ماد سْكارن إِرْيَّاسْنْ أُورْ عْدْلْنِين؟

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 إمْلِيِّيدْ رْبِّي سِدِيتْنْخْ أَوَالْ نْسْ أَرْ إتِّنِي: ‏2 «وَا يِوْسْ نْ آدَمْ كَاشْفْ فْ إمْكْسَاوْنّْ نْ أَيْتْ إسْرَائِيلْ،كَاشْفْ تِنِيتْ أَسْنْ:أَوَالْ نْ رْبِّي سِدِيتْنْخْ أَيَادْ إيّْمْكْسَاوْنْ:تْجْرَا غْ إمْكْسَاوْنْ نْ أَيْتْ إسْرَائِيلْ لِّيتّْ كَا إوِينِينْ غْ إخْفَاوْنْ نْسْنْ!إسْدْ أُورْ إقَّانْ إوْمْكْسَا أَيْكْسَّا تَوْرُّوتْ نّْسْ؟ ‏3 أَمَّا كْنِّي أَرْ تْشْتَّامْ تَادُونْتْ،أَرْ تْلْسَّامْ تَاضُوتْ أَرْ تْقّْرْسْمْ إ تَنَّا إجِّينْ،أُورَا تْكْسَّامْ تَوْرُّوتْ. ‏4 أُورَا تْسِّيدْوَاسْمْ وَنَّا إرْمِينْ،أُورَا تْجِّيجِّيمْ وَنَّا يُوضْنّْ،أُورَا تّْقّْنْمْ وَنَّا إرْزَانْ،أُورَادْ تّْرَارَامْ وَنَّا إجْلاَنْ،أُلاَ أَرْتْ تْسِݣِّيلْمْ،دْ إسْ فْلاَّسْنْ تْكَّامْ سْ تْكْرَّايْتْ دْ تْمَّرَا. ‏5 تْمّْزْرْ إلْمَّا تَوْرُّوتْ بْلاَنّْ أُمْكْسَا أَيْلِّيغْ تْݣَا تِرْمْتْ إلَوْحَاشْ كُلُّو. ‏6 جْلاَنْتْ أُولِّي إنُو غْ كْرَيْݣَاتّْ أَدْرَارْ،دْ كْرَيْݣَاتّْ أَوْرِيرْ يَاتُّويْنْ،مّْزْرْنْتْ فْ إݣِّي نْ وَكَالْ كُلُّوتْ.أُورْ إلِّي مَاݣِّيسْنْتْ إسْقْسَانْ أُلاَ مَاتّْنْتْ إسِݣِّيلْنْ. ‏7 «مَيَانْ أَفْ رَادْ تْسّْفْلْدْمْ إ وَوَالْ نْ رْبِّي أَيْمْكْسَاوْنْ: ‏8 أَرْ إتِّنِي رْبِّي سِدِيتْنْخْ لِّي إݣَانْ بَابْ نْخْ:ݣُّولّْخْ سْ دَّاتْ إنُو،لِّيغْ لاَّنْتْ أُولِّي إنُو بْلاَنّْ أُمْكْسَا أَرْ تّْيَكَارْنْتّْ ݣْنْتْ تِرْمْتْ إ كُولْ مَايْݣَانْ لُوحْشْ.أَورَا سْقْسَانْ إمْكْسَاوْنْ إنُو غْ أُولِّي إنُو دْ إسْ كْسَانْ إمْكْسَاوْنْ إخْفَاوْنْ نْسْنْ،أُورْ كْسِينْ أُولِّي إنُو، ‏9 مَيَانْ أَفْ رَادْ تْسّْفْلْدْمْ أَيْمْكْسَاوْنْ إ وَوَالْ نْ رْبِّي: ‏10 هَانّْ أَوَالْ نْ رْبِّي سِدِيتْنْخْ لِّي إݣَانْ بَابْ نْخْ أَدْ:نْكِّي ݣِيخْ ضِّيضّْ نْ إمْكْسَاوْنْ أَرْ ݣِيسْنْ سِݣِّيلْخْ أُولِّي إنُو،كِّيسْخْ أَسْنْ تَيْسَّا نْسْنْتْ،أُورْ سُولْ أَدْ كْسَّانْ إخْفَاوْنْ نْسْنْ،رَادْ جّْنْجْمْخْ أُولِّي إنُو غْ إمَاوْنْ نْسْنْ أَيْسْنْ سُولْ أُورْ ݣِينْتْ تِرَامْ. ‏11 إنَّادْ رْبِّي سِدِيتْنْخْ لِّي إݣَانْ بَابْ نْخْ:رَادْ سْقْسَاخْ غْ أُولِّي إنُو أَوِيغْتّْ ݣِيسْنْتْ. ‏12 مْكْلِّي تِتَّاوِي أُمْكْسَا غْ أُولِّي نْسْ لِّي مْزْرْنِينْ إغْ إلاَّ غْ ݣْرَاتْسْنْتْ،أَسْتّْ ݣِيسْنْتْ أَوِيخْ جّْنْجْمْخْتْنْدْ غْ كْرَيْݣَاتّْ مَانِي لِّيغْ مْزْرْنّْتْ أَسّْ نْ تِلاَّسْ دْ تْمْدْلُوتْ. ‏13 سُّوفْغْتّْنْدْ غْ ݣْرْ تْمْتّْوِينْ سْمُونْخْتْنْدْ غْ تْمِزَارْ سْ تْمَزِيرْتْ نْسْنْتْ،كّْسْخْنْتْ غْ إدْرَارْنْ نْ إسْرَائِيلْ دْ إسَافّْنْ نْ كُولْ مَانِي إتَّاوْزْدَاغْنْ. ‏14 أَرْتْنْتْ كْسَّاخْ غْ إسْكْسَا فُولْكِينِينْ،سُونْفُونْتْ فْ إݣِّي نْ إدْرَارْنْ أَتُّويْنِينْ نْ إسْرَائِيلْ.غِينّْ أَغْ رَادْ كْلاَّنْتْ سُونْفُونْتْ ݣِيسْ،أَرْ كْسَّانْتْ غْ إسْكْسَا بُوغْلاَنِينْ فْ إݣِّي نْ إدْرَارْنْ نْ إسْرَائِيلْ. ‏15 أَرْ دَاخْ إتِّنِي رْبِّي سِدِيتْنْخْ لِّي إݣَانْ بَابْ نْخْ:نْكِّينْ أَرَا إكْسَّا أُولِّي إنُو ݣَابْلْخْتْنْتْ. ‏16 أَدْ سِݣِّيلْخْ وَنَّا إجْلاَنْ،رَارْخْدْ وَلِّي إنْݣَرَانْ دْ تُوْرُوتْ،قّْنْخْ وَلِّي إرْزَانْ،سِّيدْوَاسْخْ وَلِّي إرْمِينْ،سْحْيّْدْخْ وَلِّي إقْوَّانْ دْ وَلِّي إجِّينْ،أَرْ كْسَّاخْ سْ لْحَقّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.