تودرت ن تضحية

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 أَرْݣِيوْنْ تّْضَلاَبْخْ أَيَيْتْمَا فْ سِّبّْتْ نْ رّْحْمْتْ نْ رْبِّي أَدَاسْ تْفْكْمْ إخْفَاوْنْ نُّونْ زُونْدْ تِغْرْصِي إدّْرْنْ إغُوسْنْ لِّي فْ إرْضَا،غْمْكَادْ أَيْلِيقّْنْ أَسّْرْسْ تّْعْبَادْمْ. ‏2 أَدْ أُورْ تْݣْمْ زُونْدْ أَيْتْ دُّونِيتْ أَدْ،وَلاَيْنِّي ݣَاتْ وِيَّاضْ تْسْبَادْلْمْ إسْوِنْݣِيمْنْ نُّونْ،فْ أَتِّسَّانْمْ أَيْلِّي إرَا رْبِّي أَتّْ إݣَانْ دْ أَيْلِّي إصْلْحْنْ إرْضُو فْلاَّسْ إݣْ وَادْ إكْمّْلْنْ. ‏3 فْ سِّبّْتْ نْ نّْعْمْتْ لِّيِّ إفْكَا رْبِّي،أَرْ تُّصُّوخْ كْرَيْݣَاتّْ يَانْ ݣِتُونْ:أَنّْ أُورْ إݣْ إخْفْ نْسْ غْ إلِّي أُورْ إلْكْمْ،وَلاَيْنِّي أَيْسْوِنْݣِيمْ سْ لَعْقّْلْ نْسْ،سْ أُنْشْكْلِّي أَسْ إفْكَا رْبِّي نْ لِيمَانْ. ‏4 أَشْكُو غْمْكْلِّي دَارْنْخْ لاَّنْ تُوݣْتّْ نْ لَجْوَارِحْ غْ يَاتْ دَّاتْ،وَلاَيْنِّي لَجْوَارِحْ أَدْ أُورْ كُلُّو طَّافْنْ يَاتْ تْوُّرِي، ‏5 غْمْكَانّْ دْ نْكّْنِي مْقَّارْ نْݣُّوتْ:يَاتْ دَّاتْ أَنْݣَا غْ لْمَسِيحْ،نْݣْ لَجْوَارِحْ نْ إنْݣْرَاتْنْخْ،كْرَيْݣَاتّْ يَانْ إلْكْمْ فْ وَيَّاضْ. ‏6 وَلاَيْنِّي أُورْ كُلُّو نْݣِي يَانْ غْ تِكِّي لِّي أَخْ إفْكَا رْبِّي سْ نّْعْمْتْ نْسْ:يَانْ مِي إفْكَا أَيْسَوَالْ سْ أَيْلِّي أَسْ إسّْعْلْمْ أَرْ سْرْسْ إسَوَالْ سْ أَيْلِّي دَارْسْ نْ لِيمَانْ، ‏7 يَانْ مِي إفْكَا أَيْصْنِضِيفْ وِيَّاضْ يَوِيتّْ غْ لْخْدْمْتْ نْسْ،يَانْ مِي إفْكَا أَيْسّْلْمَادْ يَوِيتّْ غْ أُلْمُودْ، ‏8 يَانْ مِي إفْكَا أَيْزّْعَامْ وِيَّاضْ يَوِيتّْ غْ أَتّْنْ إزّْعَامْ،يَانْ مِي إفْكَا أَيْسْكَارْ أَفُولْكِي إسْخُو إغْتْ إسْكْرْ،يَانْ مِي إفْكَا أَيْݣْ أَمَزَّالْ إݣْنّْ صَّاحْتْ،يَانْ مِي إفْكَا أَيْتْحْنُّو غْ وِيَّاضْ أَرْݣِيسْنْ إتْحْنُّو سْ لْفْرْحْ. ‏9 تَايّْرِي أَݣِّيسْ أُورْ يِلِي نِّفَاقّْ.حَشَايْتْ ݣَارْ، تّْغِيمْ غْ مَا إعْدْلْنْ. ‏10 إرِيَاتْ إنْݣْرَتُونْ تَايّْرِي نْ تَݣْمَاتّْ،أَرْ تْزْݣُّورْمْ إسْ تْݣَامْ لُوقّْرْ فْ إنْݣْرَتُونْ. ‏11 ݣَاتْنّْ صَّاحْتْ سْ تْوُّرِي نُّونْ أَݣِّيوْنْ أُورْ إلِينْتْ لْخُيْنَاتْ،تْعْمّْرْمْ سْ رُّوحْ أَرْ تْسْكَارْمْ تَوُّرِي نْ سِيدِيتْنْخْ، ‏12 فْرْحَاتْ فْ رّْجَا لِّي دَرُونْ،تْصْبْرمْ غْ تَسَّاسْتْ،أَرْ بْدَّا طّْژَلاَّمْ، ‏13 تَّوْسَاتْ إيَيْتْمَاتُونْ إمُومْنّْ لِّي فْلاَّوْنْ لْكْمْنِينْ،أَرْ تْسْمْرْحْبَامْ سْ إمْزَّانْ غْ تْݣْمَّا نُّونْ. ‏14 تّْدْعُيَاتْ سْ لْبَرَكَا إوِلِّي كُنْ سْرْفُفُونِّينْ.تّْدْعُيَاتْ سْ لْبَرَكَا أُورْدْ سْ ݣَارْ. ‏15 فْرْحَاتْ دْ وِلِّي فْرْحْنِينْ أَرْ تَلاَّمْ دْ وِلِّي أَلاَّنِينْ. ‏16 ݣَاتْ يَانْ أَرْ تَّاوْسْمْ إيّْنْݣْرَتُونْ،أَدْ أُورْ تْسِݣِّيلْمْ تِمُّغْرَا،تّْمُنَاتْ دْ وِلِّي تّْيَوْحْݣَرْنِينْ.أَدْ أُورْ تْݣْمْ وِيدْ فْهْمْنِينْ دَارْ إخْفَاوْنْ نُّونْ. ‏17 أَدْ أُورْ تّْرَرَامْ ݣَارْ سْ وَيَّاضْ.مَّغَاتْ فْ مَا إعْدْلْنْ غْ لْݣْدَّامْ نْ مْدّْنْ كُلُّوتْنْ. ‏18 سْكَرَاتْ أَيْنَّا مِي تُفَامْ أَتِّلِيمْ غْ لْهْنَا دْ مْدّْنْ كُلُّوتْنْ. ‏19 أَدْ أُورْ تَّامْژْمْ أَيَيْتْمَا لْحَقّْ سْ أُفُوسْ نُّونْ،وَلاَيْنِّي أَجَّاتْ مَيَانّْ إلْغَضَبْ نْ رْبِّي،أَشْكُو إتّْيُرَا إسْ إنَّا رْبِّي:«نْكِّي أَيْتَّامْژْنْ لْحَقّْ،نْكِّينْ أَيْفْرُّونْ. ‏20 إغْ يَاغْ لاَژّْ لْعْدُو نْكْ تْفْكْتْ أَسْ أَيْشّْ.إغْتْ يَاغْ فَادْ تْفْكْتْ أَسْ أَيْسُو.أَشْكُو إغْ تْسْكْرْتْ مَيَادْ زُونْدْ إغْدْ تْسْمُونْتْ تِرْݣِينْ رْغَنِينْ فْ إݣِّي نْ إخْفْ نْسْ». ‏21 أَفْلاَّكْ أُورْ إكّْ ݣَارْ وَلاَيْنِّي كّْ فْ ݣَارْ سْ وَفُولْكِي.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك لقادة؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.