إمحضارن أرْ تّْبْعَان جّْهْدْ لمسيح

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 يَانْ وَاسّْ يِوْنْ بُطْرُسْ دْ يُوحَنَّا سْ لْهَيْكَلْ أَدّْ ژَّالّْنْ طَژَلِّيتْ نْ تَسَّاعْتْ تِيسّْ كْرَاطّْ غْ تْدْݣَّاتْ. ‏2 يِلِي غِّينّْ غْ إمِي نْ لْهَيْكَلْ لِّي مِي تِّنِينْ «إمِي إفُلْكِينْ»،يَانْ أُرْݣَازْ إكُوشْمْ غْمْنْ لِّيغْدْ إلُولْ.أَرْتِيدْ تَّسِينْ كْرَيْݣَاتّْ أَسّْ أَرْتْ سّْرُوسْنْ غِّينّْ فْ أَيْتّْمّْتْرَا دَارْ وِلِّي كْشّْمْنِينْ سْ لْهَيْكَلْ. ‏3 لِّيغْ إژْرَا أُرْݣَازْ أَنّْ بُطْرُسْ دْ يُوحَنَّا رَانْ أَدْ كْشْمْنْ سْ لْهَيْكَلْ إضَالْبْ أَسْنْ صَّدَقَا. ‏4 إقْزّْ ݣِيسْ بُطْرُسْ دْ يُوحَنَّا،إسَاوْلْ سْرْسْ بُطْرُسْ إنَّايْسْ:«سْمُوقّْلْ ݣِينْخْ!» ‏5 إسْمُوقّْلْ ݣِيسْنْ أَرْ إتّْقّْلْ أَدَاسْ فْكْنْ كْرَا. ‏6 إنَّايْسْ بُطْرُسْ:«أُورْ دَرِي أُورْغْ أُلاَ نّْقْرْتْ،وَلاَيْنِّي أَيْلِّي دَرِي رَادْ أَكْتْ فْكْخْ:سْ إسْمْ نْ يَسُوعْ لْمَسِيحْ أُو نَّاصِرَة نِكْرْ أَرْ تِّدُوتْ!» ‏7 يَامْژْتْ غْ أُفُوسْ أَفَاسِيْ إسّْنْكْرْتْ،يِلِيدْ نِيتْ لْجْهْدْ غْ إضَارّْنْ نْسْ دْ تِوْجّْرَارْ نْسْ غْ تَسَّاعْتْ أَنّْ، ‏8 إنْتّْݣْ إبْدّْ أَرْ إتِّدُو،إكْشْمْ نِيتْ دِّيدْسْنْ سْ لْهَيْكَلْ أَرْ إزِّݣِيزْ أَرْ إنْطّْرْ سْ لْفْرْحْ،أَرْ إتّْسْبَّاحْ إرْبِّي. ‏9 ژْرْنْتْ كُلُّو مْدّْنْ لِّيغْ أَيْزِّݣِيزْ أَرْ إتّْسْبَّاحْ إرْبِّي، ‏10 أَكْزْنْتْ إسَّانّْ إزْدْ أَيْݣَا دْ غْوَلِّي سْتِّينْ إكَّانْ أَرْ إتّْݣَوَارْ أَرْ إتّْضَلاَبْ صَّدَقَا غْ إمِي نْ لْهَيْكَلْ لِّي مِي تِّنِينْ:«إمِي إفُلْكِينْ»،تْلْفْنْ أَرْ تَّعْجَابْنْ غْ أَيْلِّي أَسْ إجْرَانْ.

‏6 زْݣْرْنْ كُلُّو تِݣْزِيرْتْ لِّي لْكْمْنْنّْ بَافُوسْ،أَفْنِينّْ ݣِيسْ يَانْ أُدَايْ إݣَا أَسْحَّارْ إݣْ نّْبِي نْ ژُّورْ إسْمْ نْسْ بَارْيَشُوعْ، ‏7 إݣْ يَانْ غْ وِلِّينّْ وَلَنِينْ سَرْجِيُوسْ بُولُسْ لِّي إݣَانْ لْحَاكْمْ نْ تْمَزِيرْتْ أَنّْ.إݣْ لْحَاكْمْ أَدْ يَانْ أُرْݣَازْ إفْهْمْنْ.إغْرْدْ إبَرْنَابَا دْ شَاوُلْ إضَالْبْ أَسْنْ أَدَاسْ سَوَالْنْ فْ وَوَالْ نْ رْبِّي. ‏8 وَلاَيْنِّي أَسْحَّارْ أَنّْ لِّي إݣَانْ سْ إسْمْ إلِيمَاسْ سْ وَوَالْ نْ أَيْتْ لْيُونَانْ،إكَّايْسْنْدْ لْݣْدَّامْ إمَّاغْ أَيْسّْخْصْرْ لْحَاكْمْ لِّي أَدْ أُورْ يَامْنْ. ‏9 أَمَّا شَاوُلْ لِّي إݣَانْ سْ إسْمْ يَاضْنْ بُولُسْ،إعْمّْرْ سْ رُّوحْ لْقُدُسْ إسْمُوقّْلْ غْ أُسْحَّارْ لِّي ‏10 إنَّايْسْ:«أَوَلِّي إعْمّْرْنْ سْ لْغْشّْ دْ ݣَارْ!أَيِوْسْ نْ إبْلِيسْ،أَلْعْدُو نْ كُولْ مَا إصْلْحْنْ!إزْدْ أُورْ تَاكْ أَكّْ يِوْدِي غْ أَتْسْمُرِّيْتْ إغَرَاسْنْ نْ رْبِّي لِّي نِيتْ نْݣَدَّنِينْ؟ ‏11 غِلاَدْ رَاكّْ يُوتْ رْبِّي سْ أُفُوسْ نْسْ،رَاتّْݣْتْ أَبُكَاضْ تْكّْتْ كْرَا أُسُولْ رَادْ تَّنَّايْتْ تَفُوكْتْ».تِزِي أَنّْ نِيتْ أَغْدْ فْلاَّسْ تْضْرْ كْرَا نْ تْمْدْلّْسْتْ،إنْكْرْ نِيتْ أَرْ إسْدْلُفُو أَرْ إسِݣِّيلْ سْ مَادْ أَسْ إتَّامْژْنْ أَفُوسْ. ‏12 لِّيغْ إژْرَا لْحَاكْمْ أَيْلِّي إجْرَانْ،يَامْنْ أَرْ إتّْعْجَّابْ غْ وَوَالْ لِّي مُو إسّْفْلْدْ فْ سِيدِيتْنْخْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.