لكنيسة أورا تْسْكِيرْكِيس غ ربي

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

1 وَلاَيْنِّي يَانْ أُرْݣَازْ إسْمْ نْسْ حَنَانِيَّا إزّْنْزَا يَانْ إݣْرْ نْتَّانْ دْ تْمْغَرْتْ نْسْ لِّي مُو إسْمْ سَفِّيرَة، ‏2 إحْضُو كْرَا غْ إقَّرِيضْنْ لِّي سْ زّْنْزَانْ سْ لَخْبَارْ نْ تْمْغَرْتْ نْسْ،يَوِيدْ أَيْلِّي يَاسْدْ يَݣُورْنْ إسْرْسْتْ غْ لْݣْدَّامْ نْ إرْقَّاصْنْ. ‏3 إنَّايْسْ بُطْرُسْ:«مَاخّْ أَحَنَانِيَّا أَيْلِّيغْ إعْمّْرْ شِّيطَانْ أُولْ نْكْ،أَرْ تْسْكْرْكِيسْتْ فْ رُّوحْ لْقُدُسْ،تْحْضُوتْ كْرَا غْ أَيْلِّي سْ تْزّْنْزِيتْ إݣْرْ نْكْ؟ ‏4 مَاخّْ أُورْدّْ وِنْكْ أَيْݣَا لِّيغْ تَاتْ أَكّْ أُورْ تْزّْنْزِيتْ؟دْ لِّيغْتْ يَادْ تْزّْنْزِيتْ،يَاكْ وِنْكْ أَدْ ݣَانْ إقَّرِيضْنْ لِّي سْتْ تْزّْنْزِيتْ؟مَدَاكْ زَا إسْغِينْ أَتّْحْضُوتْ مَيَادْ غْ وُولْ نْكْ؟هَتِي رْبِّي أَفْ تْسْكَرْكْسْتْ أُورْدّْ مْدّْنْ». ‏5 لِّيغْ إسّْفْلْدْ حَنَانِيَّا إوَوَالْ أَدْ،إضْرْ سْ وَكَالْ إمّْتْ،كْشْمْنْتْ تْكْصَّاضْ ݣُّوتْنِينْ كُولْ مَا إسّْفْلْدْنْ إمَيَانّْ. ‏6 نْكْرْنْ كْرَا نْ إعْزْرِيْنْ،كْفْنّْ حَنَانِيَّا،أَسِينْتْ سُّوفْغْنْتْ أَتِّينْ مْضْلْنْ. ‏7 لِّيغْ زْرِينْتْ كْرَا نْ كْرَاطّْ سّْوَايْعْ،تْكْشْمْنّْ تْمْغَرْتْ نْ حَنَانِيَّا،مَشّْ أُرْتَا تْسّْنْ مَا إجْرَانْ. ‏8 إسْقّْسَاتّْ بُطْرُسْ إنَّايْسْ:«إنِيِّ:إزْدْ غُنْشْكَادْ أَسْ تْزّْنْزَامْ إݣْرْ؟»تْوَاجْبْدْ تْنَّايْسْ:«يَّاهْ،غُونْشْكْ نَّا أَسْتْ نْزّْنْزَا». ‏9 إنَّايْسْ بُطْرُسْ:«مَاخّْ أَيْلِّيغْدْ تْمْشُشْكَامْ فْ أَدْ تّْجْرَّابْمْ رُّوحْ نْ رْبِّي؟هَا وِلِّينّْ مْضْلْنِينْ أَرْݣَازْ نْمْ غْ إمِي نْ تْݣْمِّي،هَاتْنِي رَاكّْمْ أَسِينْ سْ بْرَّا أُلاَ كْمِّي!» ‏10 تَسَّاعْتْ أَنّْ نِيتْ أَغْ تْضْرْ غْ تَمَا نْ إضَارّْنْ نْسْ تْمّْتْ.كْشْمْنِنّْ إعْزْرِيْنْ لِّي أَفْنْتِّينّْ تْمُّوتْ،أَسِينْتّْ سْ بْرَّا مْضْلْنْتِّينْ غْ تَمَا نْ أُرْݣَازْ نْسْ. ‏11 أَمْژْنْتْ تْكْصَّاضْ لْكْنِيسَة كُلُّوتّْ أُلاَ كُولْ مَا إسّْفْلْدْنْ إمَيَانّْ.

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.