إمحضارن أر تْدُّونْ أد مْݣْرْنْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏35 إفْكْ يَسُوعْ إلْمْدَايْنْ كُلُّوتْنْتْ دْ لَمْوَضِيعْ،أَرْ إسّْلْمَادْ غْ إݣْرَاوْنْ نّْسْنْ أَرْ إتّْبْشَّارْ سْ لِنْجِيلْ نْ تْݣْلْدِيتْ،أَرْ إجِجِّيْ كْرَيْݣَاتّْ أَطَّانْ دْ كْرَيْݣَاتّْ لْهْرْشَانْ. ‏36 أَرْ إتَّنَّايْ مْدّْنْ لِّينّْ مُونِّينْ إحْنُّو ݣِيسْنْ،أَشْكُو رْفُوفْنّْ رْمِينْ زُونْدْ أُولِّي لِّي دَارْ أُورْ إلِّي أُمْكْسَا. ‏37 غَكُدَانّْ أَيْسْنْ إنَّا إيّْمْحْضَارْنْ نْسْ:«تْݣُّوتْ تْمْݣْرَا،إدْرَاسْنْ إشْوَّالْنْ، ‏38 ضَلْبَاتْ إبَابْ نْ تْمْݣْرَا أَدّْ إصْرْفْ إشْوَّالْنْ إتْمْݣْرَا نْسْ». 1 إنْكْرْ يَسُوعْ إغْرْ إسِينْ دْ مْرَاوْ نْ أُمْحْضَارْ لِّي نْسْ،إفْكَاسْنْ لْجْهْدْ مَاسْ سُّفُوغْنْ لْجْنُونْ غْ مْدّْنْ،جِجِّينْ كْرَيْݣَاتّْ تَمَضُونْتْ دْ لْهْرْشْ لِّي ݣِيسْنْ إلاَّنْ.

‏5 سِينْ دْ مْرَاوْ أَدْ نْ أُرْقَّاصْ أَيُّوزْنْ يَسُوعْ يُصُّوتْنْ إنَّايْسْنْ:«أَدْ أُورْ تَامْژْمْ كْرَا نْ أُغَرَاسْ سْ دَارْ لْݣْنُوسْ،أُلاَ تْكْشْمّْ سْ كْرَا نْ تْمَزِيرْتْ نْ أَيْتْ سَّامِرَة. ‏6 وَلاَيْنِّي أَسْ تْدَّامْ دَّارْ إلْقَّاغْنْ نْ أَيْتْ تْݣْمِّي نْ إسْرَائِيلْ لِّي جْلاَنِينْ. ‏7 إغْ تْكَّامْ أَغَرَاسْ أَرْ تّْبْشَّارْمْ أَرْ تِّنِيمْ:هَانّْ تَكْمُورْدْ تْݣْلْدِيتْ نْ إݣْنْوَانْ. ‏8 جِجِّيَاتْ إمُضَانْ،تْسّغُوسْمْ إنْجْدَامْنْ.تْسّنْكْرْمْدْ إمْتِّيتْنْ.تْسُّوفْغْمْ لْجْنُونْ غْ مْدّْنْ.تُومْژْمْ فْ رْبِّي،أَكَّايْتْ فْ رْبِّي. ‏9 أَدِّيدُونْ أُورْ تَسِيمْ إقَّرِيضْنْ نْ أُورْغْ أُلاَ وِينْ نّْقْرْتْ أُلاَ وِينْ وَنَاسْ غْ إقّْرْبَانْ نُّونْ، ‏10 أُلاَ تُوسِيمْ تَوْلْكْتْ نْ لْعْوِينْ إوْغَرَاسْ،أُلاَ تِيسّْ سْنَاتْ تْمْلْسَا،أُلاَ تُورْژِيِّينْ أُلاَ أَكُرَايْ،أَشْكُو أَخْدَّامْ إرُرَادْ مَتْشَا نْسْ. ‏11 تَمْدِينْتْ نْغْدّْ لْمُوضْعْ نَّا سْ تْكْشْمّْ،تْسِݣّْلْمْ ݣِيسْ مَانْوَا إسْتَهْلاَّنْ،تِلِيمْ دَارْسْ أَرْكِيغْ تّْفُّوغْمْ غِّينّْ. ‏12 إغْنّْ تْكْشْمّْ سْ تْݣْمِّي نْسْ،تْسْلّْمّْ فْلاَّسْ، ‏13 إغْ نِيتْ سْتَهْلاَّنْ أَيْتْ تْݣْمِّي أَنّْ سّْلاَمْ نُّونْ يِلِي فْلاَّسْنْ.إغْتْ أُورْ سْتَهْلاَّنْ،يَضُو يَاوْنْدْ سّْلاَمْ نُّونْ. ‏14 إغْ سْرُونْ أُورْ إسْمْرْحْبَا كْرَا نْ يَانْ أُلاَ إسّْفْلْدْ إوَوَالْ نُّونْ غْ تْݣْمِّي أَنّْ نْغْدّْ غْ تْمْدِينْتْ أَنّْ،فّْغَادّْ غِّينّْ،تْسُّوسّْمْ أَكْضْرُورْ لِّيدْ أُسِينْ إضَارّْنْ نُّونْ. ‏15 لْحَقّْ أَدَاوْنْ تِّنِيخْ:رَا سُّولْ يِفْسَاسْ لْعِقَّابْ نْ تْمْدِينْتْ نْ سَدُومْ دْ عَمُّورَة غْ وَاسّْ إݣّْرَانْ فْ وِينْ تْمْدِينْتْ نَّا. ‏16 هَيِّ رَاكُّنْ أَزْنْخْ زُونْدْ إلْقَّاغْنْ غْ ݣْرْ أُوشَّانّ،ݣَاتْ زُونْدْ إلْݣْمَاضْنْ غْ لْحْرْشَانْ،تْݣْمْ أَيْتْ لْهْنَا زُونْدْ إتْبِيرْنْ. ‏17 وَلاَيْنِّي إلِيَاتْنّْ دْ مْدّْنْ،هَانّْ رَاكُّنْ أَوِينْ سْ لْمْحْكْمَاتْ،شّنَاوْنْ أَكُرَايْ غْ إݣْرَاوْنْ نّْسْنْ. ‏18 أَوِينْكُنْ سْ لْݣْدَّامْ نْ لْحْكَّامْ دْ إݣْلْدَانْ فْ سِّبّْتْ إنُو،أَدَاسْنْ فْلِّي تْفْكْمْ تُݣَّا تْفْكْمْتْنْتْ إلْݣْنُوسْ. ‏19 وَلاَيْنِّي إغْكُنْ أُومْژْنْ أَدْ أُورْ تَسِيمْ لْهْمّْ إمَرَايْسْنْ تِّنِيمْ دْ مَامْنْكْ أَسْ رَايْسْنْتْ تِّنِيمْ،أَشْكُو رَدَاوْنْ إتّْفْكْ غْ تِزِي أَنّْ مَاسْ أَيْسْنْ تِّنِيمْ. ‏20 أَشْكُو أُورْدْ كْنِّي أَسُّولْ إسَوَالْنْ،وَلاَيْنِّي رُّوحْ نْ بَابَاتُونْ أَرَادّْ ݣِيوْنْ إسَوَالْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.