إمحضارن أر تْكِّيسْن أقّْبُور لْسْنْ أمايْنو

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 لِّيغْدْ تْنْكْرْمْ سْ تُودْرْتْ دْ لْمَسِيحْ،مَّغَاتْ فْ أَيْلِّي إݣَانْ وِينْ إݣْنْوَانْ،غِلِّيغْ إݣَّاوْرْ لْمَسِيحْ غْ أُفَاسِيْ نْ رْبِّي. ‏2 أَوِيَاتْسْتّْ غْ أَيْلِّي إݣَانْ وِينْ إݣْنْوَانْ أُورْدْ أَيْلِّي إݣَانْ وِينْ وَكَالْ، ‏3 أَشْكُو تْمُّوتْمْ تْسْتْرْ تُودْرْتْ نُّونْ دْ لْمَسِيحْ غْ رْبِّي. ‏4 إغْدْ إبَايّْنْ لْمَسِيحْ لِّي إݣَانْ تُودْرْتْ نُّونْ،رَادّْ دِيدْسْ تْبَايّنْمْ أُلاَ كْنِّي غْ لْمَجْدْ نْسْ. ‏5 هْيَّ نْغَاتْ أَيْلِّي ݣِيوْنْ إݣَانْ وِينْ وَكَالْ:غْ زّْنَا،دْ كُولْ مَايْلّْسْنْ،دْ ݣَارْ إسْوِنْݣِيمْنْ،دْ ݣَارْ شَّهَوَاتْ،دْ طّْمْعْ لِّي إݣَانْ غْ لْعِبَدَا نْ لَصْنَامْ، ‏6 أَشْكُو زُونْدْ خْتِّيدْ أَدّْ إتَّوِينْ لْغَضَبْ نْ رْبِّي أَرْدْ إضْرْ فْ وِلِّي عْصَانِينْ، ‏7 تْكَّمْتِّينْ أُلاَ كْنِّي لِّيغْ ݣِيسْنْ تْݣَامْ غَادْ إزْرِينْ أَرْتْسْكَارْمْ مَيَادْ. ‏8 وَلاَيْنِّي غِلاَدْ كّْسَاتْ ݣِيوْنْ:إرِييّْنْ،دْ لْمْحَشِيْتْ،دْ شّْقِّيْتْ،دْ تْرْݣَّامْ،دْ ݣَارْ أَوَالْ. ‏9 أَدْ أُورْ تْسْكْرْكِيسْمْ فْ إنْݣْرَتُونْ،أَشْكُو تْكّْسْمْ ݣِيوْنْ ݣَارْ صِّفَاتْ قّْدْمْنِينْ لِّي تْسْكَارْمْ غَادْ إزْرِينْ، ‏10 تْلْسِيمْ لَفْعَالْ نْ لْجْدِيدْ لِّي ݣِيوْنْ إخْلْقّْ رْبِّي أَرْ ݣِيوْنْ تّْزَيَّادْنْ سْ تُسّْنَا نْسْ أَرْكِيغْ دَرُونْ صِّفَاتْ نْسْ، ‏11 نْتَّانْ أُورْ ݣِيسْ غْوَادْ إݣَا أُولْيُونَانْ غْوَادْ إݣَا أُودَايْ،غْوَادْ إخْتْنْ غْوَادْ أُورْ إخْتْنْ،نْغْدّْ غْوَادْ إݣَا أُتْمَزِيرْتْ أَدْ غْوَادْ إݣَا أُتْمَزِيرْتْ أَنّْ،أُلاَ غْوَادْ إݣَا إسْمْݣْ غْوَادْ إدّْرْفْ،وَلاَيْنِّي لْمَسِيحْ أَيْݣَانْ كْرَيْݣَاتّْ يِلِي غْ كْرَيْݣَاتّْ. ‏12 هْيَّ كْنِّي لِّي يْسْتِي رْبِّي أَتّْݣْمْ وِينْسْ تْعْزُّومْ دَارْسْ،لْسَاتْ لْحْنَانْتْ،دْ وَفُولْكِي،دْ أُنُّوزْ،دْ لْخَاطْرْ،دْ صّْبْرْ، ‏13 تّْصْبَرَاتْ إيّْنْݣْرَتُونْ،أَرْ تّْصَمَاحْمْ إيّْنْݣْرَتُونْ،إغْ إلاَّ مَݣِّيوْنْ إتَّشّْكَّانْ فْ وَيَّاضْ، إصَامْحْ أَسْ غْمْكْلِّي أَوْنْ إصَامْحْ لْمَسِيحْ. ‏14 فْ أُفْلاَّ كُلُّو نْ مَيَادْ لْسَاتْ تَايّْرِي لِّي كُلُّو إسّْمُونّْ تِغَوْسِوِينْ أَدْ سْ تَمُونْتْ إكْمّْلْنْ. ‏15 أَيْمْلْكْ لْهْنَا نْ لْمَسِيحْ غْ أُلاَوْنْ نُّونْ،أَشْكُو نْتَّانْ أَسْ أَوْنْ إغْرَا رْبِّي فَاتّْݣْمْ يَاتْ دَّاتْ،أَرْتْ تّْشْكَارْمْ. ‏16 أَݣِّيوْنْ إزْدْغْ وَوَالْ نْ لْمَسِيحْ سْ تُوݣْتّْ،أَرْ تْسّْلْمَادْمْ أَرْ تُّصُّومْ إنْݣْرَتُونْ سْ كْرَيْݣَاتّْ أَنَاوْ نْ تْمُسْنَا،أَرْ تّْهْلِّيلْمْ إرْبِّي أَرْتْ تّْشْكَارْمْ غْ أُلاَوْنْ نُّونْ سْ وَوَالْ نْ تَلّْغَاتِينْ نْ تُلْغَا دْ تْمْدْيَزِينْ دْ أُرَارْنْ لِّي يَكَّا رُّوحْ نْسْ. ‏17 كُولْ مَا تّْسْكَارْمْ دْ كُولْ مَادْ تِّنِيمْ،سْكَرَاتّْ أَرْتْ تِّنِيمْ سْ إسْمْ نْ سِيدِيتْنْخْ يَسُوعْ،أَرْ سْرْسْ تّْشْكَارْمْ إرْبِّي بَابَاتْنْخْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.