يسوع أرِسَوَال ف تارْيَّاسْتْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 غَكُدَانْ أَيْنْكْرْ يَسُوعْ أَرْ إسَوَالْ سْ إمْحْضَارْنْ نّْسْ دْ مْدّْنْ لِّينّْ مُونِّينْ. ‏2 إنَّايْسْنْ:«لْكْرْسِي لِّيغْ إݣَّاوْرْ مُوسَى أَغْ ݣَّاوْرْنْ إسْلْمَادْنْ نْ شّْرْعْ دْ إفَرِّيسِيْنْ، ‏3 كُولْ مَاسْ أَوْنْ نَّانْ أَسّْرْسْ تْسْكَارْمْ تَمْژْمْتْ أَرْ سْرْسْ تْسْكَارْمْ.وَلاَيْنِّي أَيْلِّي سْكَارْنْ أَتّْ أُورْ تْسْكَارْمْ،أَشْكُو أَرْ تِّنِينْ مَشّْ أُورْ أَسْكَارْنْ. ‏4 أَشْكُو أَرْ تَّاسّْنْ إسِتِّيتْنْ بَهْرَا ژْضَيْنِينْ لِّي مِي أُورْ إژْضَارْ يَانْ أَتّْنْ يَسِي،سْرْسْتْنْ فْ تْغْرَاضْ نْ مْدّْنْ،مَشّْ نْتّْنِي أُورِّينْ أَتّْنْ سْمُوسّْنْ حْتَّا سْ تْضَاتّْ نْسْنْ، ‏5 أَيْلِّي كُلُّو سْكَارْنْ أَرْتْ سْكَارْنْ فْ أَتّْنْ سْمُقُّولْنْ مْدّْنْ:أَرْ سّْمْغُورْنْ لْحْرُوزْ لِّي تَّاݣْلْنْ إيْݣْنْزِي نْسْنْ أَرْ سّْمْغُورْنْ تَمّْوِينْ نْ إقّْشْبَانْ نّْسْنْ، ‏6 أَرْ تِّرِينْ أَدْ أَمْژْنْ إدِيسْ إزْوَارْنْ غْ زّْرَادِي،أَمْژْنْتْ غْ إݣْرَاوْنْ، ‏7 إرِينْ أَدَاسْنْ تّْسُودُونّْ مْدّْنْ غْ لاَسْوَاقّْ،أَرَاسْنْ تِّنِينْ:سِيدِي،وَا سِيدِي! ‏8 وَلاَيْنِّي كْنِّي أَدْ أُورْ تْقّْبْلْمْ إيَّانْ أَدَاوْنْ إتِّنِي سِيدِي،أَشْكُو سِدِيتُونْ يَانْ أَيْݣَا،أَتّْ إݣَانْ دْ لْمَسِيحْ،كْنِّي هَانّْ أَيْتْمَاتْنْ أَكُّلُّو تْݣَامْ. ‏9 أَدْ أُورْ تَقّْرَامْ إيَّانْ سْ بَابَاتُونْ غْ إݣِّي نْ وَكَالْ،أَشْكُو بَابَاتُونْ يَانْ أَيْݣَا،أَتّْ إݣَانْ دْ وَلِّي إلاَّنْ غْ إݣْنْوَانْ. ‏10 أَدْ أُورْ تْقّْبْلْمْ إيَّانْ أَدَاوْنْ يَقّْرَا سْ أُسْلْمَادْ،أَشْكُو أَسْلْمَادْ نُّونْ يَانْ أَيْݣَا،أَتّْ إݣَانْ دْ لْمَسِيحْ. ‏11 أَيْݣْ أُمْغَارْ نُّونْ وَلِّيكْنْ إصْنِضِيفْنْ. ‏12 أَشْكُو كُولْ مَايْسِّيمْغُورْنْ إخْفْ نْسْ أَرْتْ إژِّمْژِيْ،دْ كُولْ مَايْژِّمْژِينْ إخْفْ نْسْ أَرْتْ إسِّمْغُورْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.