يسوع أيْݣَان أمْكْسا إصْلْحْنْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 «لْحَقّْ دْ صَّاحْتْ أَدَاوْنْ تِّنِيخْ:هَانّْ يَانْ إفَّالْنْ إمِي نْ تْݣْرُورْتْ نْ وُلِّي أَرْدْ سْرْسْ يَقّلاَيْ غْ مَنِي يَضْنِينْ،إمِيكْرْ دْ أُمْخَّارْ أَيْݣَا. ‏2 أَمَّا وَلِّيدْ إكْشّمْنْ غْ إمِي نْ تْݣْرُورْتْ،غْوَانّْ أَيْݣَانْ أَمْكْسَا نْ وُلِّي. ‏3 نْتَّانْ أَمِ إتّنُورْژُومْ وَضَافْ تِفْلُوتْ أَرْ سّْفْلِيدْنْتْ وُلِّي إوَوَالْ نْسْ.أَرْ يَقّْرَا إوُلِّي لِّي ݣَنِينْ تِينْسْ سْ إسْمَاوْنْ نْسْنْتْ إسُّوفْغْتْنْتْ. ‏4 إغْدْ إسُّوفْغْ أُولِّي لِّي ݣَنِينْ تِينْسْ،أَرْ أَسْنْتْ إزْݣُّورْ ضْفُورْنْتّْ أَشْكُو سّْنّْتْ أَوَالْ نْسْ. ‏5 وَلاَيْنِّي وَلِّي إݣَانْ أَبْرَّانِيْ أُورَّاتّْ ضّْفُورْنْتْ،إسْ أَݣِّيسْ رْݣّلْنْتْ أَشْكُو أُورْ سّْنّْتْ أَوَالْ نْ أُوْبْرَّانِيْ». ‏6 لْمْعْنَا أَدْ إنَّايْسْنْتْ يَسُوعْ،وَلاَيْنِّي نْتّْنِي أُورْ فْهْمْنْ مَاسْ أَيْسْنْ إتِّنِي. ‏7 إنَّايْسْنْ دَاخْ يَسُوعْ:«لْحَقّْ دْ صَّاحْتْ أَدَاوْنْ تِّنِيخْ:نْكِّينْ أَيْݣَانْ إمِي لِّيغْ أَكْشّمْنْتْ وُلِّي. ‏8 كُلُّو غْوِلِّييِّيدْ زْوَرْنِينْ إمَاكْرْنْ دْ إمْخَّارْنْ أَدْ ݣَانْ،وَلاَيْنِّي أُولِّي أُورْ سْرْسْنْ سّْفْلْدْنْتْ. ‏9 نْكِّينْ أَيْݣَانْ إمِي،وَنَّا ݣِي إكْشْمْنْ رَايْنْجْمْ أَرْ إكْشّْمْ أَرْ إتّْفُّوغْ أَرْ إتَّفَا مَاغْ إفّْرْدْ. ‏10 إمِيكْرْ أُورَادْ إتَّاشْكَا بْلاَ فْ أَيْتَّاكْرْ أَرْ إقّْرْصْ أَرْ إنْقَّا،أَمَّا نْكِّينْ أُشْكِيخْدْ فْ أَدَّارْسْنْ تِلِي تُودْرْتْ،تْݣْ تُودْرْتْ أَدْ تَادْ إكْمّْلْنْ. ‏11 نْكِّينْ أَيْݣَانْ أَمْكْسَا إصْلْحْنْ،أَمْكْسَا إصْلْحْنْ أَرْنّْ إتْݣَّا إخْفْ نْسْ إمّْتْ فْ وُلِّي نْسْ. ‏12 أَمَّا وَلِّي إݣَانْ أَمْكْسَا نْ لْكْرِي،أُورْ إݣِي أَمْكْسَا لِّي مِي ݣَانْتْ وُلِّي تِينْسْ،إغْنّ إژْرَا أُوشّْنْ يُشْكَادْ أَرْ إفَّالْ أُولِّي إرْوْلْ يَامْژْ أُوشّْنْ أُولِّي لِّي يْفْتّْسْتْنْتْ. ‏13 أَمْكْسَا أَدْ أَرْ إرْݣُّلْ أَشْكُو أُورْ إݣِي أَبْلاَ وِينْ لْكْرِي،أُورَاتّْ إتَّوِي غْ وُلِّي. ‏14 وَلاَيْنِّي هَانّْ نْكِّينْ أَيْݣَانْ أَمْكْسَا إصْلْحْنْ،سّْنْخْ أُولِّي نُو إسَّانّْتِيِّي وُلِّي نُو. ‏15 غْمْكْلِّيِّي إسّْنْ بَابَا أَدْ سّْنْخْ أُلاَ نْكِّينْ بَابَا.نْكِّي جْلِيخْ تُودْرْتْ إنُو فْ وُلِّي نُو. ‏16 لاَّنْتْ دَّرِي وُلِّي يَضْنِينْ أُورْ ݣِينْتْ غْ تْݣْرُورْتْ أَدْ،إلاَّ فْلِّي أَتّْنْدْ أَوِيخْ أُلاَ نْتّْنْتِي أَدْ سّْفْلْدْنْتْ إوَوَالْ إنُو أَدْ ݣْنْتْ يَاتْ تُّوّرُوتْ طَّافْنْتْ يَانْ أُمْكْسَا. ‏17 نْكِّي عْزِّيخْ دَارْ بَابَا أَشْكُو سْبّلْخْ تُودْرْتْ إنُو أَسْتِّيدّ دَاخْ رَارْخْ. ‏18 أُورْ إلِّي مَارَايِّ إكّْسْ تُودْرْتْ إنُو،وَلاَيْنِّي لْخَاطْرْ إنُو أَسْ رَاسْتّْ سْبّلْخْ.أَشْكُو إلاَّ دَرِي لاَدْنْ أَسْتّْ سْبّلْخْ،يِلِي دَرِي لاَدْنْ أَسْتِّيدْ دَاخْ رَارْخْ.مَيَادْ أَفِيِّ يُصَّا بَابَا أَتّْ سْكْرْخْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.