لكنسة أرتاكا إويلي حتاجانين

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏6 هَانّْ يَانْ إشّحَانْ أَمُودْ إدْرُوسْ مَادْ مْݣّْرْنْ،يَانْ إسُّوݣْتْنْ أَمُودْ أَرْ تِّيݣُوتْ لْبَرَكَا لِّي يْمْݣّْرْ. ‏7 كُونْ يَانْ دْ أَيْلِّي إنْوَّا غْ وُولْ نْسْ إفْكْتْ،أَتّْ فْلاَّسْ أُورْ تّْݣْرَاژْ أُلاَ إݣَا فْلاَّسْ هَكَّاكْ.أَشْكُو رْبِّي يْعْزَّا دَارْسْ وَلِّي يَكَّانْ سْ لْفْرْحْ. ‏8 هَانّْ رْبِّي يْژْضَارْ أَفْلاَّوْنْ إسُّوݣْتْ كْرَيْݣَاتّْ لْبَرَكَا،أَبْدَّا دَرُونْ يِلِي أَيْلِّي كْنْ إقَّدَّانْ غْ كْرَيْݣَاتّْ تَغَوْسَا،إسُّوݣْتْ فْلاَّوْنْ كْرَا إفُلْكِينْ. ‏9 غْمْكْلِّي إتّْيُرَانْ:«أَرْ أَكَّانْ سْ تُوݣْتّْ إلْمْسَاكْنْ، صّْلاَحْ نْسْنْ دُومْنْ تِينْ وَبَدَانْ». ‏10 هَانّْ وَلِّي إجِّوْجَادْنْ إوْمْكْرَازْ أَمُودْ يِوْجَادْ أَغْرُومْ إمَتْشَا،رَا دَاوْنْ يِوْجَادْ أَمُودْ نُّونْ إسُّوݣْتّ،إسُّوݣْتْ تَيَفُوتْ نْ لْخِيرْ نُّونْ. ‏11 رَاكّْنْ إسّْغْنُو غْ كْرَيْݣَاتّْ تَغَوْسَا،تْݣْمْ وِيدْ بَهْرَا سْخَنِينْ أَدْ تّْشْكَارْنْ مْدّْنْ رْبِّي فْ تِكِّيتْ نُّونْ لِّي رَادْ أَسْنْ نَّوِي. ‏12 أَشْكُو لْمْعَاوْنْتْ أَدْ لِّي تْسّْمُونْمْ أُورْدْ إسْ كَا تْقّْنْ أَسْدْرْمْ إيَايْتْ رْبِّي لِّي فْلاَّسْ لْكْمْنِينْ،وَلاَيْنِّي حْتَّا رْبِّي أَرْتْ بَهْرَا فْلاَّسْ تّْشْكَارْنْ. ‏13 أَشْكُو إغْ ژْرَانْ لْمْعَاوْنْتْ أَدْ،رَادْ تّْمْجَّادْنْ رْبِّي فْ طَّاعْتْ نُّونْ إلِنْجِيلْ نْ لْمَسِيحْ دْ تُوݣَّا نُّونْ دْ سّْخَا لِّي سْ دِيدْسْنْ تْبْضَامْ أَيْلِّي دَرُونْ،تْبْضُومْتْ كُلُّو دْ وِيَّاضْ. ‏14 رَادْ أَوْنْ تّْدْعُونْ غْ طْژِلاَّ نْسْنْ تْعْزُّومْ بَهْرَا دَارْسْنْ فْ سِّبّْتْ نْ نّْعْمْتْ إݣُّوتْنْ لِّي أَوْنْ إفْكَا رْبِّي. ‏15 نْشْكْرْ إرْبِّي فْ تِكِّيتْ نْسْ لِّي أُورْ إلِينْ أَنَاوْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.