إمحضارن أر تساماحن إوياض غيكلي ياسن إتساماح ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏21 غَكُدَانْ أَدّْ دَارْسْ يُشْكَا بُطْرُسْ إسَقّْسَاتْ إنَّايْسْ:«مْنْشْكْ أَسِيدِي نْ تْكْلْتْ أَرَا ݣِّيݣِي يْسْكْرْ ݣْمَا ݣَارْ صَامْحّْ أَسْ؟إزْدْ أَرْ سَاتْ تّْوَالْ؟» ‏22 إوَاجْبْدْ يَسُوعْ إنَّايْسْ:«أُورْدْ سَاتْ تّْوَالْ كَا أَسَاكْ نِّيخْ،وَلاَيْنِّي كْرَاضْ إدَ عْشْرِينْ دْ مْرَاوْتْ نْ تْكْلِتْ سَاتْ تّْوَالْ أَسَاكْ نِّيخْ. ‏23 مَيَادْ أَفْ تْݣَا تْݣْلْدِيتْ نْ إݣْنْوَانْ زُونْدْ يَانْ أُݣْلِّيدْ إرَا أَيْنْحَسَابْ دْ إسْمْݣَانْ نْسْ. ‏24 لِّيغْ إنْكْرْ أَرْ دِيدْسْنْ إتّْنْحِسِيبْ،أَوِينْ أَسْدْ يَانْ ضّْفُورْنْتْ مْرَاوْ وَّلْفِيوْنْ نْ تَرّْيَالْتْ نْ نْقّْرْتْ. ‏25 لِّيغْ دَارْسْ أُورْ إلِّي مَاسْ إفْرُّو تْمْرْوَاسْتْ نْسْ،يَامْرْ سِيدِيسْ أَيْنْزْ نْتَّانْ أُلاَ تَمْغَرْتْ نْسْ تَّرْوَا نْسْ،إنْزْ كْرَا إطَّافْ،أَيْفْرُو دِّينْ نْسْ. ‏26 وَلاَيْنِّي إسْمْݣْ لِّي يْكْنَادْ إخْفْ نْسْ إسْجْدْ أَسْ إحُورْمُوتْ إنَّايْسْ:صْبْر فْلِّي أَسِيدِي أَرْ كِيغْ أَكْ فْرِيخْ دِّينْ نّْكْ كُلُّوتْ. ‏27 إحْنُّو ݣِيسْ سِيدِيسْ إرْژْمْ أَسْ،إصَامْحْ أَسْ غْ دِّينْ لِّي فْلاَّسْ إلاَّنْ. ‏28 إفّْغْدْ إسْمْݣْ لِّي إلْمُقُّورْدْ دْ يَانْ إسْمْݣْ أَسْمُونْ نْسْ إضْفُورْ أَسْ مْيَّا نْ أُدِينَارْ،يَامْژْتْ إشْنّْقْتْ إنَّايْسْ:فْرُويِّ أَيْلِّي يَاكْ ضْفُورْخْ. ‏29 إضْرْ إسْمْݣْ لِّي سْ وَكَالْ غْ دَارْ إضَارّْنْ نْسْ،إحُرْمُوتْ إنَّايْسْ:صْبْر فْلِّي أَرْدَاكْ فْرُوخْ دِّينْ نّْكْ كُلُّوتْ. ‏30 مَشّْ يُوݣِي وَلِّي أَفْلاَّسْ إصْبْرْ،إنْكْرْ إقّْنْتِينْ غْ لْحْبْسْ أَرْدْ إفْرُو دِّينْ نْسْ. ‏31 لِّيغْ ژْرَانْ إسْمْݣَانْ لِّي دِيدْسْ لاَّنِينْ مَيَانّْ،إغَمَا بَهْرَا ݣِيسْنْ لْحَالْ،أَشْكْنْدْ كّْسْنْ كُلُّو لَخْبَارْ نْ مَايْجْرَانْ إسِدِيتْسْنْ. ‏32 تِزِي أَنّْ أَيْسْ إلْمَّا إغْرَا سِيدِيسْ إنَّايْسْ:يَاكْ أَݣَارْ إسْمْݣْ صَامْحّْ أَكْ كُلُّو غْ دِّينْ لِّي يَاكْ ضْفُورْخْ،أَشْكُو تْحُورْمِتِيِّ. ‏33 إسْ فْلاَّكْ أُورْ إلِّي حْتَّا كِيِّ أَتْحْنُّوتْ غْ إسْمْݣْ لِّي إݣَانْ أَسْمُونْ نّْكْ،غْمْكْلِّي ݣِيكْ حْنِّيخْ أُلاَ نْكِّينْ؟ ‏34 إغْضْبْ إلْمَّا فْلاَّسْ سِيدِيسْ إفْكْتْ إوِلِّي رَاتّْ إسْرْفُفُونْ أَرْدْ إفْرُو دِّينْ لِّيتْ كُلُّو إضْفُورْنْ. ‏35 غْمْكَانّْ أَرَادْ أَوْنْ إسْكْرْ بَابَا لِّي إلاَّنْ غْ إݣْنْوَانْ إغْ أُورْ إصَامْحْ كْرَيْݣَاتّْ يَانْ ݣِتُونْ إݣْمَاسْ سْ تّْمِي نْ وُولْ نْسْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف انك امحضارن؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.