لكنيسة أر تسنيضيف وياض

1 مرحبا بيك غ لحصة تماينوت ن توسْنا ن ربي. غسيزوور رانساقسا نڭراتنغ مامنك ان نڭا. مافا تشكارت سيدي ربي غ ايلي كولو اجران من تكليت ليڭران اسنماقار ؟

2 ماك اشطن غ امالاس اد أزرين؟ د ماك اخاصان باش ادڭينت تغاوسيوين على خير.

3 مادڭانت ليمورات لخاصانين ميدن غ لمجتمع نك، د ممنك سنزضار انمعيوين د انڭراتنغ باش اداسنت ناف افسّاي.

4 ماتڭا لقيصت لنسكر تكليت ليڭران اس نماقار؟ د ما نتعلم ف ربي د افڭان؟

5 غ انموقور لي ازرين،تقرير اتسكرت س ايلي تعلمت. ما تسكرت؟ د مامنك سيزري مايان

6 ماد تشاركت كران تغوصا ح لقيصت ليڭران؟ مامنك ايڭا لجواب نسن

7 غ تكليت ليڭران ليغ نماقار. نتافق باش اناف افساي اي ليمورات ليخاصانين ميدن غلمجتمع نع، مامنك س ازري مايان؟

8 غيلاد، رانسفلد اي لقيصت لجديد ن نواوال ربي

‏31 لُوقّْتْ نَّادْ يُشْكَا يِوْسْ نْ أُفْݣَانْ غْ لْمَجْدْ نْسْ مُونّْدْ كُلُّو دِيدْسْ لْمَلاَيْكَا تْقْدّْسْنِينْ،تِزِي أَنّْ أَرَا إݣِّيوْرْ فْ لْعْرْشْ نْ لْمَجْدْ نْسْ. ‏32 مُونّْدْ كُلُّو مْدّْنْ غْ لْݣْدَّامْ نْسْ،أَرْ إژْلاَيْ كْرَا غْ كْرَا غْمْكْلِّي إژْلاَيْ أُمْكْسَا أَهْرُويْ غْ وَغَاضْ. ‏33 إݣْ إهْرَايْ غْ أُفَاسِي نْسْ،إݣْ أَغَاضْنْ غْ أُژْلْمَاضْ نْسْ. ‏34 رَادْ إلْمَّا إسَاوْلْ أُݣْلِّيدْ سْ وِلِّي لاَّنِينْ غْ أُفَاسِيْ نْسْ يِنِي أَسْنْ:أَشْكَادّْ أَيْمْبَارْكِيْنْ نْ بَابَا،كُّسُيَاتْ تَݣْلْدِيتْ لِّي أَوْنْ يُجَادْ غْمْنْ لِّيغْ إخْلْقّْ دُّونِيتْ. ‏35 أَشْكُو يَغِيِّ لاَژّْ تْفْكْمِيِّ أَدْ شّْخْ.يَغِيِّ إرِفِي تْفْكْمِيِّ أَدْ سُوخْ،ݣِيخْ إمْزِّي تْسّْكْشْمِّيِّ سْ تْݣْمِّي نُّونْ. ‏36 أُورْ لْسِيخْ يَاتْ تْسّْلْسْمِيِّ.أُوضْنْخْ تْكّْمْدْ دَّرِي.إلِيخْنّْ غْ لْحْبْسْ تَݣّمِينّْ سْرِي. ‏37 غَكُدَانّْ رَادْ أَسْ وَاجْبْنْ وِلِّي فْ إرْضَا رْبِّي:مَانْ لُوقّْتْ أَسِيدِي أَكّْ نْژْرَا يَاغْكْ لاَژّْ نْفْكْ أَكْ أَتْشّْتْ،نْغْدّْ يَاغْكْ فَادْ نْفْكْ أَكْ أَتّْسُوتْ؟ ‏38 مَانْ لُوقّْتْ أَكّْ نْژْرَا تْݣِيتْ إمْزِّي نْسّْكْشْمْكْ سْ تْݣْمَّا نْخْ،نْغْدّْ أُورْ تْلْسِيتْ يَاتْ نْسّْلْسْكْ؟ ‏39 دْ مَانْ لُوقّْتْ أَكّْ نْژْرَا تُوضْنْتْ نْغْدّْ تْلِّيتْنّْ غْ لْحْبْسْ نَاݣّْنّْ سْرْكْ؟ ‏40 إوَاجْبْ أَسْنْدْ إلْمَّا أُݣْلِّيدْ لِّي يِنِي أَسْنْ:لْحَقّْ أَدَاوْنْ تِّنِيخْ:كُولْ مَاتّْسْكْرْمْ غْ كْرَا نْ يَانْ غْ أَيْتْمَا أَدْ مْژِّيْنِينْ،هَانّْ نْكِّينْ أَغْتْ تّْسْكْرْمْ! ‏41 إسَاوْلْ دَاخْ سْ وِلِّي نْ أُژْلْمَاضْ نْسْ يِنِي أَسْنْ:إتِّيَاتْنّْ ݣِي أَوِلِّي فْدْ تْݣُّوزْ لّْعْنْتْ سْ لَعْفِيْتْ إدَاوْمْنْ لِّي يْتّْسْكْرْنْ فْ إبْلِيسْ دْ لْمَلاَيْكَا نْسْ، ‏42 أَشْكُو يَغِيِّ لاَژّْ أُورْ إيِّ تْفْكِيمْ أَدْ شّْخْ.يَغِيِّ فَادْ أُورْ إيِّ تْفْكِيمْ أَدْ سُوخْ. ‏43 ݣِيخْ إمْزِّي أُورْ إيِّ تْسّْكْشْمّْ سْ تْݣْمَّا نُّونْ.أُورْ لْسِيخْ يَاتْ أُرِيِّ تْسّْلْسِيمْ.أَضْنْخْ إلِيخْنّْ غْ لْحْبْسْ أُورْدْ دَّرِي تْكِّيمْ. ‏44 غَكُدَانّْ رَدَاسْدْ وَاجْبْنْ أُلاَ نْتّْنِي إنِينْ أَسْ:مَانْ لُوقّْتْ أَسِيدِي أَكّْ نْژْرَا يَاغْكْ لاَژّْ نْغْدّْ إرِفِي نْغْدّْ تْݣِيتْ أَغْرِيبْ نْغْدّْ أُورْ تْلْسِيتْ نْغْدّْ تُوضْنْتْ نْغْدّْ تْلِّيتْنّْ غْ لْحْبْسْ أُورْكْ نْصْنِيضْفْ؟ ‏45 رَادّْ إسَاوْلْ يَنِي أَسْنْ:لْحَقّْ أَدَاوْنْ تِّنِيخْ:لِّيغْ أُورْ تْسْكْرْمْ مَيَادْ غْ غْوِيدْ مْژِّيْنِينْ،هَانّْ نْكِّينْ أَغْتْ أُورْ تْسْكْرْمْ. ‏46 دُّونْ إلْمَّا غْوِيدْ سْ لْعِقَّابْ إدُومْنْ،دُّونْ وِلِّي فْ إرْضَا رْبِّي سْ تُودْرْتْ إدُومْنْ».

