لْكَنِيسْة أر أكَّان إِوِيَاض س تُوݣْتّْ

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏32 ݣْنْ كُلُّو إمُومْنّْ لِّي يَانْ غْ أُولْ نْسْنْ أُلاَ غْ رُّوحْ نْسْنْ،حْتَّا يَانْ أُورْ أَيْتِّنِي إسْ إݣَا كْرَا وِينْسْ غْ أَيْلِّي دَارْسْ إلاَّنْ،وَلاَيْنِّي مُونّْ كُلُّو إيَيْلِّي دَارْسْنْ. ‏33 زَايْدْنْ إرْقَّاصْنْ أَرْ أَكَّانْ تُوݣَّا سْ لْجْهْدْ إݣُّوتْنْ فْ غْمْكْلِّيدْ إنْكْرْ سِيدِيتْنْخْ يَسُوعْ غْ لْمُوتْ،تِلِي كُلُّو فْلاَّسْنْ لْبَرَكَا إݣُّوتْنْ. ‏34 أُورْ ݣِيسْنْ إلِّي حْتَّا يَانْ إحْتَجَّانْ،أَشْكُو وَنَّا دَارْ كْرَا نْ إݣْرَانْ نْغْدّْ كْرَا نْ تْݣْمَّا أَرْتْنْ إزّْنْزَا يَوِيدْ إقَّرِيضْنْ لِّي سْ إزّْنْزَا، ‏35 إسْرْسْتْنْ غْ لْݣْدَّامْ نْ إرْقَّاصْنْ،أَرْتْنْ أَطَّانْ فْكْنْ إكْرَيْݣَاتّْ يَانْ أَيْلِّي سْ إحْتَجَّا. ‏36 غْمْكَانّْ أَيْسْكْرْ يُوسُفْ لِّي مِي تِّنِينْ إرْقَّاصْنْ بَرْنَابَا،لِّي إݣَانْ سْ لْمْعْنَا وَلِّي إزّْعَامْنْ،إݣْ غْ أُفُوسْ نْ أَيْتْ لاَوِي إݣْ أُتْمَزِيرْتْ نْ قُبْرُصْ، ‏37 نْتَّانْ إلاَّ دَارْسْ يَانْ أُرْتِي إزّْنْزْتْ،يَوِيدْ إقَّرِيضْنْ لِّي سْتْ إزّْنْزَا إسْرْسْتْنْ غْ لْݣْدَّامْ نْ إرْقَّاصْنْ.

1 غِلاَدْ أَيَيْتْمَا نْرَا ݣِيوْنْ أَتِّسَّانْمْ فْ نّْعْمْتْ نْ رْبِّي لِّي يْفْكَا إلْكْنَايْسْ نْ مَكْدُونْيَّا. ‏2 مْقَّارْ لاَّنْ غْ تَسَّاسْتْ إݣُّوتْنْ،إدْلْتّ لْفْرْحْ نْسْنْ.مْقَّارْ أُورْ طَّافْنْ يَاتْ،إݣُّوتْ مَادْ فْكَانْ، ‏3 أَشْكُو ݣِيخْ إنِݣِي إسْ فْكَانْ سْ لْخَاطْرْ نْسْنْ أَيْلِّي مِي ژْضَارْنْ أُلاَ أَيْلِّي مِي أُورْ ژْضَارْنْ، ‏4 أَرَاخْ تّحُورْمُونْ أَدَّارْسْنْ نَامْژْ لْبَرَكَا لِّي فْكَانْ أَسّْرْسْ أَوْسْنْ إيَايْتْ رْبِّي. ‏5 سْكْرْنْ أُݣَّارْ نْ أَيْلِّي ݣِيسْنْ نْسِݣِّيلْ،فْكَانْ زْوَارْ إخْفَاوْنْ نّْسْنْ إسِيدِيتْنْخْ،ݣْنْ إلْمَّا وِينْخْ سْ شُّورْ نْ رْبِّي. ‏6 غَانّْ أَفْ نْضَالْبْ تِيطُسْ أَنّْ دَرُونْ يَاشْكْ أَيْكْمّلْ لْخْدْمْتْ أَدْ لِّي يْبْدَا غْ ݣْرَتُونْ. ‏7 وَلاَيْنِّي غْمْكْلِّي كْنْ أُورْ إخْصَّا يَاتْ:غْ لِيمَانْ دْ وَوَالْ دْ تُسّْنَا دْ صَّاحْتْ لِّينّْ تْݣَامْ سْ كْرَيْݣَاتّْ تَغَوْسَا أُلاَ تَايّْرِي لِّي سْ أَخْ تْرَامْ،أَرْ ݣِيوْنْ نْتّْضَلاَبْ أَدْ تّْزَيَّادْمْ غْ نّْعْمْتْ أَدْ أُلاَ نْتَّاتْ. ‏8 أُورْدْ إسْ أَݣِيوْنْ صِّمِيرْخْ،وَلاَيْنِّي أَرَاوْنْ سَوَالْخْ فْ صَّاحْتْ لِّينّْ ݣَانْ وِيَّاضْ،أَسّْرْسْ أَرْمْخْ صَّاحْتْ نْ تَايّْرِي نُّونْ. ‏9 أَشْكُو تْسّْنْمْ تِكِّيتْ نْ سِيدِيتْنْخْ يَسُوعْ لْمَسِيحْ مَامْنْكْ أَتّْݣَا،مْقَّارْ إغْنَا إݣَا إخْفْ نْسْ دْ دّْرِيوْشْ فْ سِّبّْتْ نُّونْ،فْ أَتّْݣْمْ وِيدْ غْنَنِينْ سْ غْمْكْلِّي أُورْ إطّْفْ يَاتْ. ‏10 أَرْ سْمُوقُّولْخْ إسْ ݣِيوْنْ إفُولْكِي إغْ تْزُويّْدْمْ فْ أَيْلِّي تْبْدَامْ أَسْݣَّاسْ لِّي يْزْرِينْ أَشْكُو إنّْفْعَاكْنْ مَيَادْ،كْنِّي أَيْزْوَارْنْ إسْ تْرَامْ مَيَادْ تْزْوُورْمْ إسْتّْ تْسْكْرْمْ. ‏11 وَلاَيْنِّي غِلاَدْ كْمّْلاَتْ تَوُّرِي أَدْ أُلاَ نْتَّاتْ،غْمْكْلِّينّْ سْرْسْ تْݣَامْ نِّييْتْ،أَسْ تّْمَاغْمْ سْ أَيْنَّا مِي تُوفَامْ أَسْتّْ تْكْمّْلْمْ. ‏12 أَشْكُو إغْنّْ إݣَا يَانْ نِّييْتْ سْ أَيْفْكْ كْرَا،أَرَاسْتْ إتّْقْبَالْ رْبِّي إغْ إفْكَا غْ أَيْلِّي دَارْسْ إلاَّنْ،أُورْدْ أَيْلِّي دَارْسْ أُورْ إلِّينْ. ‏13 أُورْدْ إسْ رِيخْ أَفْلاَّوْنْ ژُّوژِيخْ سِفْسَاسْخْ فْ وِيَّاضْ، ‏14 وَلاَيْنِّي أَݣِّيوْنْ رِيخْ دْ أَتّْنْݣَدَّامْ.أَيْقّنْ أَيْلِّي أَوْنْ إشَاضْنْ غِلاَدْ أَسْدْرْمْ إوِلِّي فْلاَّسْ لْكْمْنِينْ،أَرْ كِيغْ أَوْنْ إوْسْنْ حْتَّا نْتّْنِي سْ أَيْلِّي أَسْنْ إشَاضْنْ تِزِي نَّا فْلاَّسْ تْلْكْمّْ.غْمْكَانّْ أَسْ رَاتّْنْݣَدَّامْ. ‏15 غْمْكْلِّي إتّْيُرَانْ:«وَلِّي إسّْمُونّْ تُوݣْتّْ أُورَاسْدْ إشَاضْ يَاتْ،وَلِّي إسْمُونّْ إمِيكّْ أُورْ إلْكْمْ فْ يَاتْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.