لكنيسة أيْݣان دَّاتْ لْمَسيح

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏12 أَشْكُو غْمْكْلِّي تْݣَا دَّاتْ يَاتْ إلِينْ ݣِيسْ لَجْوَارِحْ ݣُّوتْنِينْ،ݣْنْ كُلُّو لَجْوَارِحْ أَنّْ مْقَّارْ ݣُّوتْنْ يَاتْ دَّاتْ،غْمْكَانّْ دْ لْمَسِيحْ أُلاَ نْتَّانْ. ‏13 أَشْكُو يَانْ رُّوحْ أَسْ كُلُّو نْتّْعْمّدْ أَنْݣْ يَاتْ دَّاتْ،نْݣِيتْ أُدَايْنْ نْغْ نْݣَا أَيْتْ لْيُونَانْ،نْݣِيتْ إسْمْݣَانْ نْغْ نْݣَا وِيدْ دّرْفْنِينْ،يَانْ رُّوحْ أَغْ كُلُّو نْسْوَا. ‏14 دَّاتْ أُورْتّ كَا إݣِي يَانْ غْ لَجْوَارِحْ،وَلاَيْنِّي أَتّْݣَا دْ لَجْوَارِحْ ݣُّوتْنِينْ. ‏15 إغْ إنَّا أُضَارْ:«نْكِّي أُورْ ݣِيخْ أَفُوسْ،هْيَّ أُورْ سُولْ ݣِيخْ غْ دَّاتْ».مَاخّْ أُورْ سُولْ إݣِي غْ دَّاتْ؟ ‏16 إغْ إنَّا أُمْژُّوغْ:«نْكِّي أُورْ ݣِيخْ طِيطّ،هْيَّ أُورْ سُولْ ݣِيخْ غْ دَّاتْ،مَاخّْ أُورْ سُولْ إݣِي غْ دَّاتْ؟ ‏17 إغْ كُلُّو تْݣَا دَّاتْ يَاتْ طِيطّ،مَامْنْكْ أَسْ رَادْ تْسّْفْلِيدْ؟إغْ كُلُّو تْݣَا أَمْژُّوغْ،مَامْنْكْ أَسْ رَادْ تّكْضُو؟ ‏18 وَلاَيْنِّي رْبِّي إسَسْتْوَا كْرَيْݣَاتّْ يَانْ غْ لَجْوَارِحْ غْ دَّاتْ سْ غْمْكْلِّي إرَا. ‏19 إغْ كَا تْݣَا دَّاتْ يَانْ غْ لَجْوَارِحْ،مَاغْ زَا سُولْ تْلاَّ دَّاتْ؟ ‏20 هْيَّ مْقَّارْ ݣُّوتْنْ لَجْوَارِحْ،يَاتْ دَّاتْ أَدْ ݣَانْ. ‏21 أُورْ تُوفِي طِيطّ أَتّْنَّا إوْفُوسْ:«أُورْ فْلاَّكْ لْكْمْخْ!»أُلاَ أَيِّنِي إخْفْ إيّْضَارّنْ:«أُورْ فْلاَّوْنْ لْكْمْخْ!» ‏22 وَلاَيْنِّي لَجْوَارِحْ نْ دَّاتْ لِّي تّبَيَّنِّينْ إسْ ضْعَافْنْ أَفْ بَهْرَا نْلْكْمْ. ‏23 لَجْوَارِحْ نْ دَّاتْ لِّي نْحْݣْرْ أَمِ نْݣَا شَّانْ إݣُّوتْنْ.لَجْوَارِحْ لِّي سْ نْتّحْشَّامْ أَفْ نْسُّوݣْتْ لُوقّْرْ. ‏24 أَمَّا وِلِّي ݣِينْخْ فُولْكِنِينْ أُورْ لْكْمْنْ فْ يَاتْ.وَلاَيْنِّي رْبِّي إسْمُونْ كُلُّو لَجْوَارِحْ غْ دَّاتْ،إݣْ شَّانْ إݣُّوتْنْ إلَجْوَارِحْ لِّيتْ أُورْ لِنِينْ، ‏25 فْ أَدْ أُورْ تِلِي تِطِّيتْ غْ دَّاتْ،وَلاَيْنِّي أَسْتّْ كُلُّو أَوِينْ لَجْوَارِحْ غْ إنْݣْرَاتْسْنْ. ‏26 إغْ إلاَّ يَانْ غْ لَجْوَارِحْ غْ إنْݣَاژْنْ،أَرْ كُلُّو ݣِيسْ تِّلِينْ وِيَّاضْ.إغْ نُولّْ شَّانْ إيَّانْ غْ لَجْوَارِحْ،أَرْ كُلُّو دِيدْسْ تّْفْرَاحْنْ وِيَّاضْ. ‏27 كْنِّي تْݣَامْ دَّاتْ نْ لْمَسِيحْ،تْݣْمْ لَجْوَارِحْ نْسْ كْرَيْݣَاتّْ يَانْ ݣِتُونْ إݣَا ݣِيسْ. ‏28 إزّْوُورْ رْبِّي كْرَا نْ مْدّْنْ غْ لْكْنِيسَة:إݣْتْنْ دْ إرْقَّاصْنْ،إسْوَلاَيْسْنِينّ وِلِّي سَوَلْنِينْ سْ أَيْلِّي أَسْنْ إسّْعْلاَمْ رْبِّي،إسْوَلاَيْسْنِينّ إسْلْمَادْنْ،دْ إلْمَّا وِلِّي مِي تّفْكَانْتْ لْمُعْجِزَاتْ،دْ وِلِّي جِجِّنِينْ إمُضَانْ،دْ وِلِّي تَّوْسْنِينْ إوِيَّاضْ،دْ وِلِّي ݣَنِينْ إمَزَّالْنْ،دْ وِلِّي سَوَلْنِينْ مْنَّاوْتْ تُتْلاَيِّينْ. ‏29 مَاخّْ إسْ كُلُّو ݣَانْ إرْقَّاصْنْ؟نْغْدّْ إسْ أَكُلُّو سَوَالْنْ سْ أَيْلِّي أَسْنْ إسّْعْلْمْ رْبِّي؟نْغْدّْ إسْ كُلُّو ݣَانْ إسْلْمَادْنْ؟نْغْدّْ إسْ أَكُلُّو سْكَارْنْ لْمُعْجِزَاتْ؟ ‏30 إسَاسْنْ كُلُّو إفْكَا رْبِّي أَدْ جِجِّينْ إمُضَانْ؟إسْ أَكُلُّو سَوَالْنْ سْ تُتْلاَيِّينْ؟نْغْدّْ إسَاتْنْتْ كُلُّو تّرْجَّامْنْ؟ ‏31 أَوَا ݣَاتْنّ لَعْقّْلْ غْ تِكِّيتْ مْقُّورْنْ.هَيِّ رَدَاوْنْ مْلْخْ أَغَرَاسْ لِّيتْنْ كُلُّو يُوفْنْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.