ماد سْكارن إِرْيَّاسْنْ عْدْلْنِين؟

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 أَرْ تّْضَلاَبْخْ إيْمْغَارْنْ لِّي لاَّنِينْ غْ ݣْرَتُونْ،نْكِّي لِّي إݣَانْ أَمْغَارْ زُونْدْ نْتّْنِي،ݣْخْ إنِݣِي فْ إنْݣَاژْنْ نْ لْمَسِيحْ،تِلِي دَرِي تْصْغَارْتْ غْ لْمَجْدْ لِّي رَادّْ إبَايّْنْ، ‏2 أَرَاسْنْ تِّنِيخْ:أَوِيَاتْسْتّْ غْ تُوّْرُوتْ نْ رْبِّي لِّي إلاَّنْ غْ ݣْرَتُونْ،تْضُوفْمْتّْ سْ غْمْكْلِّي إرَا رْبِّي،سْ لْخَاطْرْ نُّونْ أُورْدْ سْ هَكَّاكْ،إݣْكْنِينّْ سِّيعْرْ نْ تْوُّرِي أُورْدْ طّْمْعْ. ‏3 أَدْ أُورْ تّْصْلاَضْمْ فْ وِلِّي يْفْلْ رْبِّي غْ ݣْرْ إفَاسّْنْ نُّونْ،وَلاَيْنِّي زْݣُّورَاتْ إتُوّْرُوتْ سْ مَا إعْدْلْنْ. ‏4 إغْدْ يُضَا أُمْكْسَا مْقُّورْنْ رَا تَّامْژْمْ إسْنِي نْ لْمَجْدْ لِّي أُورْ إتّْبَلاَنْ. ‏5 غْمْكَانّْ دْ كْنِّي أَيْعْزْرِيْنْ،ضْعُيَاتْ إيْمْغَارْنْ تْكّْسْمْ تَضْنَّايْتْ غْ إخْفَاوْنْ نُّونْ،تْضْعُومْ إيْنْݣْرَتُونْ،أَشْكُو:«رْبِّي أَرْ إتْݣَّا ضِّيضّْ نْ وِلِّي كَبْرنِينْ أَرْ يَكَّا نّْعْمْتْ نْسْ إوِلِّي تّْوَضْعَنِينْ». ‏6 هْيَّ تّْوَضْعَايْتْ غْ دُّو أُفُوسْ نْ رْبِّي لِّيغْ إلاَّ لْجْهْدْ أَكّْنْ يَالّْ سْ أُفْلاَّ إغْ تْلْكْمْ لُوقّْتْ نْسْ، ‏7 لُوحَاتْنّْ كُلُّو فْلاَّسْ لْهْمّْ نُّونْ،أَشْكُو يِوِيتّْ ݣِيوْنْ. ‏8 دُيَاتْ تَوُّوزْمْ.أَشْكُو إبْلِيسْ لِّي إݣَانْ لْعْدُو أَرْ إتّْسُتُولْ أَرْ إنْدّْرْ زُونْدْ إزْمْ أَرْ إسِݣِّيلْ مَايْشْتَّا. ‏9 مَّغَّاتْ دِّيدْسْ تْزّݣَامْ غْ لِيمَانْ نُّونْ،تِّيسَّانْمْ إزْدْ زُونْدْ إنْݣَاژْنْ نَّا نِيتْ أَغْ لاَّنْ أَيْتْمَاتُونْ غْ دُّونِيتْ. ‏10 ولاَيْنِي إغْ تْزّْرِيمْ إنْݣَازْنْ أَدْ إمِيكّْ نْ تَسَّاعْتْ أَدْ،هَانّْ رْبِّي لِّي إݣَانْ بَابْ نْ كْرَيْݣَاتّْ نّْعْمْتْ،نْتَّانْ لِّي أَوْنْ إغْرَانْ سْ لْمَجْدْ نْسْ إدُومْنْ غْ لْمَسِيحْ،نْتَّانْ أَرَاكّْنْ إݣْ دْ وِيدْ كْمّْلْنِينْ،إزّْݣَاكْنْ،إسِّدْوَاسْكْنْ،إبْنُوكْنْ فْ لّْسَاسْ إصْحَانْ. ‏11 أَدَاسْ يِلِي لْمَجْدْ دْ لَحْكَامْ تِينْ وَبَدَانْ.آمِينْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.