينْ أَدْ سّْفْلْدْنْ إوَوَالْ نْ رْبِّي، ‏2 سَانّ إتَّنَّايْ سِينْ إغْرُّبَا غْ تَغَارْتْ،فّْغْنْدْ ݣِيسْنْ إنْݣْمَارْنْ أَرْ سِّرِيدْنْ شّبَايْكْ نْسْنْ. ‏3 إنْكْرْ يَسُوعْ إغْلِي سْ يَانْ غْ إغْرُّبَا لِّي،إݣْ وِينْ سِمْعَانْ،إضَالْبْ أَسْ أَنّْ يِتِّي غْ تَغَارْتْ سْ يَانْ إمِيكّْ.إݣَاوْرْ إلْمَّا يَسُوعْ غْ أُغْرَّبُو لِّي أَرْدْ ݣِيسْ إسَوَالْ سْ مْدّْنْ أَرْتْنْ إسّْلْمَادْ. ‏4 لِّيغْ إكْمّْلْ أَوَالْ نْسْ،إنَّايْسْ إسِمْعَانْ:«مَّتِّينّ سْ إلِّي يْدْرَانْ،تْلُوحْمِينّ شّبَايْكْ نُّونْ أَتّݣْمْرْمْ». ‏5 إوَاجْبْدْ سِمْعَانْ إنَّايْسْ:«هَتِي أَسِيدِي نْݣْمْرْ كْرَا يْلاَ يِّيضْ أَيْلِّيغْ نْرْمِي،أُورْدْ نُومْژْ يَاتْ.وَلاَيْنِّي لِّيغْتْ أَكّْ تْنِّيتْ رَانّْ لُوحّ شّْبْكْتْ». ‏6 لِّيغْ سْكْرْنْ غْمْكْلِّي سَاسْنْ إنَّا أَمْژْنْدْ إلْمَّا تُوݣْتّْ نْ إسْلْمَانْ،أَيْلِّيغْ عْلاَيْنْ أَدْ تّبِّينْتْ شّبَايْكْ نْسْنْ. ‏7 نْكْرْنْ أَرْنّْ كَّاتْنْ سْ أُفُوسْ إيْمْشّرْكْنْ نّْسْنْ لِّي لاَّنِينْ غْ أُغْرَّبُو أَنّْ يَضْنِينْ أَدّْ أَشْكْنْ أَدَاسْنْ أَوْسْنْ.أَشْكْنْدْ وِلِّي أَرْ تّعْمَّارْنْ إغْرُّبَا لِّي أَيْلِّيغْ عْلاَيْنْ أَدْ دّمْنْ. ‏8 لِّيغْ إژْرَا سِمْعَانْ بُطْرُسْ مَيَادْ إسْجْدْ غْ تَمَا نْ إفَادّْنْ نْ يَسُوعْ إنَّايْسْ:«فُّوغْ أَسِيدِي غْ أُغْرَّبُو نُو أَشْكُو عْصِيخْ رْبِّي». ‏9 أَرْ كَا سُولْ إتّعْجَّابْ نْتَّانْ أُلاَ وِلِّي كُلُّو دِيدْسْ لاَّنِينْ،أَشْكُو ݣُّوتْنْ بَهْرَا إسْلْمَانْ لِّيدْ أُومْژْنْ. ‏10 غْمْكَانّْ دْ تَرْوَا نْ زَبَدِي،يَعْقُوبْ دْ يُوحَنَّا،لِّي ݣَنِينْ إمْشّرْكْنْ نْ سِمْعَانْ.إنَّايْسْ يَسُوعْ إسِمْعَانْ:«أَدْ أُورْ تِكْصَاطّْ!هَانّْ غْمْنْ غِلاَدْ أَرَا تّݣْمّرْتْ مْدّْنْ». ‏11 لِّيغْدْ سُّوفْغْنْ إغْرُّبَا لِّي سْ تَغَارْتْ،فْلْنْ كْرَيْݣَاتّْ تَّغَوْسَا ضْفُورْنْ يَسُوعْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.