لكنيسة أرْتْفْتُّو س روح ن ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏26 تِزِي نَّادْ يُشْكَا أَمَوَاسْ لِّي رَادْ أَوْنْدْ أَزْنْخْ دَارْ بَابَا،أَتّْ إݣَانْ دْ رُّوحْ نْ لْحَقّْ لِّي رَادّْ إفّْغْ غْ دَارْ بَابَا،نْتَّانْ أَرَا فْلِّي يَكَّا تُݣَّا.

‏5 غِلاَدْ هَيِّ رَادْ وُرِّيخْ سْ دَارْ وَلِّيِّيدْ يُوزْنّْ،حْتَّا يَانْ ݣِتُونْ أُرِيِّ إسْقّْسَا:مَنِي سْ رَادْ دُّوخْ؟ ‏6 وَلاَيْنِّي لِّيغْ أَوْنْ نِّيخْ مَيَادْ تَاغْكْنْ تْݣُضِي. ‏7 رَادَاوْنْ إنِيخْ صَّاحْتْ:هَانّْ يُوفَاوْنْ إغْ دِّيخْ،أَشْكُو إغْ أُورْ دِّيخْ أُرَّادْ أَوْنْدْ يَاشْكْ أُمْعِيوْنْ،وَلاَيْنِّي تِزِي نَّا دِّيخْ رَادْ أَوْنْتِيدْ أَزْنْخْ. ‏8 أَكُودْ نَّادْ يُشْكَا،نْتَّانْ أَرَادّْ إسْبَايّْنْ إمْدّْنْ إسْ أُورْ سّْنّْ مَيْݣَانْ لْمْعْصِيْتْ أُلاَ مَايْصْلْحْنْ أُلاَ لْحُوكْمْ نْ رْبِّي. ‏9 أُورْ سّْنّْ مَيْݣَانْ لْمْعْصِيْتْ أَشْكُو أُورْ سْرِي أُومْنّْ. ‏10 أُورْ سّْنّْ مَيْݣَانْ مَايْصْلْحْنْ أَشْكُو رَادْ وُرِّيخْ سْ دَارْ بَابَا أُورَّايِّ سُولْ تْژْرْمْ. ‏11 أُورْ سّْنْ مَيْݣَانْ لْحُوكْمْ نْ رْبِّي أَشْكُو أَݣْلِّيدْ نْ دُّونِيتْ أَدْ إتُّوتْ فْلاَّسْ لْحُوكْمْ. ‏12 لاَّنْتْ سُولْ دَرِي كِݣَانْ تّْغَوْسِوِينْ يَضْنِينْ مَادَاوْنْ تِّنِيخْ،مَشّْ أُورَاسْنْتْ تْژْضَارْمْ غِلاَدْ. ‏13 وَلاَيْنِّي تِزِي نَّادْ يُشْكَا رُّوحْ نْ لْحَقّْ نْتَّانْ أَرَادَاوْنْ إمْلْ لْحَقّْ كُلُّوتْ،أَشْكُو أُورَادْ إسْكَارْ يَاتْ غْ إخْفْ نْسْ أُورْ أَيْتِّنِي أَبْلاَ أَيْلِّي مِي إسّْفْلِيدْ إمْلْ أَوْنْ سُولْ أَيْلِّي رَادّْ يَاشْكْ. ‏14 نْتَّانْ أَرَايِّ إمْجّْدْ أَشْكُو رَادّْ إتَّامْژْ أَيْلِّي إݣَانْ وِنُو أَرْ أَوْنْتْ إتِّنِي. ‏15 كُولْ مَيْݣَانْ وِينْ بَابَا وِنُو أَيْݣَا،مَيَادْ أَفْ أَوْنْ نِّيخْ:رَادّْ إتَّامْژْ أَيْلِّي إݣَانْ وِنُو أَرْ أَوْنْتْ إتِّنِي.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.