9 نْتّْنِي أَمِ تّْدْعُوخْ،أُورْدْ أَيْتْ دُّونِيتْ.أَمِ تّْدْعُوخْ دْ وِلِّيِّي تْفْكِيتْ أَشْكُو وِنْكْ أَدْ ݣَانْ. 10 كُولْ مَايْݣَانْ وِنُو وِنْكْ أَيْݣَا،دْ أَيْنَّا إݣَانْ وِنْكْ وِنُو أَيْݣَا،لْمَجْدْ إنُو هَتِي إبَايّْنْدْ ݣِيسْنْ. 11 نْكِّينْ أُورْ سُولْ غَمَاخْ غْ دُّونِيتْ أَشْكُو رَانّْ دَارْكْ أَشْكْخْ،نْتّْنِي لاَّنْ سُولْ غْ دُّونِيتْ.ݣَابْلْ وِلِّيِّي تْفْكِيتْ أَ بَابَا كْيِّ لِّي إݣَانْ لْقُدُّوسْ،سْ لْجْهْدْ نْ إسْمْ نْكْ،فْ أَدْ ݣْنْ يَانْ غْمْكْلِّي نْݣَا يَانْ أُلاَ نْكّْنِي. 12 لِّيغْ دِيدْسْنْ لِّيخْ غْ دُّونِيتْ ݣَابْلْخْ وِلِّيِّي تْفْكِيتْ سْ لْجْهْدْ نْ إسْمْ نْكْ.هَتِي ݣَابْلْخْتْنْ أُورْ ݣِيسْنْ إجْلِي حْتَّا يَانْ أَبْلاَ وَلِّي إرَانْ أَيْجْلُو،فَادّْ إكْمّْلْ أَيْلِّي إلاَّنْ غْ وَرَّا نْكْ. 13 غِلاَدْ هَيِّ رَانّْ دَارْكْ أَشْكْخْ.وَلاَيْنِّي أَرْ تِّنِيخْ مَيَادْ مَاحْدّْ لِّيخْ سُولْ غْ دُّونِيتْ فْ أَݣِّيسْنْ إݣْ لْفْرْحْ إنُو وَادْ إكْمّْلْنْ. 14 فْكِيخْ أَسْنْ أَوَالْ نْكْ وَلاَيْنِّي حَشَانْتْنْ أَيْتْ دُّونِيتْ أَشْكُو أُورْ ݣِينْ غْ أَيْتْ دُّونِيتْ غْمْكْلِّي أُورْ ݣِيخْ أُلاَ نْكِّينْ غْ أَيْتْ دُّونِيتْ. 15 أُورَاكْ ضَالْبْخْ أَتّْنِينّْ تَسِيتْ غْ دُّونِيتْ،وَلاَيْنِّي أَدَاكْ ضَالْبْخْ دْ أَتّْنْ تْفُكُّوتْ غْ إبْلِيسْ. 16 نْتّْنِي أُورْ ݣِينْ غْ أَيْتْ دُّونِيتْ غْمْكْلِّي أُورْ ݣِيخْ أُلاَ نْكِّي غْ أَيْتْ دُّونِيتْ. 17 ݣْتْنْ دْ وِنْكْ سْ لْحَقّْ.أَوَالْ نْكْ أَيْݣَانْ لْحَقّْ. 18 غْمْكْلِّي يِّيدْ تُوزْنْتْ سْ دُّونِيتْ أَتّْنْ أُوزْنْخْ سْ دُّونِيتْ أُلاَ نْتّْنِي. 19 أَشْكُو نْتّْنِي أَفْ ݣِيخْ إخْفْ إنُو دْ وِنْكْ فْ أَدْ ݣْنْ أُلاَ نْتّْنِي إخْفَاوْنْ نْسْنْ دْ وِنْكْ سْ لْحَقّْ.
20 أُورْدّْ غْوِيدْ كَا أَمِ تّْدْعُوخْ،وَلاَيْنِّي أُلاَ وِلِّي رَاسّْرِي يَامْنْ سْ وَوَالْ نْسْنْ أَرَاسْنْ تّْدْعُوخْ، 21 فْ أَدْ كُلُّو ݣِينْ يَانْ،غْمْكْلِّي ݣِي تْلِّيتْ أَبَابَا إلِيخْ ݣِيكْ،فْ أَدْ كُلُّو ݣِينْخْ ݣِينْ يَانْ أُلاَ نْتّْنِي،أَمْنّْ أَيْتْ دُّونِيتْ إزْدْ كْيِّينْ أَدِيِّيدْ يُوزْنّْ. 22 هَيِّ فْكِيخْ أَسْنْ لْمَجْدْ لِّيِّ تْفْكِيتْ،فْ أَدْ ݣْنْ يَانْ غْمْكْلِّي نْݣَا يَانْ نْكِّي دِيدْكْ. 23 نْكِّينْ لِّيخْ ݣِيسْنْ كْيِّينْ تْلِّيتْ ݣِي فَاتّْݣْ تَمُونْتْ نْسْنْ تَادْ إكْمّْلْنْ،أَدْ إسَّانّْ مْدّْنْ إزْدْ كْيِّينْ أَيِّيدْ يُوزْنّْ تِرِيتّْنْ غْمْكْلِّيِّي تْرِيتْ. 24 إرِيخْ أَ بَابَا أَدِّيدِي إلِينْ غْوِلِّيِّي تْفْكِيتْ غِّلِّيغْ لِّيخْ،أَدْ ژْرْنْ لْمَجْدْ إنُو لِّيِّ تْفْكِيتْ أَشْكُو تْرِتِيِّي أُرْتَا تْلِّي دُّونِيتْ. 25 كْيِّ أَ بَابَا لِّي إݣَانْ وَادْ إصْلْحْنْ،أُورْكْ سّْنّْ أَيْتْ دُّونِيتْ،نْكِّينْ سّْنْخْكْ إسَّانّْ غْوِيدْ إسِيِّيدْ تُوزْنْتْ. 26 نْكِّي مْلِيخْ أَسْنْ إسْمْ نْكْ،إرِيخْ أَدَاسْنْتْ سُولْ مْلْخْ فْ أَݣِّيسْنْ تِلِي تَايّْرِي لِّيِّ تْرِيتْ إلِيخْ ݣِيسْنْ أُلاَ نْكِّينْ».
Copyright © Call of Hope, Germany www.call-of-hope.com