1 غيلاد، أداغ إعاود كران يان لقيصت اد س إواليون نس، زوند اغات إتعاواد اكران يان ياضن. د إخاصاياح أتنعاون، اغيتّو كرا نغد اغن ازويد كرا اي لقيصت اد اتنساقصا ما نيغ ايلا مايان غ لقيصت اد

2 ماداغ تعلام لقيصت اد ف ربي د ايلي اسكار؟

3 ما نتعلام ف افڭان غ لقيصتاد؟

4 ما نتلمذ غ لقيصتاد ف تكمي ن ربي؟

5 مامنك سرا تسكرت س لحق نربي لنزرا غ لقيصت اد غ ايمالاس اد؟ ماتڭا تغاوسا لرا تسكرت؟

6 ما راد تشاركت لقيصت اد قبل انموقور تيكليت يادن؟ اس تسنت ميدن ياضن رانين اد سن اوال ن ربي غ تطبيق اد؟

7 لجتماع نغ اقرب اي كمل. غيلاد رانزر مناڭ اراداغ نموقور د مانوا ارايڭود انموقار ليديوشكان

8 نزري د انڭرانتغ لوقت افولكين، اركنتشجاع فاد تقيْت ايلي ستنيت رات تسكرت. د تسفلت القيصتاد تاكليت ياضن. والي اڭودن لجتماع نغاصاد راديدون اشارك لقصيت اد اتيوران نغد تسجيل نس اغدارون او ايلا. غيلاد رانضالب ربي فاداغ اعاون.